TARA AGYI 5:18 - Jinghpaw Common Language Bible 2009

¹⁸ Rai ti mung Zebulun hte Naphtali amyu masha ni gaw majan pa hta asak dan hkawm sa ma ai.

Jinghpaw Hanson Version Bible

¹⁸ Zebulun chyawm gaw, asak n lahpawt hkra nden rawng nna, Naphtali mung, kawng jinghkang ntsa e, dai zawn rai nga ai.

TARA AGYI 5:18 ပူးပေါင်းရင်းမြစ်များ

NINGPAWT NINGHPANG 35:23

Lea a shadang sha ni gaw, Rubin (Yaku a shadang sha alat), Simun, Lewi, Yuda, Yisahka hte Zebulun hte rai ma ai.

NINGPAWT NINGHPANG 35:25

Rahkela a mayam num Bila a shadang sha ni gaw Dan hte Naphtali yan rai ma ai.

ESHTA 4:16

“Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”

SHAKAWN KUNGDAWN 68:27

Hpungdim rai nga ai Benyamin amyu bawsang ni shawng sa nna; dai hpang, Yuda ningbaw ningla ni hte shanhte a u hpung ni, Zebulun hte Naphtali yan a ningbaw ningla ni matut nna hkan nang na rai ma ai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

1 YAWHAN 3:16

Hkristu gaw nanhte a matu mara shi a asak nawng kau wu ai majaw, tsaw ra ai myit majing ngu ai gaw hpa re ai lam anhte chye nga ga ai. Dai re ai majaw, anhte mung hpu nau ni a matu mara anhte a asak nawng kau na sut nga ai.

SHINGRAN 12:11

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.

TARA AGYI 4:10

Barak gaw Zebulun hte Naphtali amyu bawsang ni hpe Kedesha de shaga la nna masha mun mi mung shi kaw hkan nang ma ai. Debora mung shi hte rau sa wa nga ai.

TARA AGYI 4:14

Dai hpang Debora gaw Barak hpe, “Sa su! Dai Madu gaw nang hpe woi awn na ra ai! Dai ni na nhtoi hta Sisera hpe gasat dang kau na awng padang shi nang hpe jaw da nit dai,” ngu nna tsun wu ai. Dai rai nna Barak gaw shi a masha mun mi hte rau Tabora Bum kaw nna yu wa wu ai.

TARA AGYI 4:6

Lani mi na aten hta, Debora gaw Naphtali a sali ga Kedesha mare na Abinoam a kasha Barak hpe shaga shangun dat nhtawm shi hpe, “Dai Madu Israela a Karai Kasang gaw ndai hkang da ai ga nang hpe jaw nit dai: ‘Naphtali hte Zebulun amyu bawsang hta na masha mun mi woi nhtawm shanhte hpe Tabora Bum de woi lung wa su.

TARA AGYI 6:35

Manashe mungdaw lahkawng hta na masha ni gaw shi kaw hkan nang na matu shaga la na nga, shi gaw kasa ni hpe shangun dat wu ai. Ashe, Zebulun hte Naphtali amyu bawsang ni hpang de mung kasa ni hpe shangun dat wu ai rai nna shanhte mung shi kaw sa zup ma ai.