TARA AGYI 6:6 - Jinghpaw Common Language Bible 2009

⁶ Israela gaw shanhte a majaw matsan hkrum nga sai.

Jinghpaw Hanson Version Bible

⁶ Shing rai, Israela masha ni Midian masha ni majaw, mala la matsan mat nna, Israela kashu kasha ni gaw Yehowa hpe hpyi jahtau ma ai.

TARA AGYI 6:6 ပူးပေါင်းရင်းမြစ်များ

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 78:34

Shanhte kaw na n kau mi hpe shi sat kau ai aten shagu hta, ngam ai ni gaw shi hpang de kayin wa ma ai; shanhte myit malai wa nna, Madu kaw akroi anoi akyu hpyi nga ma ai.

ESAIA 26:16

Madu e, nang gaw na a amyu masha ni hpe ari jaw nga ndai, nni nkri hkrum ai shaloi shanhte nang kaw akyu hpyi ma ai.

YEREMIA 5:17

Shanhte gaw na a nsi naisi ni hte lusha ni hpe sha kau na mara ai; shanhte gaw na a shadang sha ni hte shayi sha ni hpe sat kau na mara ai. Shanhte gaw na a yam nga hpung hte sagu bainam hpung ni hpe mung sat kau ya na mara ai, na a sabyi ru ni hte lakum hpun ni hpe mung jahten kau ya na mara ai. Nang kam nga ai bunghku kum ai mare ni hpe mung shanhte a hpyen luksuk ni jahten kau ya na ra ai.

HOSEA 5:15

“Ngai gaw shanhte shut kau ai yubak ni a matu law ram hkra re ai nni nkri hkam sha ai hte ngai hpe hkan tam wa ai aten du hkra, nye a amyu masha ni hpe kau da na nngai. Shanhte hkam sha ai nni nkri a majaw shanhte ngai hpe mahkoi tam shakut wa na ma ai nhten.”

MALAHKI 1:4

Esaw a matu mara Edom masha ni gaw, “Anhte a kahtawng ni jahten sharun kau hkrum sai, rai ti mung dai ni hpe anhte bai gaw gap na ga ai,” ngu nna lama tsun ai rai yang, dai Madu gaw, “Shanhte bai de da mu ga-dai ni hpe ngai bai run kau ya na we ai. Amyu masha ni gaw shanhte hpe, ‘Dai n hkru ai mungdan’ hte ‘Dai Madu tut nawng pawt nga ai amyu,’” ngu nna shaga na ra ai.

TARA JAHPRANG 28:43

“Nanhte a mungdan hta nga ai maigan masha ni mahtang daru magam n-gun grau grau rawng wa na mara ai; nanhte chyawm gaw angwi ngwi sha grit mat wa na marin dai.

TARA AGYI 10:10

Dai hpang Israela masha ni gaw dai Madu hpe, “Anhte a Karai Kasang hpe kau da nna Bala hpara ni hpe nawku kau saga ai majaw nang hpe yubak galaw shut kau saga ai,” ngu nna jahtau tsun ma ai.

TARA AGYI 3:15

Dai hpang Israela amyu masha ni dai Madu hpe hpyi jahtau ma ai rai nna shanhte hpe shalawt dat na masha shangun dat ya wu ai. Dai wa gaw Benyamin amyu bawsang hta na Gera a kasha, lata lapai ai Ehud rai nga ai. Shaloi Israela amyu masha ni mung Ehud hpe Moba Hkawhkam Eglon hpang de shi a matu kumhpaw kumhpa ni hte hpawn shangun dat mu ai.

TARA AGYI 3:9

Dai hpang Israela amyu masha ni mahtang dai Madu hpe jahtau ma ai rai nna shanhte hpe shalawt dat na masha langai shangun dat ya wu ai. Dai wa gaw Hkaleb a kanau Kena a kasha Otniela rai nga ai.

TARA AGYI 4:3

Yabin gaw hpri leng jahku tsa lu ai rai nna, Israela amyu masha ni hpe hkun ning tup gumshem nna kashun kashe du daw sai hkaw hte up hkang wu ai. Shaloi Israela amyu masha ni mung karum la na matu dai Madu hpe hpyi jahtau ma ai.

TARA AGYI 6:7

Dai hpang Israela amyu masha ni gaw Midian masha ni a majaw karum la na matu dai Madu kaw hpyi jahtau ma ai;