TARA AGYI 6:13 - Jinghpaw Common Language Bible 2009

¹³ Gidon gaw shi hpe, “Madu e, dai Madu anhte hte rau rai yang, hpa majaw ndai lam ni yawng anhte hta byin hkrum a ta? Dai Madu gaw anhte hpe Egutu mung na woi wa sai n rai ni?, nga nna anhte a kawa ni anhte hpe tsun dan ai mauhpa amu yawng mayawng gaw hpa baw rai mat nga a ni? Dai Madu gaw anhte hpe kau da nhtawm Midian masha ni a lata hta kabai kau da mani ai,” ngu nna ngai san mai nga nngai ngu tsun wu ai.

Jinghpaw Hanson Version Bible

¹³ Gidon chyawm gaw, “Nye a Madu e, Yehowa anhte hte rau nga nga ai rai yang gaw, hpa majaw ndai hte chyum ai hkrum a ta? Yehowa anhte hpe Egutu mung na shaw la sai n rai ni? nga nna anhte a ji wa ni hkai dan ai mauhpa amu yawng mayawng gaw, ya kanang rai wa sata? ya e Yehowa anhte hpe kau da nna, Midian masha ni a lata hta ap kau ma ni ai n re hka,” ngu wu ai.

TARA AGYI 6:13 ပူးပေါင်းရင်းမြစ်များ

NINGPAWT NINGHPANG 25:22

Shi hta marun hkan nau shangai wa na ra ai rai nna, garai n shangai ai hkritung ma yan gaw shi a kan kata hta shan shada da malan da ting gasat hkat ma ai. Shi gaw, “Ngai hta lama mi byin ai zawn nga ai gaw hpa majaw rai ang ai i?,” nga nna tsun wu ai. Dai rai nna dai mahtai a matu dai Madu hpe san na nga, pru sa wa wu ai.

2 HKAWHKAM LABAU 15:2

shi gaw Hkawhkam Asa hpe sa hkrum na nga pru sa mat wa wu ai. Dai hpang shi gaw, “O Hkawhkam Asa hte Yuda hte Benyamin amyu masha ni yawng hte e, nye a ga madat mu! Nanhte shi hte rau nga nga dingsa, dai Madu mung nanhte hte rau nga nga ai. Nanhte shi hpe tam myit yang shi nanhte hpe mu shangun na ra ai; rai ti mung nanhte shi hpe kayin kau myit dai rai yang shi nanhte hpe kau da na ra ai.

SHAKAWN KUNGDAWN 27:9

“Nang gaw ngai kaw na hkum makoi nga et!,” Ngai hpe masin hkum pawt et; Na a shangun ma wa hpe hkum n dang kau et; Karai Kasang, ngai hpe hkye hkrang la ai wa e, Nang gaw ya du hkra, ngai hpe karum la ai wa rai nga ndai majaw, ngai hpe hkum kau da et, ngai hpe hkum kabai da nga et.

SHAKAWN KUNGDAWN 44:1

O Karai Kasang e, anhte a na ni hte dai lam hpe anhte na yu saga ai. Anhte a kaji kawa ni mung, lai mat wa sai nhtoi ni ngu ai, shanhte a aten hta, nang galaw shapraw dan sai galu kaba ai amu ni ngu ai;

SHAKAWN KUNGDAWN 44:2

maigan masha ni hpe nang kaning rai shaden kau sai lam, shanhte a mungdan hta na a amyu masha ni hpe shanu nga na matu shara jahkrat ya sai lam, kaga amyu baw ni hpe nang ari jaw kau nna na a amyu masha ni hpe ngamu ngamai shangun nit dai.

SHAKAWN KUNGDAWN 44:9

Rai ti mung, ya chyawm gaw nang anhte hpe kau da nit dai hte sum shangun kau nit dai; nang gaw anhte a hpyen luksuk ni hte rau majan pa de kachyi mi mung n pru sa nit dai.

SHAKAWN KUNGDAWN 89:49

Madu e, shawng na na a tsaw ra myit a sakse ni gara kaw rai nga a ta? Dawi hpe nang jaw tawn sai ga sadi ni gara kaw rai nga ma ta?

ESAIA 41:17

“Nye a amyu masha ni hka ntsin tam la na ra ai aten hta mung, shanhte a yuhkraw ni hpang gara nna hkraw wa ai shaloi mung, dai Madu ngai nan shanhte a akyu hpyi ga hpe htan ya na nngai; Israela a Karai Kasang ngai gaw shanhte hpe galoi mung kau da na nngai n rai.

ESAIA 63:11

Rai ti mung, shanhte gaw lai sai aten, dai Madu a shangun ma Mawshe a nhtoi ni hpe dum ma ai rai nna shanhte gaw, “Panglai kaw na shi a amyu masha ni a ningbaw ni hpe hkye hkrang la sai dai Madu gaw ya kanang rai nga a ta? Mawshe hpe shi a wenyi jaw ya ai dai Madu gaw kanang rai nga a ta?

ESAIA 63:15

Madu e, na a chyoi pra ai hte hpung shingkang hta shanu nga ai sumsing lamu kaw na anhte hpe gum yu mi. Anhte a matu na a galu kaba ai tsang ai myit gaw kanang rai nga a ta? Na a daru magam n-gun kanang rai nga a ta? Na a tsaw ra myit hte matsan dum ai myit kanang rai nga a ta? Anhte hpe hpa n nawn hkum rai et.

YEREMIA 23:33

Dai Madu gaw ngai hpe, “Yeremia e, nye a amyu masha ni kaw nna marai langai ngai, myihtoi langai ngai, hkinjawng langai ngai nang hpe, ‘Dai Madu a mungga gaw hpa wa rai nga a ta?,’ nga nna san yang, nang gaw shi hpe, ‘Nang gaw dai Madu hpe lit shali ndai majaw shi gaw nang hpe kabai kau na ra ai,’ ngu nna tsun na rai nga ndai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

TARA JAHPRANG 29:24

Dai hpang mungkan ga ting gaw, ‘Dai Madu gaw hpa majaw shanhte a mungdan hpe dai hku galaw kau wu ni? Shi a hkrit hpa masin kahtet ai gaw kaning re ai mi rai nga ai kun?,’ ngu nna san na mara ai.

TARA JAHPRANG 31:17

Dai zawn byin wa ai shaloi, ngai gaw masin pawt wa nna shanhte hpe kabai kau na mawe ai. Shaloi shanhte hten byak ai hkrum na mara ai. Hkrit hpa ru yak tsin-yam tsindam law law gaw shanhte a ntsa e du pru wa nna shanhte a Karai Kasang ngai nan shanhte hte rau n nga ai a majaw dai tsin-yam tsindam ni pru wa nga ai hpe shanhte myit dum wa na mara ai.

TARA AGYI 6:1

Israela amyu masha ni gaw dai Madu hpe lang mi bai yubak mara galaw shut kau ma ai rai nna shi gaw Midian masha ni hpe sanit ning up hkang shangun wu ai.

TARA AGYI 6:12

Dai Madu a lamu kasa gaw dai yang e shi kaw dan pru nna, “N-gun ja nna share ai wa e, dai Madu gaw nang hte rau rai nga ai!,” ngu nna tsun wu ai.