TARA AGYI 6:23 - Jinghpaw Common Language Bible 2009

²³ Rai ti mung dai Madu gaw shi hpe, “Ngwi pyaw sim sa nga lit ga, hkum hkrit et; nang si na ndai n rai,” ngu nna tsun wu ai.

Jinghpaw Hanson Version Bible

²³ Yehowa chyawm gaw, “Ngwipyaw nit ga; hkum tsang et; nang n si na ndai,” ngu wu ai:

TARA AGYI 6:23 ပူးပေါင်းရင်းမြစ်များ

NINGPAWT NINGHPANG 32:30

Yaku gaw, “Ngai gaw Karai Kasang hpe myi man chyaw mu se ai. Ngai mung ya du hkra naw ahkrung nga nngai,” ngu nna tsun wu ai. Shing rai dai shara hpe Hpeniela ngu nna shi shamying da wu ai.

NINGPAWT NINGHPANG 32:31

Hpeniela shara na Yaku pru wa yang, jan pru sai. Shi a dangbau a majaw shi a lagaw layawt mat wu ai.

NINGPAWT NINGHPANG 43:23

Dai shangun ma wa chyawm gaw, “Hkum myit ru myit; hkrit mung hkum hkrit myit. Nanhte a Karai Kasang dai nanhte a kawa a Karai Kasang gaw nanhte a nhpye htingpa ni hta nanhte a matu gumhpraw bang ya manit dai. Nanhte a gumhpraw hpe ngai lu la ni ai,” ngu tsun nhtawm Simun hpe shapraw ya ma ai.

SHAKAWN KUNGDAWN 85:8

Madu Karai Kasang tsun nga ai ga hpe ngai madat nga nngai; anhte gaw angawk angak re ai lam ni de n kayin sa mat wa ai rai yang, shi a amyu masha ni rai nga ai anhte hpe ngwi pyaw sim sa ai lam jaw ya na shi ga sadi tawn da nga ai.

Daniela 10:19

Shi gaw, “Karai Kasang nang hpe tsaw ra nga ai majaw nang hpe hpa mung myit ru shangun na n rai; nang hpe jahkrit shama na n rai,” ngu nna tsun wu ai. Shi dai zawn nga nna tsun jang, ngai hta n-gun ja wa ai zawn hkam sha nna, “Madu e, nang hpa tsun ra ai lam ngai hpe tsun dan e. Nang gaw ngai hpe grau kaja hkra hkam, sha shangun nit dai,” ngu nna tsun nngai.

YAWHAN 14:27

“Ngwi pyaw sim sa ai gaw ngai nanhte hpe tawn da ya ma sade ai; Nye a ngwi pyaw simsa ai nanhte hpe ngai jaw made ai, mungkan ga na ni jaw ai zawn ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 20:19

Sape ni gaw Yuda masha ni hpe hkrit ai majaw, Laban shana nrim rim ai ten hta, nta chyinghka ni la da nna hpawng nga m a ai. Dai shaloi Yesu du sa nna shanhte a ka-ang e tsap let, “Nanhte ngwi pyaw nga myit ga,” ngu nna shanhte hpe tsun mu ai.

YAWHAN 20:26

Dai hpang matsat ya rai jang, sape ni gaw nhku e bai rawng nga ma ai rai nna Htawma mung shanhte hte rau rai nga ai. Chyinghka ni mung la da nga ai; rai ti mung Yesu sa du nna shanhte a ka-ang e tsap let, “Nanhte ngwi pyaw nga myit ga law,” ngu wu ai.

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

TARA AGYI 19:20

Dai dingla wa gaw, “Nye a nta hta nanhte hpe hkalum la na nngai! Ngai gaw nanhte hpe lanu lahku la na made ai. Nanhte dai nmaw lam e n nga shalai ra na rai myit dai,” ngu nna tsun wu ai.

TARA AGYI 6:22

Dai Madu a lamu kasa hpe shi mu kau sai hpe Gidon dum chye wu yang shi gaw, “Tsaw Htum ai Madu e, na a lamu kasa hpe ngai myi man chyaw mu kau sahka!,” ngu nna hkrit kahpra let tsun wu ai.

TARA AGYI 6:24

Gidon gaw dai yang e dai Madu a matu tawn hkungri galaw nhtawm dai hpe “Dai Madu gaw ngwi pyaw sim sa nga ai.” ngu nna shamying wu ai. (Dai gaw dai ni du hkra Abieza a lakung lama ni a sali ga Ohpra shara e naw nga nga ai.)