TARA AGYI 5:2 - Jinghpaw Common Language Bible 2009

² Dai Madu hpe shakawn mu! Israela ni gaw gasat na matu daw dan nga masai; amyu masha ni kabu gara ai hte tinang myit hku shang lawm nga ma ai.

Jinghpaw Hanson Version Bible

² “Israela hta du gyi ni woi awn nna, Hkringmang sha ni tinang hkum n lahpawt ai majaw, Yehowa hpe shagrau sha-a mu.

TARA AGYI 5:2 ပူးပေါင်းရင်းမြစ်များ

2 HKAWHKAM LABAU 17:16

Masum ngu na Zihkri a kasha Amasia rai nna shi hte rau hpyenla 200,000 lawm nga ai. (Amasia chyawm gaw shi a myit hku dai Madu hpe daw jau yu nu ai.)

NEHEMIA 11:2

Amyu masha ni gaw madu myit hku Yerusalem hta nga ai ni kadai hpe mung shakawn ma ai.

SHAKAWN KUNGDAWN 103:2

Nye a wenyi e, Madu hpe shakawn u! Shi a chyeju yawng hte hpe hkum malap kau nga et!

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

SHAKAWN KUNGDAWN 136:15

Rai ti mung, shi gaw Egutu hkawhkam hte shi a hpyen luksuk ni hpe dai nawng hta lup si shangun nu ai; shi a tsaw ra myit htani htana agrin nga ai.

SHAKAWN KUNGDAWN 18:47

Shi gaw nye a gumlau hpyen ni a ntsa e, dang lu na awng padang ngai hpe jaw ya nga ai; nye a npu e, amyu baw ni hpe shi ap ya ni ai

SHAKAWN KUNGDAWN 48:11

Ziun a amyu masha ni kabu gara lu mu ga! Teng man ai tara dara lam ni hpe nang jaw ya nga ai; Yuda mung na mare ni hta kabu gara ai gaw anga nga u ga law!

SHAKAWN KUNGDAWN 94:1

Madu e, nang gaw ari jaw ai Karai Kasang rai nga ndai; na a masin kahtet ai hpe madun dan u!

SHAKAWN KUNGDAWN 97:8

Madu e, nang tara jeyang ai a majaw, Ziun amyu masha ni kabu gara nga ma ai, Yuda mung na mare ni mung kabu jahtau nga ma ai.

1 KORINHTU 9:17

Lama rai nna ndai amu hpe nye a myit hte ngai lata la nna galaw ai rai yang gaw, shabrai gumhpraw lu na hpe myit mada ala nga lu nngai, rai ti mung ngai ndai amu hpe Karai Kasang e kam da ai hte ap da sai amu rai nna, galaw ra ai lit langai mi hku she ngai galaw nngai.

2 KORINHTU 8:12

Nanhte hta jaw ya mayu ai shawang myit rawng ai rai yang, Karai Kasang gaw nanhte a rai lu ai made jaw ya ai kumhpa hpe hkap la na ra ai. Nanhte n rai lu ai hpe Karai Kasang hpyi na n rai.

2 KORINHTU 9:7

Lahpawt ai myit hte mung n rai, jaw ra ai lit a majaw sha mung n re ai sha, langai hte langai gaw tinang a kraw lawang e myit da ai hte maren jaw u ga; hpa majaw nga yang, Karai Kasang gaw kabu gara ai myit hte jaw ya ai wa hpe tsaw ra nga ai.

TARA JAHPRANG 32:43

“Masha amyu baw ni e, nanhte gaw dai Madu a amyu masha ni hpe shakawn lu na rai myit dai; shanhte hpe sat ai ni yawng ari jaw ai hkrum na rai ma ai. Gumlau hpyen ni hpe shi matai htang nna, shi a amyu masha ni galaw shut ai yubak mara hpe raw dat ya na rai wu ai.

TARA JAHPRANG 33:21

Shanhte a matu kaja htum ai lamu ga hpe lata la nna; Ningbaw wa a gambum shanhte hta san da nga ai. Israela a ningbaw ni rau hpawng nga ma yang, Dai Madu a hkang da ai ga ni hte tara ni hpe shanhte madat mara hkan sa nga ma ai.”

HPILIPI 2:13

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

HPILEMON 1:14

Rai ti mung na a myit hkrum ai lam n lu la ai sha kaning n chyum nna n galaw n mai shadut jahkat ai hku hpa mung ngai n galaw mayu nngai. Na a myit ra ai hku san san sha rai u ga. Dai rai nna nang myit n hkrum ai hpa hpe mung ngai n galaw na nngai.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 19:2

Shi a tara daw dan ai lam ni teng man ai hte ding hpring nga lu ai! Tinang a hpye ai amu hte ga ntsa ting hpe shut hpyit shangun ai shawa num hpe shi daw dan nu ai. Madu a shangun ma ni hpe sat kau ya ai majaw, Karai Kasang gaw shi hpe ari jaw nu ai!,” nga nna tsun ai ngai na nngai.

TARA AGYI 5:9

Nye a myit masin gaw Israela du ni hte mung, kabu gara myit hte tinang myit hku shang lawm nga ai ni hte mung rau rai nga ai. Dai Madu hpe shakawn mu!