TARA AGYI 6:5 - Jinghpaw Common Language Bible 2009

⁵ Shanhte gaw dinggam-yaw zawn kanawng hkawm ai yam nga hpung ni hte sum ni hte rau du sa ma ai. Shanhte hte shanhte a gawla-uk ni gaw hti n dang hkra law nga ai. Shanhte gaw dai mung de sa nna jahten shaza kau ma ai,

Jinghpaw Hanson Version Bible

⁵ Shanhte gaw tinang yamnga, tinang sum hte lung wa nna, dinggam-yaw zawn kanawng ai hte, shanhte hte shanhte a gawla-uk ni gaw hti n dang hkra law nga malu ai: dai mung hpe shaza kau na matu, shanhte lung wa ma ai.

TARA AGYI 6:5 ပူးပေါင်းရင်းမြစ်များ

Shawlumon A Mahkawn Ga 1:5

Yerusalem numsha ni e, ngai gaw chyang nngai rai ti mung tsawm nngai, Kedara nam mali na sum ni zawn chyang ti mung, Shawlumon a hkaw htingnu na nba grang ni zawn tsawm htap nga nngai.

ESAIA 13:20

Kadai mung dai shara e galoi mung bai nga lu na n rai. Bu hkawm nga ai Arab masha ni mung dai shara hkan shanhte a sum gap sana ma ai n rai, sagu rem ai ni mung dai yang e sagu rem sana ma ai n rai.

ESAIA 60:6

Gawla-uk ni hte hpaga ga ai wunawng mi gaw Midian hte Ehpa mung kaw na du sa wa na mara ai. Shanhte gaw Sheba mung na aja hte manam pyaw ai baw la sa na mara ai. Amyu masha ni gaw dai Madu galaw nu ai kabu gara shiga a lam tsun na mara ai!

YEREMIA 46:23

Shanhte a hpyenla ni gaw n dang hti hkra law nga ma ai; shanhte gaw dinggam-yaw ni hta pyi grau law nga ma ai.

YEREMIA 49:29

Shanhte a ginsum janghpang hte sagu yam nga hpung ni, shanhte a ginsum nba grang ni hte ginsum kata hta rawng ai arai yawng mayawng ni hpe madu la kau ya mu. Shanhte madu da ai gawla-uk ni hpe la kau ya nna, dai masha ni hpe, ‘Hkrit hpa shoihpa shoirang gaw nanhte yawng hpe wang shinggrup da sai!,’ ngu nna tsun mu.

YEREMIA 49:32

“Shanhte a gawla-uk ni hte yam nga hpung ni yawng hpe madu la kau mu! Kara kadun rep ai dai masha ni hpe shara shagu de ngai shabra kau nna shara shagu hkan na tsin-yam tsindam shanhte a ntsa e ngai shapraw na we ai.

YEREMIA 51:14

Chyahtum Chyalai N-gun rawng ai dai Madu gaw dinggam-yaw kamawng ai zawn Babelon hpe gasat na matu, masha law law woi sa wa nna awng padang a matu garu jahtau na mara ai, nga nna shi nan dagam da nu ai.

TARA JAHPRANG 28:33

Nang hki ba let galaw shatut da ai nsi naisi yawng hpe maigan masha amyu baw ni htawm la kau ya na ra ai. Nang chyawm gaw dip gamyet sha hkrum ai hte zingri zingrat ahkrum nga na ra ai.

TARA AGYI 7:12

Midian masha ni, Amalek masha ni hte nam mali hkan nga ai amyu bawsang ni gaw dinggam-yaw uhpung mi zawn kadit hta e apa pat but nga ma ai. Shanhte a gawla-uk ni mung panglai hkin-gau na zaibru ni zawn n dang hti hkra law nga malu ai.

TARA AGYI 8:10

Zeba hte Zalmuna yan gaw shan a hpyen luksuk ni hte Kakora mare e nga nga ma ai. Nam mali hkan na amyu bawsang ni a hpyen laba ting hta na 15,000 chyu sha ngam mat nna hpyenla 120,000 sat kau ai hkrum nga masai.

TARA AGYI 8:21

Dai hpang Zeba yan Zalmuna gaw Gidon hpe, “Nang nan rawt nna an hpe sat kau mi; wa-ngan hpe gaw wa-ngan n-gun hte she rai law,” ngu nna tsun ma ai. Gidon mung shan hpe sat kau nhtawm shan a gawla-uk du na mawn sumli rai ni hpe hpyu la wu ai.

1 SAMUELA 30:17

Dawi mung shawng jahpawt kaw nna hpang shana de du hkra shanhte hpe gasat ma ai rai nna, gawla-uk jawn ai shabrang mali tsa hprawng lawt wa lu ai hta kaga, langai mi mung n lawt lu nga masai.