TARA AGYI 5:31 - Jinghpaw Common Language Bible 2009

³¹ O Madu e, na a gumlau hpyen ni yawng dai zawn si htum mat mu ga law, rai ti mung na a manang ni mahtang rawt lung wa ai ajan zawn htoi tu nga mu ga law! Dai mung hta shaning mali shi ning tup ngwi pyaw sim sa nga sai.

Jinghpaw Hanson Version Bible

³¹ “Yehowa e, nang hpe hpyen ai ni nlang, dai zawn hten bya ga du mu ga law, Yehowa hpe tsawra ai ni, hpung shingkang hte rawt pru a Ningju jan zawn, kang nga manu ga law,” nga nna shakawn kungdawn nga ma ai. Dai kaw nna mali shi ning tup mung ting majan sim mat ai.

TARA AGYI 5:31 ပူးပေါင်းရင်းမြစ်များ

2 SAMUELA 18:31

Dai hpang Ehtiopi masha mayam wa mung du wa ai rai nna hkawhkam wa hpe, “Madu hkawhkam a matu shiga kaja lu tawn nngai; Nang hpe gumlau ai ni yawng hpe dang kau lu ai awng padang ninglaw dai Madu nang hpe dai ni jaw ya nit dai!,” ngu nna tsun dan wu ai.

2 SAMUELA 18:32

Hkawhkam wa gaw, “Dai shabrang Absalom gaw shim lum ai hte nga nga a ni?,” ngu nna san wu ai. Mayam la wa mung, “Madu e, nang hta byin lai mat wa sai lam gaw na a gumlau hpyen ni yawng hta mung, nang hpe gumlau ai ni yawng hta mung byin wa sanu ga, ngu nna ngai myit ra sharawng nngai,” ngu nna htan wu ai.

2 SAMUELA 23:4

sumwi n dung ai jahpawt manap na htoi tu ai jan hte marang hpawng ai hpang tsit lali ai tsingdu hpe kabrim ala shangun ai jan hte bung nga ai.

SHAKAWN KUNGDAWN 19:6

Shi gaw lamu maga mi de nna pru wa nhtawm maga mi de dinghkren du nga ai. Hpa mung shi a kang kahtet ai kaw na lawt lu nga ai n rai.

SHAKAWN KUNGDAWN 20:8

Shanhte ahtu ai hte kadawng mat wa ma ti mung, anhte rawt nna ngang ngang tsap nga lu na ga ai.

SHAKAWN KUNGDAWN 37:6

Na a ding man ai lam hpe jan pungding shingkang zawn, shi shapraw dan na ra ai.

SHAKAWN KUNGDAWN 89:36

Shi a aru arat ni matut manoi anga nga na mara ai; jan a shingkang htoi nga dingsa, ngai shi a mungdan hpe sin yu nga na we ai.

SHAKAWN KUNGDAWN 89:37

Lamu hta shata gaw grin ai sakse tai nga ai zawn, dai mungdan mung agrin nga na ra ai,” nga nna tsun ai.

SHAKAWN KUNGDAWN 91:14

Karai Kasang gaw, “Ngai hpe tsaw ra ai ni hpe, ngai hkye la na ring ngai; ngai hpe Madu zawn yin la ai ni hpe ngai makawp maga na ring ngai.

SHAKAWN KUNGDAWN 92:10

Nang gaw ngai hpe hpaw lam zawn n-gun shaja ya nna; ngai hpe kabu gara ai hte nang shaman ya nit dai.

SHAKAWN KUNGDAWN 92:9

Na a gumlau hpyen ni si mat wa na mara ai hte; tara n lang ai ni yawng hte mung, sum mat ai hkrum na mara ai gaw, anhte chye nga ga ai.

SHAKAWN KUNGDAWN 97:10

N hkru ai ni hpe n ju n dawng nga ai ni hpe Madu tsaw ra nga ai; shi gaw shi a amyu masha ni a asak ni hpe makawp maga ya nna, tara n lang ai masha ni a n-gun atsam kaw nna mung, shanhte hpe mawai la nga ai.

SHAKAWN KUNGDAWN 97:8

Madu e, nang tara jeyang ai a majaw, Ziun amyu masha ni kabu gara nga ma ai, Yuda mung na mare ni mung kabu jahtau nga ma ai.

