TARA AGYI 6:34 - Jinghpaw Common Language Bible 2009

³⁴ Madu a wenyi chyawm gaw Gidon hpe hkang nga ai rai nna Abieza a lakung lama ni hta na masha ni shi a hpang hkan na matu shi pahtau dum let shaga dat wu ai.

Jinghpaw Hanson Version Bible

³⁴ Yehowa a Wenyi chyawm gaw Gidon hta dung nga nna, shi pahtau dum dat wu yang, Abiezra kasha ni hkan nang ma ai.

TARA AGYI 6:34 ပူးပေါင်းရင်းမြစ်များ

1 HKAWHKAM LABAU 12:18

Karai Kasang a wenyi gaw shanhte hta na langai mi rai nga ai Amasai hpe hkang shading nna “Marai sumshi” up hkang ai wa tai wa nga ai. Shi gaw, “Yese a kasha Dawi e, anhte gaw Na a maga de na ni rai nga ga ai! Nang hpe karum ai ni na a majaw awng dang ai lam lu la mu ga. Karai Kasang gaw na a maga de nga nga ai,” ngu nna tsun shapraw wu ai. Dawi gaw shanhte hpe hkalum la nhtawm shi a hpyen luksuk hta shanhte hpe du shatai da nga ai.

1 HKAWHKAM LABAU 12:19

Dawi gaw Hpilisti masha ni hte rau Hkawhkam Shawlu hpe htim gasat na matu rawt sa wa yang, Manashe a amyu bawsang kaw nna hpyenla nkau mi gaw Dawi hpang maga de shang mat wa ma ai. Teng teng nga yang, shi gaw Hpilisti masha ni hpe sa karum la na matu n rai; hpa majaw nga yang, shanhte hpe shi a shawng na madu Shawlu hpang de woi kayin gumlau kau na hpe shanhte a hkawhkam ni hkrit nga ma ai majaw shanhte gaw Dawi hpe Ziklag mare de nhtang wa kau shangun nga ma ai.

2 HKAWHKAM LABAU 24:20

Karai Kasang a wenyi gaw hkinjawng Yehoiada a kasha Zehkaria hpe up hkang nga ai rai nna amyu masha ni shi hpe mu lu ai shara hta shi tsap let, “Nanhte a ntsa e ru yak tsin-yam tsindam du wa hkra shi a hkang da ai ga ni hpe nanhte hpa majaw n madat n mara nga myit dai kun?, nga nna Madu Karai Kasang san nga ai! Nanhte gaw shi hpe kau da nga myit dai majaw shi nanhte hpe kau da manit dai!,” ngu nna jahtau tsun wu ai.

SHAKAWN KUNGDAWN 51:11

Na a myi man kaw nna ngai hpe hkum shaden kau et; na a chyoi pra ai wenyi ngai kaw na hkum dawm la kau ya e.

BU HKAWM 10:3

Pahtau lahkawng yan hpe nsen galu hku dum dat yang, shawa hpung ting gaw nye a hpung shingkang shanu nga ai Sum chyinghka lam de nang kaw sa zup lu na rai ma ai.

ROMA 13:14

Dai hta n ga Madu Yesu Hkristu hpe hpyen hking zawn bu hpun dagraw nga mu; hkum shan a myit marin ai hta myit lawm myit shadik la ai lam ni hpe jahkring kau mu.

GALATI 3:27

Nanhte gaw Hkristu hte langai sha tai na matu hkalup hkam la manit dai rai nna Hkristu hpe bu hpun sumraw nga myit dai.

YAWSHU 17:2

Manashe hte naw ngam nga ai lakung lama ni ngu na Abieza, Helek, Asriela, Shehkem, Hehpera hte Shemida ni hpe Yawdan hka a sinna hkran na lamu ga masat ya mu ai. Dai ni gaw Yosep a shadang sha Manashe kaw na lasha amyu matu ni rai nga ai majaw dai lakung lama ni a ningbaw ni rai ma ai.

TARA AGYI 13:25

Zoara hte Eshtola na Dan amyu dap hta shi nga nga yang, dai Madu a daru magam n-gun shi hpe jaw hpang wu ai.

TARA AGYI 14:19

Dai Madua daru magam n-gun gaw shi hpe akajawng sha n-gun shaja ya ai rai nna, shi gaw Ashkelon mare de yu wa nhtawm lasha sumshi hte hpe sat kau wu ai. Shanhte a mani tsawm ai hpun palawng ni hpe raw sharun la nhtawm gumwai ga htai lu ai lasha ni hpe jaw kau wu ai. Dai hpang byin lai wa sai lam a majaw masin kahtet ai hte nta de nhtang mat wa wu ai;

TARA AGYI 15:14

Shi gaw Lehi mare de du ai shaloi, Hpilisti masha ni shi hpang de kagat sa wa nhtawm shi hpe jahtau ma ai. Dai Madu a daru magam n-gun gaw shi hpe akajawng sha n-gun shaja ya ai rai nna saman ri hkru mat ai zawn shi a lata lahpum ni hpe gyit gumbat da ai sumri ni hpe shadi kau wu ai.

TARA AGYI 3:10

Dai Madu a wenyi mung shi a ntsa e dung nga ai rai nna shi gaw Israela a ningbaw tai wa nga sai. Otniela majan rawt wu yang, dai Madu gaw Mesopotamia hkawhkam hpe gasat dang kau lu ai awng padang shi hpe jaw wu ai.

TARA AGYI 3:27

Shi gaw dai yang na Ehprim bum ga de du wa yang, hpyen majan rawt na Israela amyu masha ni hpe shaga dat na nga, pahke dum dat wu ai. Dai hpang shi gaw shanhte hpe bum ga kaw na woi yu wa wu ai.

TARA AGYI 6:11

Dai hpang dai Madu a lamu kasa mahtang Ohpra kahtawng de sa nna, Abieza lakung lama hta na Yoasha ngu ai wa madu da ai wamyi hpun nhpang e dung nga ai. Shi a kasha Gidon chyawm gaw Midian masha ni shi hpe n mu lu u ga, sabyi shup ai htumbyen hta hkaulan mam lagyim adup wu ai.

TARA AGYI 8:2

Rai ti mung shi mahtang, “Nanhte galaw lu ai hta hpa mung ngai jan galaw lu nga nngai n rai. Ehprim masha ni kaji sha mi galaw ai amu gaw nye a lakung lama ni yawng jawm galaw ai amu hta pyi grau manu dan nga myit dai.

1 SAMUELA 10:6

Shaloi dai Madu a wenyi gaw akajawng sha nang hpe up hkang nna nawku htung hte seng ai ka manawt ai hte jahtau garu ai hta nang shang lawm nhtawm laklai ai masha tai wa na rin dai.

1 SAMUELA 11:6

Shawlu gaw dai shiga na ai shaloi, Karai Kasang a wenyi shi hpe up hkang nga ai rai nna shi masin ja ja kahtet nga ai.

1 SAMUELA 13:3

Ya, Geba e nga ai Hpilisti dap up wa hpe Yonahtan sat kau wu ai lam hpe Hpilisti masha ni yawng na ma ai. Dai hpang Shawlu mung Hebre masha ni majan de shang na matu mungdan ting de pahtau dum na, kasa ni hpe shangun dat wu ai.

1 SAMUELA 16:14

Dai Madu a wenyi Shawlu kaw na pru mat wa sai rai nna, dai Madu dat dat ai n hkru ai wenyi mahtang shi hpe sharu shatsang nna zingri nga ai.