TARA AGYI 5:8 - Jinghpaw Common Language Bible 2009

⁸ Israela masha ni hpara nnan lata la ma ai shaloi, mungdan kata majan pru nga ai; Israela mun mali hta ninggang langai hpai lu a ni? Nri langai hpai lu a ni?

Jinghpaw Hanson Version Bible

⁸ Shanhte Hpara ningnan lata la masai; Shaloi jang, shanhte a chyinghka ni hta majan pru ra ai: Israela mun mali hta, n-gang langai mi mahtan a hka? Ari langai mi shanan a hka?

TARA AGYI 5:8 ပူးပေါင်းရင်းမြစ်များ

YEREMIA 19:4

Ngai gaw ndai amu hpe galaw na nngai, hpa majaw nga yang, amyu masha ni gaw ngai hpe kau da manu ai; shanhte mung, shanhte a kaji kawa ni mung, Yuda hkawhkam ni mung n chye ai kaga karai ni hpe ndai shara ni hta shagu hkungga ni nawng jau ai hte matsat shabat di kau manu ai. Shanhte gaw ndai shara hta mara n kap ai amyu masha ni a asai ni hte jahpring manu ai,

TARA AGYI 2:12

Egutu mung na shanhte hpe woi wa ai Karai Kasang, dai Madu shanhte a kaji kawa ni a Karai Kasang hpe nawku ai lam shanhte kau da nna grup yin na masha amyu ni a hpara ni hpang de hkan mat wa nhtawm, dai ni hpe nawku gum dagup ai hte dai Madu hpe pawt sindawng shangun ma ai.

TARA AGYI 2:17

Rai ti mung Israela masha ni gaw shanhte a ningbaw ni a ga hpe n madat hkraw nga ma ai. Israela gaw dai Madu hta sadi sahka myit n rawng nga manu ai majaw kaga hpara ni hpe nawku ma ai. Dai Madu a hkang da ai ga ni hpe shanhte a kawa ni madat mara hkan sa nga ma ti mung, ndai ban prat nnan amyu masha ni mahtang n hkan n sa mat ma ai.

TARA AGYI 4:3

Yabin gaw hpri leng jahku tsa lu ai rai nna, Israela amyu masha ni hpe hkun ning tup gumshem nna kashun kashe du daw sai hkaw hte up hkang wu ai. Shaloi Israela amyu masha ni mung karum la na matu dai Madu hpe hpyi jahtau ma ai.

TARA AGYI 5:11

Madat mu! Garu kachyi nga ai shawa masha ni gaw hka htung ni hpe shinggrup nhtawm, dai Madu a awng padang lam ni hpe mung, Israela amyu masha ni a awng padang lam ni hpe mung tsun dan nga ma ai. Dai hpang Madu a amyu masha ni shanhte a mare ni kaw na yu sa ma ai.

TARA AGYI 5:7

Israela a mare ni kau da hkrum ai hte tsap marawng nga sai, Debora e, nang gaw Israela a matu kanu zawn nang du sa ai aten du hkra dai mare ni kaman tsap nga sai.