TARA AGYI 6:3 - Jinghpaw Common Language Bible 2009

³ Israela amyu masha ni nli naili gat hkai da ai shaloi, Midian masha ni mahtang Amalek masha ni hte nam mali hkan nga ai amyu baw ni hte rau sa htim gasat ma ai.

Jinghpaw Hanson Version Bible

³ Israela masha ni, yi hkauna galaw tawn ngut jang, Midian masha ni, Amalek masha ni hte sinpraw mung masha ni sa wa nna,

TARA AGYI 6:3 ပူးပေါင်းရင်းမြစ်များ

NINGPAWT NINGHPANG 25:6

rai ti mung shi naw hkrung nga yang, kaga num ni hta na Abraham lu ai shadang sha ni hpe mung kumhpaw kumhpa karan jaw wu ai. Dai hpang dai shadang sha ni hpe shi a shadang sha Isak kaw na tsan mat mu ga, lamu ga a sinpraw maga de shi dat dat wu ai.

NINGPAWT NINGHPANG 29:1

Ya, Yaku gaw shi a hkrun lam hta matut hkawm sa wa nna, sinpraw maga na lamu ga de shanang sa wa wu ai.

1 HKAWHKAM 20:27

Israela masha ni mung hpyen hking hte hkrak rai shaga shapraw la hkrum ma ai. Shanhte gaw Suri masha ni nga ai de man yawng ai shara de rawt lung wa nhtawm hpung lahkawng garan nna dap jung da mu ai. Israela masha ni chyawm gaw mung ting hta pri rai nga ai Suri masha ni hte shadawn yu yang, kaji ai bainam hpung lahkawng daram sha rai ma ai.

1 HKAWHKAM 4:30

Shawlumon gaw Sinpraw maga de na hpaji rawng ai ni hte Egutu mung na hpaji rawng ai masha ni yawng hta grau nna hpaji rawng nga ai.

1 HKAWHKAM 5:10

Dai rai nna Hiram gaw Shawlumon ra nga ai arit hpun hte marau mailung ni yawng hpe jaw ya wu ai.

YOBA 1:3

sagu hkying sanit, gawla-uk hkying masum, dumsu hkying mi hte lawze manga tsa madu da nga ai. Shi gaw shangun ma law law lu ai rai nna Sinpraw mung hta sut su htum ai wa rai nga ai.

YOBA 31:8

nye a nsi naisi jahten shaza kau hkrum nna; ngai hkai da ai lusha hpe kaga masha ni sha kau mu ga.

PRU MAT 17:8

Amalek masha ni pru sa nna, Rehpidim e Israela amyu masha ni hpe htim gasat ma ai.

ESAIA 11:14

Shanhte gaw sinna maga de nga ai Hpilisti masha ni hpe jawm gasat na mara ai, sinpraw maga de nga ai masha ni a sut gan hpe kashun la na mara ai. Shan gaw Edom hte Moba mung masha ni hpe gasat dang kau na mara ai, Amon masha ni gaw shan a ga hpe madat mara na mara ai.

ESAIA 62:8

Dai Madu gaw dagam ga sadi tawn da nu ai, Shi a daru magam n-gun hte shi gaw dai hpe shadan jahkung na ra ai: “Na a nsi naisi gaw na a gumlau hpyen ni a matu galoi mung lusha tai sana n rai, Maigan masha ni galoi mung na a sabyi ntsin lu na mara ai n rai.

YEREMIA 49:28

Ndai gaw Babelon Hkawhkam Nebuhkadneza gasat dang kau sai shara ni rai nhtawm dai hkan nga ai Kedara amyu bawsang ni hte Hazora wa up hkang ai ginwang ni hte seng nna dai Madu tsun da ai mungga rai nga ai: “Kedara masha ni hpe gasat nna sinpraw maga de nga ai masha amyu bawsang ni hpe jahten kau mu!

