TARA AGYI 7:13 - Jinghpaw Common Language Bible 2009

¹³ Gidon shi du ai shaloi, masha langai mi gaw manang wa hpe yup mang hkai dan nga ai hpe sa na wu ai. Dai wa gaw, “Muk-yaw muk pa mi anhte a dap de taleng yu wa nhtawm sum langai hpe sa hkra nna sum dai hpe gamyet agrawp shapa kau ai yup mang mu nngai,” ngu nna htan wu ai.

Jinghpaw Hanson Version Bible

¹³ Gidon shi du yang, yu u, masha langai mi manang wa hpe yup mang hkai dan wu ai gaw: “Ngai yup mang mu nngai; muk-yaw mukpa mi Midian dap de daleng hkrat wa nna, sum hta wa hkra jang, sum dai hpe kamyet daw agrawp shapa kau ai, mu nngai,” ngu wu ai.

TARA AGYI 7:13 ပူးပေါင်းရင်းမြစ်များ

1 KORINHTU 1:27

Rai ti mung Karai Kasang gaw, dingsang di ai hku nna hpaji byeng-ya rawng ai ni hpe kaya kahpa jahkrum na matu, mungkan e angawk angak re ai ni ngu nna sawn nawn ai ni hpe lata la wu ai; n-gun ja ai ni hpe kaya kahpa jahkrum na matu mungkan ga e n-gun kya ai ni ngu nna sawn nawn ai ni hpe lata la wu ai.

TARA AGYI 3:15

Dai hpang Israela amyu masha ni dai Madu hpe hpyi jahtau ma ai rai nna shanhte hpe shalawt dat na masha shangun dat ya wu ai. Dai wa gaw Benyamin amyu bawsang hta na Gera a kasha, lata lapai ai Ehud rai nga ai. Shaloi Israela amyu masha ni mung Ehud hpe Moba Hkawhkam Eglon hpang de shi a matu kumhpaw kumhpa ni hte hpawn shangun dat mu ai.

TARA AGYI 3:31

Hpang na ningbaw wa gaw Anat a kasha Shamga rai nga ai. Shi mung Hpilisti masha marai kru tsa hpe majawn hte sat kau nna Israela masha ni hpe hkye la wu ai.

TARA AGYI 4:21

Sisera mahtang grai ba nna yup pyaw mat wa wu ai shaloi, Yaela gaw sumdu langai hte sum mailak langai mi la nhtawm dai mailak hpe ga de hkrang mat hkra shi a sha galawp kaw n shai hkra kayat jung ya wu ai.

TARA AGYI 4:9

Shi mung, “Rai sa, ngai nang hte rau sa wa na nngai; rai ti mung dai Madu gaw numsha a lata hta mahtang Sisera hpe ap ya na rai wu ai majaw dai awng padang a matu nang arawng lu na ndai n rai,” ngu nna htan wu ai. Dai rai nna Debora rawt nna Barak hte rau Kedesha de sa wa ma ai.

TARA AGYI 6:15

Gidon gaw, “Rai ti mung Madu e, ngai gaw Israela masha ni hpe kaning rai hkye mawai la lu na rai nga a ta? Nye a amyu lakung lama gaw Manashe amyu bawsang ni hta n-gun kya htum ai she rai nga ai, nye a dinghku hta mung ngai gaw hpa n tai htum ai wa rai nga nngai,” ngu nna htan wu ai.

TARA AGYI 7:12

Midian masha ni, Amalek masha ni hte nam mali hkan nga ai amyu bawsang ni gaw dinggam-yaw uhpung mi zawn kadit hta e apa pat but nga ma ai. Shanhte a gawla-uk ni mung panglai hkin-gau na zaibru ni zawn n dang hti hkra law nga malu ai.

TARA AGYI 7:14

Shi a manang wa chyawm gaw, “Dai gaw Israela masha Yoasha a kasha Gidon a nhtu rai nga ai! Dai hta lachyum kaga hpa mung n rawng nga ai! Karai Kasang gaw Midian masha ni hte hpyen laba ni hpe dang kau na awng padang shi hpe jaw nu hka!,” ngu nna htan wu ai.

TARA AGYI 8:10

Zeba hte Zalmuna yan gaw shan a hpyen luksuk ni hte Kakora mare e nga nga ma ai. Nam mali hkan na amyu bawsang ni a hpyen laba ting hta na 15,000 chyu sha ngam mat nna hpyenla 120,000 sat kau ai hkrum nga masai.