TARA AGYI 6:2 - Jinghpaw Common Language Bible 2009

² Dai Midian masha ni gaw Israela masha ni hta grau n-gun ja nga ma ai rai nna, Israela amyu masha ni mahtang lungpu hku ni hte bum lang kawng jinghkang hkan na shim ai shara ni hkan makoi gyem nga ma ai.

Jinghpaw Hanson Version Bible

² Shing rai Midian masha ni Israela hpe dang kau mu ai rai nna, Midian masha ni zingri zingrat ai majaw, Israela masha ni bum ga hkan e, ngang ai lungpu hku, ga ginlawng hku, hte hpyen dap galaw rawng ma ai.

TARA AGYI 6:2 ပူးပေါင်းရင်းမြစ်များ

YOBA 30:6

Shanhte gaw ninggam makau hkan htu da ai ginlawng lungpu hku ni hta nga nga ma ai.

YEREMIA 41:9

Ishmaela e sat kau ai masha ni a moi mang ni hpe kabai bang ai hka htung gaw Israela Hkawhkam Basha htim gasat shang wa ai shaloi Hkawhkam Asa htu da ai hka htung rai nga ai. Ishmaela gaw dai hka htung hpe moi mang ni hte jahpring da wu ai.

YEREMIA 48:28

“Moba mung hta shanu nga ai masha ni e, nanhte a nga shara mare ni hpe kau da nhtawm n-gam hkan e sa nga masu. Krung sinwa n-gam mahka hkan e tsip tsip ai hkrudu ni zawn tai nga mu.

JAW JAU 26:17

Ngai gaw nanhte hpe myi man kayin kau da na made ai, shaloi nanhte sum mat na marin dai. Nanhte hpe n dawng n yawt ai ni mahtang nanhte a ntsa e up na mara ai; nanhte hpe kadai n hkan shachyut ti mung hprawng nna grai hkrit gari mat na rai myit dai.

HEBRE 11:38

Shanhte gaw ruyak jam jau hkrum nna shingbyi shara tam masha ni zawn nam mali ga hkan, bum alang ga hkan e, lung pu hku ni hte ga ginlawng hku ni hta nga hkawm nga ma ai: rai ti mung mungkan ga gaw shanhte hte n ging n dan nga malu ai.

SHINGRAN 6:15

Dai shaloi, mungkan ga na hkawhkam hkawseng ni, up hkang ai du magam ni, hpyen du hpyen gyi ni, sahti ni, n-gun lagaw ja ai ni, mayam hte shanglawt ni nlang hte gaw, lungpu hku ni hte, bum ga na lunghkrung ni hta tinang dai gawp makoi shajang nga ma ai.

TARA AGYI 10:8

Shanhte gaw Yawdan hka sinpraw hkran na Gilead mung Amori masha ni a lamu ga hta wa nga ai Israela masha ni yawng hpe shi matsat ning tup dip gamyet sha let zingri zingrat di da ma ai.

TARA AGYI 10:9

Amon masha ni gaw Yawdan hka rap nna Yuda, Benyamin hte Ehprim amyu bawsang ni hpe hkap gasat ma ai rai nna Israela masha ni tsin-yam tsindam kaba hkrum kau ma ai.

TARA AGYI 6:3

Israela amyu masha ni nli naili gat hkai da ai shaloi, Midian masha ni mahtang Amalek masha ni hte nam mali hkan nga ai amyu baw ni hte rau sa htim gasat ma ai.

1 SAMUELA 13:6

Dai hpang, shanhte gaw Israela amyu masha ni hpe n-gun hte maja htim gasat ma ai majaw shanhte hpe myit chyum myit htum di shangun ma ai. Dai rai nna Israela amyu masha nkau mi mahtang lungpu hku ni, lunggrawp lungwawp ni, lunghkrung lungbra ni, nhkun ni hte hka htung ni hkan e makoi nga ma ai;

1 SAMUELA 14:11

Dai rai nna shan gaw shan a hkum hpe Hpilisti masha ni a man e shadan shadawng dan mu ai rai nna Hpilisti masha ni gaw, “Yu mu! Hebre masha nkau mi shanhte makoi nga ai nhkun kaw na pru wa mara ai law!,” ngu nna tsun ma ai.