PRU MAT 20:6

Rai ti mung, ngai hpe tsaw ra nna nye a tara ni hpe madat mara ai ni hpe chyawm gaw prat ban hkying mun du hkra, nye a tsaw ra myit madun nga nngai.

GA SHAGAWP 4:18

Ding hpring ai ni a hkrun lam gaw jan pru wa ai zawn rai nga ai; dai gaw shani nhtoi hkung wa ai aten du hkra, grau grau nna, htoi leng wa nga ai.

Daniela 12:3

dai hpaji rawng ai ningbaw ni gaw lamu na htoi tu ai arai ni zawn mung, amyu masha law law hpe jaw ai hku amu galaw na lam sharin ya ai ni gaw shagan ni zawn htani htana htoi tu nga na mara ai.

HOSEA 6:3

Anhte dai Madu hpe chye hkra shakut ga. Shi gaw jahpawt manap na nhtoi e teng teng pru wa ai zawn mung, lanam shang marang teng teng jahtu ya ai zawn mung anhte hpang de du sa wa na ra ai.”

MAHTE 13:43

Dai shaloi, ding hpring ai ni gaw shanhte a Kawa a Mungdan hta e ajan zawn htoi kabrim na mara ai; na tu ai wa gaw na la u ga.

ROMA 8:28

Karai Kasang hpe tsaw ra nna shi a shatawng shada da ai hte maren shaga la hkrum ai ni a matu mara yawng mayawng hta mai kaja ai lam byin wa u ga, Karai Kasang gaw shanhte hte rau amu galaw nga ai hpe anhte chye ga ai.

1 KORINHTU 8:3

Rai ti mung Karai Kasang hpe tsaw ra ai wa gaw, Karai Kasang e chye chyap masat da ai hpe hkam la nga ai.

EHPESU 6:24

Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga ai ni nlang hte hta Karai Kasang a chyeju gaw anga nga u ga law.

TARA JAHPRANG 6:5

Dai Madu na a Karai Kasang hpe na a myit kraw lawang mahkra hte, na a asak mahkra hte na a n-gun lagaw mahkra hte tsaw ra nga u.

TARA JAHPRANG 7:9

Dai Madu nanhte a Karai Kasang gaw shi chyu sha Karai Kasang rai nga ai hpe adum nga mu; shi gaw kang ka re ai wa rai nga ai. Shi hpe tsaw ra ai hte shi a hkang da ai ga ni hpe hkan sa madat mara ai ni hpe chyawm gaw prat ban hkying mun du hkra shi a dinggrin tsaw ra myit madun dan let shi a ga shaka hpe shatup na rai wu ai;

YAKU 1:12

Agung alau ai lam ni hkrum yang ngang ngang kang kang sadi dung nga ai wa gaw a lu ai; hpa majaw nga yang dai wa gaw dai zawn re ai chyam dinglik ai lam hpe lai di awng dang kau lu ai shaloi Karai Kasang gaw shi hpe tsaw ra ai ni hpe jaw na nga nna ndat da sai asak hpe shi a shagrau kumhpa hku nna hkam la lu na ru ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.

SHINGRAN 1:16

Shi a lata hta shagan sanit lang da wu ai; shi a n-gup kaw na nshan lahkawng maga dai ai ntawng nhtu pru nga ai. Shi a myi man gaw htoi kang ai shani chyingtung na jan zawn tu ala nga ai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 6:10

Dai Wenyi ni gaw, “Chyahtum chyalai n-gun atsam rawng nna chyoi pra ai hte teng man ai Madu e! Anhte hpe sat kau ai mara a matu ga ntsa na masha ni hpe gaten du hkra nang n jeyang ai, ari n jaw ai nga na n ta?,” nga nna nsen kaba hte jahtau nga ma ai.

TARA AGYI 3:11

Dai mung hta shaning mali shi ning tup ngwi pyaw sim sa nga ai, dai hpang Otniela si mat sai.

TARA AGYI 3:30

Israela amyu masha ni gaw dai shani e Moba masha ni hpe gasat dang kau ma ai rai nna, matsat shi ning tup mungdan hta ngwi pyaw sim sa mat nga ai.