TARA AGYI 7:12 - Jinghpaw Common Language Bible 2009

¹² Midian masha ni, Amalek masha ni hte nam mali hkan nga ai amyu bawsang ni gaw dinggam-yaw uhpung mi zawn kadit hta e apa pat but nga ma ai. Shanhte a gawla-uk ni mung panglai hkin-gau na zaibru ni zawn n dang hti hkra law nga malu ai.

Jinghpaw Hanson Version Bible

¹² Ya Midian masha ni, Amalek masha ni hte sinpraw hkran masha ni nlang hte gaw, dai kadit e but nga nna, dinggam-yaw zawn law nga ma ai: shanhte gawla-uk ni mung, nammukdara zaibru made hti n dang hkra law nga malu ai.

TARA AGYI 7:12 ပူးပေါင်းရင်းမြစ်များ

1 HKAWHKAM 20:27

Israela masha ni mung hpyen hking hte hkrak rai shaga shapraw la hkrum ma ai. Shanhte gaw Suri masha ni nga ai de man yawng ai shara de rawt lung wa nhtawm hpung lahkawng garan nna dap jung da mu ai. Israela masha ni chyawm gaw mung ting hta pri rai nga ai Suri masha ni hte shadawn yu yang, kaji ai bainam hpung lahkawng daram sha rai ma ai.

1 HKAWHKAM 4:30

Shawlumon gaw Sinpraw maga de na hpaji rawng ai ni hte Egutu mung na hpaji rawng ai masha ni yawng hta grau nna hpaji rawng nga ai.

SHAKAWN KUNGDAWN 3:1

Madu e, ngai gaw gumlau hpyen law law lu nngai, law law wa ngai hpe gumlau nga ma hka!

SHAKAWN KUNGDAWN 33:16

Shi a n-gun rawng ai hpyen luksuk a majaw hkawhkam wa majan dang ai n rai; hpyen ma langai mi gaw shi a n-gun a majaw awng padang lu ai n rai.

YEREMIA 46:23

Shanhte a hpyenla ni gaw n dang hti hkra law nga ma ai; shanhte gaw dinggam-yaw ni hta pyi grau law nga ma ai.

YAWSHU 11:4

Shanhte gaw panglai hkin-gau na zaibru zawn law la ai luksuk kaba ni hte mung, gumra hte hpyen leng law law hte mung pru sa wa ma ai.

TARA AGYI 6:3

Israela amyu masha ni nli naili gat hkai da ai shaloi, Midian masha ni mahtang Amalek masha ni hte nam mali hkan nga ai amyu baw ni hte rau sa htim gasat ma ai.

TARA AGYI 6:33

Dai hpang Midian masha ni, Amalek masha ni hte nam mali hkan nga ai amyu bawsang ni yawng jawm hpawng nna Yawdan hka rap nhtawm Yezrela Kadit e dap jung ma ai.

TARA AGYI 6:5

Shanhte gaw dinggam-yaw zawn kanawng hkawm ai yam nga hpung ni hte sum ni hte rau du sa ma ai. Shanhte hte shanhte a gawla-uk ni gaw hti n dang hkra law nga ai. Shanhte gaw dai mung de sa nna jahten shaza kau ma ai,

TARA AGYI 7:13

Gidon shi du ai shaloi, masha langai mi gaw manang wa hpe yup mang hkai dan nga ai hpe sa na wu ai. Dai wa gaw, “Muk-yaw muk pa mi anhte a dap de taleng yu wa nhtawm sum langai hpe sa hkra nna sum dai hpe gamyet agrawp shapa kau ai yup mang mu nngai,” ngu nna htan wu ai.

TARA AGYI 8:10

Zeba hte Zalmuna yan gaw shan a hpyen luksuk ni hte Kakora mare e nga nga ma ai. Nam mali hkan na amyu bawsang ni a hpyen laba ting hta na 15,000 chyu sha ngam mat nna hpyenla 120,000 sat kau ai hkrum nga masai.

1 SAMUELA 13:5

Hpilisti masha ni mung Israela ni hpe htim gasat na matu zup hpawng ma ai; shanhte hta hpyen leng mun masum, gumra jawn ai masha hkying kru hte panglai hkin-gau hkan na zaibru zawn law ai hpyenla ni nga nga ai. Shanhte gaw Betawen a sinpraw maga Mikmasha de sa wa nhtawm dai yang e dap jung ma ai.

1 SAMUELA 30:17

Dawi mung shawng jahpawt kaw nna hpang shana de du hkra shanhte hpe gasat ma ai rai nna, gawla-uk jawn ai shabrang mali tsa hprawng lawt wa lu ai hta kaga, langai mi mung n lawt lu nga masai.