TARA AGYI 7:14 - Jinghpaw Common Language Bible 2009

¹⁴ Shi a manang wa chyawm gaw, “Dai gaw Israela masha Yoasha a kasha Gidon a nhtu rai nga ai! Dai hta lachyum kaga hpa mung n rawng nga ai! Karai Kasang gaw Midian masha ni hte hpyen laba ni hpe dang kau na awng padang shi hpe jaw nu hka!,” ngu nna htan wu ai.

Jinghpaw Hanson Version Bible

¹⁴ Manang wa gaw, “Muk pa dai kaga n rai, Israela masha Yoasha kasha Gidon a nhtu rai nga ai: Karai Kasang gaw dai wa a lata hta, Midian masha ni hte hpyen laba ni hpe ap kau nu ai,” ngu nna htai ya wu ai.

TARA AGYI 7:14 ပူးပေါင်းရင်းမြစ်များ

YOBA 1:10

Nang gaw shi hpe mung, shi a dinghku hpe mung, shi madu da ai arung arai shagu hte hpe tut nawng makawp maga ya nga ndai. Shi galaw ai amu shagu hpe nang shaman ya nna, mungdan ting hpring wa lu hkra yam nga law law nang shi hpe jaw ya nit dai.

BU HKAWM 22:38

Balam gaw, “Ngai du ni ai n rai ni? Ya rai tim, ngai kaning re ai daru magam n-gun wa lu nga a ta? Karai Kasang ngai hpe tsun shangun ai ga hpe chyu sha tsun lu na nngai,” ngu nna htan wu ai.

BU HKAWM 23:20

Ngai gaw shaman ya na matu shatsam hkrum ni ai; Karai Kasang shaman ya ai hpe ngai shabai lu na n rai.

BU HKAWM 23:5

Dai Madu mung Balam hpe kaning ngu tsun na lam tsun matsun nhtawm, dai ga Balak hpe bai wa hti dan na matu shi hpe bai nhtang wa shangun dat wu ai.

YAWSHU 2:24

“Kaja wa teng teng dai Madu anhte hpe mungdan ting jaw ya mani ai; dai kaw na masha nlang anhte hpe hkrit kajawng nga masai,” ngu nna tsun dan ma ai.

YAWSHU 2:9

shan hpe, “Dai Madu nanhte hpe ndai mungdan jaw kau sai mung, mung masha shagu nanhte hpe hkrit kajawng nga saga ai mung, ngai chye nngai.

YAWSHU 5:1

Israela amyu masha ni Yawdan hka rap kawt mat wa ai aten du hkra, dai Madu Yawdan hka jahkyet kau ai lam, Yawdan hka a sinna hkran de nga ai Amori hkawhkam ni yawng hte Ka-ang Panglai mayan hku nga ai Hkanani hkawhkam ni yawng mung na ma ai. Dai Israela amyu masha ni a majaw shanhte hkrit gari mat ai hte myit daw myit htum mat ma ai.

TARA AGYI 3:28

Shi gaw shanhte hpe, “Nye a hpang hkan nang marit! Dai Madu gaw nanhte a gumlau hpyen rai nga ai Moba masha ni hpe gasat dang kau na awng padang nanhte hpe jaw manit dai,” ngu nna tsun wu ai. Shanhte mung Ehud kaw hkan nang yu wa nhtawm Moba masha ni Yawdan hka rap ai uhkan shara hpe hkap madu la ma ai. Shanhte gaw langai mi hpe mung n rap di shangun nga ma ai.

TARA AGYI 7:13

Gidon shi du ai shaloi, masha langai mi gaw manang wa hpe yup mang hkai dan nga ai hpe sa na wu ai. Dai wa gaw, “Muk-yaw muk pa mi anhte a dap de taleng yu wa nhtawm sum langai hpe sa hkra nna sum dai hpe gamyet agrawp shapa kau ai yup mang mu nngai,” ngu nna htan wu ai.

TARA AGYI 7:15

Dai masha wa htai ai yup mang hte de a lachyum hpe Gidon na ai shaloi, dai Madu hpe hput di let nawku wu ai. Dai hpang shi gaw Israela dap de nhtang wa nhtawm, “Rawt manu! Dai Madu Midian hpyen laba ni hpe dang kau na awng padang nanhte hpe jaw ya nga sai!,” ngu nna tsun wu ai.

1 SAMUELA 14:12

Dai hpang shanhte gaw Yonahtan hte shabrang wa hpe, “Ndai de sit lung wa mi! Nan hpe anhte lama mi tsun dan na lu ga ai!,” ngu nna tsun ma ai. Yonahtan gaw shabrang wa hpe, “Nye a hpang hkan nang rit. Shanhte hpe dang kau lu ai awng padang dai Madu gaw Israela hpe jaw nu ai,” ngu nna tsun wu ai.