TARA AGYI 6:10 - Jinghpaw Common Language Bible 2009

¹⁰ Ngai gaw dai Madu nanhte a Karai Kasang rai nga nngai; ya nanhte nga nga ai mungdan hta Amori masha ni a hpara ni hpe nanhte nawku lu na myit dai n rai; rai ti mung nanhte gaw nye a ga n madat nga myit dai ngu ngai nanhte hpe tsun ni ai.”

Jinghpaw Hanson Version Bible

¹⁰ bai Nanhte a Karai Kasang Yehowa ngai rai nga nngai; nanhte nga ai Amori mung masha ni a Hpara ni hpe hkum hkrit myit, ngu nna ngai nanhte hpe jet da made timung, nanhte nye a ga n madat myit dai, nga ai,” ngu wu ai.

TARA AGYI 6:10 ပူးပေါင်းရင်းမြစ်များ

2 HKAWHKAM 17:13

Dai Madu gaw Israela hte Yuda hpe shadum jahprang na matu shi a dat kasa ni hte myihtoi ni hpe shangun dat wu ai: “Nanhte galaw ai n hkru ai amu ni hpe kau da nna nanhte a kaji kawa ni hpe ngai jaw ai Tara hta lawm ai nye a hkang da ai ga ni hpe mung, nye a shangun ma ni rai nga ai myihtoi ni hku nna nanhte hpe shalai jaw ai hkang da ai ga ni hpe madat mara mu.”

2 HKAWHKAM 17:33

Dai rai nna shanhte gaw dai Madu hpe nawku nga ma ti mung, shanhte du sa wa ai mungdan hkan na htung lailen ni hte maren shanhte a karai ni hpe mung nawku daw jau nga ma ai.

2 HKAWHKAM 17:7

Israela masha ni gaw Egutu hkawhkam a lata kaw na hkye mawai la ai hte Egutu mung kaw nna shanhte hpe woi shapraw wa ai dai Madu shanhte a Karai Kasang hpe shut hpyit kau nna karai kaga ni hpe nawku nhtawm,

NEHEMIA 9:29

Na a sharin shaga ga ni madat na matu shanhte hpe nang sadi jaw nga ndai, rai ti mung shanhte gaw gumrawng gumtawng ai hte na a tara ni hpe mung, na a Tara shatup ai gaw asak lam rai nga ti mung ningdang kau ma ai. Baw ja ai hte du ja nga ai majaw, shanhte n madat n mara ma ai.

PRU MAT 34:12

Nang sa du na mung na masha ni hte jinghku ga shaka hpa mung hkum tawn et; hpa majaw nga yang, dai gaw na a matu si shangun lu ai mahkam tai na ra ai.

PRU MAT 34:14

Ngai Madu nan shingjawng kashun ai hpe n hkam sharang lu nga nngai majaw kaga hpara shaje hkum nawku myit.

GA SHAGAWP 5:13

Nye a sara ni sharin shaga ai ga ni hpe ngai n madat mara kau nga a hka! Shanhte sharin shaga ai ga ni hpe ngai myit maju n jung kau ni ai.

YEREMIA 10:2

Shi gaw, “Kaga masha amyu baw ni a lam ni hta hkum hkan myit; sumsing lamu na laklai shai ai kumla ni hpe mu nna, kaga masha amyu baw ni hkrit kajawng nga tim, nang hta kajawng kaja hkum rai et.

YEREMIA 17:23

Shanhte a kaji kawa ni mahtang nye a ga hpe n madat ma ai, myit maju n jung ma ai. Shing rai galaw na malai, shanhte gaw du ja ai ni tai nhtawm nye a ga hpe madat mara ma ai n rai, ngai kaw na sharin achyin hkam la nga ma ai n rai.