EZEKELA 25:3

Tsaw Htum ai dai Madu ngai nan tsun nga ai mungga madat na matu shanhte hpe tsun u: Nang gaw awu asin di kau hkrup sai nye a Nawku Htingnu hpe mung, shingran katsi mat sai Israela mungdan hpe mung, bawng dung hkrum ai Yuda amyu masha ni hpe mung, yu kabu ai hte yu sharawng nga nit dai majaw,

EZEKELA 25:4

ngai gaw sinpraw nam mali hkan shanu nga ai amyu bawsang ni a lata de ap kau na we ai. Shanhte gaw na a mungdan hta dap ni jung nna, dai shara ni hta shanu nga na mara ai. Shanhte gaw nanhte kalang mi hkam la yu sai namsi namsaw ni sha nna nga chyu lu na mara ai.

JAW JAU 26:16

Ngai gaw nanhte hpe tsi la n lu ai ana ahkya hte mung, nanhte hpe myi n mu shangun lu ai machyi makaw hte nanhte a asak hpe hkra shangun na ru yak tsin-yam tsindam shangun dat na we ai. Nanhte a gumlau hpyen ni mahtang nanhte hpe ka-up kau nhtawm nanhte hkai shakut da ai nsi naisi ni hpe sha kau na mara ai.

MIHKA 6:15

Nang gaw nli tum gat ti mung, dai hpe shu la lu na n rai; nang gaw tsanlun si kaw na sau rin shapraw lu ti mung, dai hpe galoi mung lang lu na n rai. Nang gaw sabyi shup ti mung, dai hpe galoi mung lu lu na ndai n rai.

TARA JAHPRANG 28:51

Nanhte a yam nga hte nsi naisi ni hpe mung shanhte sha kau ya na mara ai; shaloi nanhte kawsi kyet si na rai myit dai. Shanhte gaw nsi naisi, sabyi ntsin, tsanlun sau, yam nga hpung hte sagu ni hpe nanhte a matu ngam da ya na ma ai n rai; nanhte si mat na marin dai.

TARA AGYI 10:12

Sidon masha ni, Amalek masha ni hte Mao masha ni nanhte hpe dip gamyet sha lai wa manit dai majaw, nanhte ngai kaw hpyi jahtau yu manit dai. Shing re ai aten hta shanhte a lata kaw na ngai nanhte hpe n hkye hkrang la yu nga a ni?

TARA AGYI 3:13

Eglon gaw Amon hte Amalek masha ni hte matut la nhtawm, namhtan hpun mare ngu ai Yerihko mare hpe gasat nna Israela hpe dang kau ma ai.

TARA AGYI 6:2

Dai Midian masha ni gaw Israela masha ni hta grau n-gun ja nga ma ai rai nna, Israela amyu masha ni mahtang lungpu hku ni hte bum lang kawng jinghkang hkan na shim ai shara ni hkan makoi gyem nga ma ai.

TARA AGYI 6:33

Dai hpang Midian masha ni, Amalek masha ni hte nam mali hkan nga ai amyu bawsang ni yawng jawm hpawng nna Yawdan hka rap nhtawm Yezrela Kadit e dap jung ma ai.

TARA AGYI 6:4

Shanhte gaw dai mung hta dap jung nna dingda maga Gaza mare grup yin du hkra tu ai nsi naisi ni hpe jahten sharun kau ma ai. Shanhte gaw sagu, dumsu hte lawze ni yawng hpe la mat wa nhtawm Israela masha ni lu sha na malu masha hpe mung ngam da ya nga ma ai n rai.

TARA AGYI 7:12

Midian masha ni, Amalek masha ni hte nam mali hkan nga ai amyu bawsang ni gaw dinggam-yaw uhpung mi zawn kadit hta e apa pat but nga ma ai. Shanhte a gawla-uk ni mung panglai hkin-gau na zaibru ni zawn n dang hti hkra law nga malu ai.

TARA AGYI 8:10

Zeba hte Zalmuna yan gaw shan a hpyen luksuk ni hte Kakora mare e nga nga ma ai. Nam mali hkan na amyu bawsang ni a hpyen laba ting hta na 15,000 chyu sha ngam mat nna hpyenla 120,000 sat kau ai hkrum nga masai.