TARA AGYI 6:8 - Jinghpaw Common Language Bible 2009

⁸ Dai Madu Israela a Karai Kasang gaw shanhte hpang de ndai mungga ning ngu tsun na matu myihtoi langai shangun dat wu ai: “Ngai gaw nanhte hpe Egutu mung e mayam tai nga myit dai kaw nna woi wa ma sade ai.

Jinghpaw Hanson Version Bible

⁸ Yehowa Israela kashu kasha ni hpang de myihtoi langai mi shangun dat nna, dai wa gaw, Israela Karai Kasang Yehowa ning nga ai: “Ngai nanhte hpe Egutu mung hte mayam tai nga ai nta na shaw woi wa masade ai:

TARA AGYI 6:8 ပူးပေါင်းရင်းမြစ်များ

2 HKAWHKAM 17:13

Dai Madu gaw Israela hte Yuda hpe shadum jahprang na matu shi a dat kasa ni hte myihtoi ni hpe shangun dat wu ai: “Nanhte galaw ai n hkru ai amu ni hpe kau da nna nanhte a kaji kawa ni hpe ngai jaw ai Tara hta lawm ai nye a hkang da ai ga ni hpe mung, nye a shangun ma ni rai nga ai myihtoi ni hku nna nanhte hpe shalai jaw ai hkang da ai ga ni hpe madat mara mu.”

SHAKAWN KUNGDAWN 106:44

Ti mung, shanhte hpyi jahtau ai shaloi, Madu na ya wu ai; shanhte a myit ru myit tsang ai lam hpe shi dum ya mu ai.

PRU MAT 13:14

Du na ra ai aten hta, na a shadang sha mahtang, ndai htung tara gaw hpa baw lachyum rai ta?, ngu nna san yang, nang gaw shi hpe, ‘Dai Madu gaw galu kaba ai daru magam n-gun lang nna anhte mayam sa tai nga ai Egutu mung kaw na woi shapraw wa mi ai.

PRU MAT 13:3

Mawshe gaw amyu masha ni hpe, “Nanhte mayam yam hkrum ai shara hte Egutu mung na pru wa ai shani na dai nhtoi hpe adum nga mu. Dai nhtoi gaw dai Madu shi a galu kaba ai daru magam n-gun hte nanhte hpe woi shapraw wa ai shani rai nga ai. Nanhte gaw matsi n rawng ai muk sha lu na myit dai.

TARA AGYI 6:7

Dai hpang Israela amyu masha ni gaw Midian masha ni a majaw karum la na matu dai Madu kaw hpyi jahtau ma ai;

TARA AGYI 6:9

Ngai gaw nanhte hpe Egutu masha ni a lata kaw na mung, ndai mung e nanhte hpe gasat ninghkap ai masha amyu ni a lata kaw na mung, hkye mawai la ni ai. Ngai gaw nanhte rawt lung wa myit dai shaloi shanhte hpe gawt shapraw kau nhtawm shanhte a lamu ga hpe nanhte a lata hta ap ya ni ai.

1 SAMUELA 10:18

shanhte hpe, “Dai Madu Israela a Karai Kasang gaw, ‘Ngai gaw nanhte hpe Egutu mung kaw nna woi shapraw wa ni ai; Egutu masha ni a lata kaw na mung, nanhte hpe dip gamyet sha nga ai kaga masha amyu baw ni yawng a lata kaw na mung hkye mawai la ni ai.