YEREMIA 3:13

Nang gaw mara lu nga ndai, nang gaw dai Madu na a Karai Kasang hpe gumlau kau nit dai hpe chyu sha yin la u. Nang gaw tsit lali ai hpun npu shagu hta maigan karai ni hpe na a tsaw ra myit jaw ya nhtawm nye a hkang da ai ga ni hpe nang n madat kau sai lam ni hpe yin la u. Dai Madu ngai nan tsun ni ai.

YEREMIA 3:25

Anhte gaw kaya kahpa hte kaleng taw nga ang saga ai, anhte a kaya kahpa gaw anhte hpe ka-up da mi ga. Anhte hte anhte a kaji kawa ni gaw dai Madu anhte a Karai Kasang hpe tut nawng yubak galaw kau saga ai; anhte gaw shi a hkang da ai ga hpe galoi mung n madat kau saga ai.”

YEREMIA 42:21

Ya chyawm gaw, ngai nanhte hpe tsun dan ni ai, rai ti mung nanhte gaw dai Madu anhte a Karai Kasang nanhte hpe tsun shangun ai lam magup hte hpe n madat n mara nga myit dai.

YEREMIA 43:4

Dai rai nna, Yohanan mung, hpyen du ni kadai mung, amyu masha ni kadai mung Yuda mung hta ngam nga na matu tsun ai dai Madu a ga hpe n madat nga ma ai.

YEREMIA 43:7

Shanhte gaw dai Madu a hkang da ai ga hpe n madat ai sha Egutu mung Tahpan mare du hkra sa nga nga ma ai.

YEREMIA 9:13

Dai Madu gaw, “Ndai lam nye a amyu masha ni ngai shanhte hpe jaw da ai sharin shaga ai ga ni hpe lale kau mu ai majaw byin wa sai. Shanhte gaw ngai tsun ai ga hpe n madat ma ai hte ngai tsun ai lam hku n hkan galaw ma ai.

ZEHPANI 3:2

Dai mare gaw dai Madu a nsen n madat ai hte matsun maroi ga ni hpe mung n hkap la nga ma ai. Dai Madu hta kam hpa ai lam n nga ai sha n-ga, karum la na matu hpyi lajin ai lam mung n galaw ma ai.

ROMA 10:16

Rai ti mung dai Kabu Shiga hpe masha yawng hte wa hkap la kam sham ma ai n rai. Esaia shi nan, “Madu e anhte shana ya ai shiga hpe kadai wa kam sham nga a ta?,” nga nna tsun ai.

HEBRE 5:9

Shi hpe hkum tsup ai wa shatai la ngut jang, shi gaw madat mara ai ni yawng mayawng a matu htani htana hkye hkrang la ai lam a npawt tai wa sai.

YAWSHU 24:15

Nanhte shi hpe daw jau na n ra sharawng myit yang chyawm gaw Mesopotamia mung e nanhte a nji nwa ni nawku ai hpara ni, shing n rai ya nanhte nga nga ai mung na Amori hpara ni hta gara hpe mahtang jaw jau na gaw, dai ni jang daw dan la mu. Ngai hte nye a nta masha ni chyawm gaw dai Madu hpe nawku daw jau na ga ai law,” ngu nna tsun wu ai.

TARA AGYI 2:2

Nanhte mung ndai mung e nga ai masha amyu ni hte ga shaka hpa mung tawn da lu na myit dai n rai. Nanhte gaw shanhte a tawn hkungri ni hpe hpya kadawng kau ya na rai myit dai,’ ngu nna tsun wu ai. Rai ti mung nanhte gaw ngai tsun matsun ai hku n galaw nga myit dai. Nanhte mahtang nhtan shai ai hku sha agalaw nga myit dai!

TARA AGYI 6:9

Ngai gaw nanhte hpe Egutu masha ni a lata kaw na mung, ndai mung e nanhte hpe gasat ninghkap ai masha amyu ni a lata kaw na mung, hkye mawai la ni ai. Ngai gaw nanhte rawt lung wa myit dai shaloi shanhte hpe gawt shapraw kau nhtawm shanhte a lamu ga hpe nanhte a lata hta ap ya ni ai.