TARA AGYI 5:6 - Jinghpaw Common Language Bible 2009

⁶ Anat a shadang sha Shamga a lak htak hte Yaela a aprat hte hta, hpaga nmaw lam katsi mat nna, bu hkawm ai ni masun lam ni hpe she lang mat masai.

Jinghpaw Hanson Version Bible

⁶ Anat a kasha Shamga a lakhtak hte, Yaela aprat hte ting, Nmaw lam ni katsi mat nna, Bu hkawm ai ni masun lam she hkan masai.

TARA AGYI 5:6 ပူးပေါင်းရင်းမြစ်များ

2 HKAWHKAM LABAU 15:5

Dai nhtoi hte yang mungdan shagu hta ru yak tsin-yam tsindam hte kashuk kashak rai nga ai majaw kadai mung shim lum ai hte pru wa, shang wa lu ma ai n rai.

SHAKAWN KUNGDAWN 125:5

Rai ti mung, n hkru n shawp ai ni hpe nang ari jaw ai shaloi, na a lam ni hpe yit kau da nga ai ni hpe mung ari jaw u. Ngwi pyaw sim sa ai gaw Israela ni hte rau anga nga u ga law!

ESAIA 33:8

Ningmaw lam kaba ni grai hkrit tsang shara rai nna kadai mung dai lam hku n lai hkawm ma ai. Ga shaka ni mung hten mat nna myit hkrum lam ni run mat nga sai. Kadai mung hkungga n hkrum nga sai.

YEREMIA 6:25

Anhte a gumlau hpyen ni laknak hpai ma ai, hkrit hpa kajawng kaja gaw anhte yawng hte hpe wang shinggrup da mi ai majaw, mare shinggan de mung anhte n gwi pru ga ai, nmaw lam hkan e mung n hkawm sa gwi nga saga ai,” ngu nna tsun ma ai.

SHARUNG SHAYAWT 1:4

Ya chyawm gaw chyoi pra ai shani ni hta nawku na matu Nawku Htingnu de kadai mung n sa nga ai. Dai shara hta mahkawn shakawn ai mahkawn ma ni nni nkri hkrum ma ai, hkinjawng ni mung madai sharung nga ma ai. Mare chyinghka ni gaw katsi katsang rai nna, Ziun gaw tsin-yam tsindam hkrum nga ai.

SHARUNG SHAYAWT 4:18

Dai gumlau hpyen wa gaw anhte hpe azi yu nga ai; anhte gaw nmaw lam hkan e pyi n hkawm lu saga ai. Anhte a nhtoi ni mung lai mat sai; jahtum aten du nga sai.

JAW JAU 26:22

Ngai gaw nanhte hpang de hkrit hpa matse labye dusat ni hpe dat dat nna, dai ni gaw nanhte a kashu kasha ni hpe kawa sat nhtawm nanhte a yam nga hpung shagrawm kau ya na mara ai. Nanhte hta na nkau mi hpe sha ngam tawn da na ra ai. Nanhte sa na hkrun lam ni katsi mat shajang na ra ai.

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

TARA AGYI 3:31

Hpang na ningbaw wa gaw Anat a kasha Shamga rai nga ai. Shi mung Hpilisti masha marai kru tsa hpe majawn hte sat kau nna Israela masha ni hpe hkye la wu ai.

TARA AGYI 5:7

Israela a mare ni kau da hkrum ai hte tsap marawng nga sai, Debora e, nang gaw Israela a matu kanu zawn nang du sa ai aten du hkra dai mare ni kaman tsap nga sai.