TARA AGYI 5:16 - Jinghpaw Common Language Bible 2009

¹⁶ Shanhte gaw hpa majaw sagu ni a shingdu e gyem nga ma ni? Sagu hpung ni hpe shaga ai sagu rem ni a nsen madat mai ai n rai ni? Rai sa, Rubin a amyu bawsang gaw ga karan mat nna, shanhte n lu daw dan hparan la nga masai.

Jinghpaw Hanson Version Bible

¹⁶ Sagu hpung hpe shangwi ai sumhpyi mahku hta len nna, Sagu hpung a ka-ang e hpa majaw dung nan nga nit ta? Rubin a hka gai ginwang hkan e, Myit dawdan wa gaw, kaba nga malu ai.

TARA AGYI 5:16 ပူးပေါင်းရင်းမြစ်များ

NINGPAWT NINGHPANG 49:14

“Yisahka gaw lit mara ai daw hking ni a lapran hta Lit li nna n lu rawt tsap ai lawze hta pyi grau kaja nga ai n rai.

SHAKAWN KUNGDAWN 4:4

Hkrit gari ai hte yubak galaw ai lam hpe jahkring kau mu; nanhte a yupku ni a ntsa e, azim sha kaleng nga ai shaloi, dai lam hpe sung sung myit yu mu.

SHAKAWN KUNGDAWN 68:13

Nta e nga ai num ni gaw gumhpraw hte gayawp nna singkaw ni hta htoi kabrim ai ja hte gala nga ai hkrudu sumla lanep ni hpe garan la nga ma ai. (Nanhte hta na nkau mi gaw hpa majaw majan gasat nga ai shani hta, sagu lawng ni hkan nga nga myit ni?)

SHAKAWN KUNGDAWN 77:6

Ngai shana tup sung sung myit sumru yu nna nga shalai kau nngai; ngai myit aru yu ai hte, ndai lam hpe nye hkum ngai san yu nngai;

BU HKAWM 32:24

Dai re ai majaw nanhte a mare ni hpe de nna nanhte a sagu lawng ni hpe mung gap mu, rai ti mung nanhte kaning ngu ga sadi tawn da ai hpe mung galaw shatup mu!,” ngu nna tsun dat wu ai.

BU HKAWM 32:6

Mawshe chyawm gaw, “Nanhte a hpu nau Israela ni majan gasat sa wa nga ma yang, ndai yang e hkring nga na nanhte sharawng nga myit ni?

HPILIPI 2:21

Masha kaga ni yawng hte gaw tinang a lam hpe sha tsang ma ai; Hkristu Yesu hte seng ai lam hta myit n lawm ma ai.

HPILIPI 3:19

Dai ni gaw ngarai hta shanhte a lam htum na mara ai; hpa majaw nga yang dai ni a karai gaw shanhte a akan ngu ai hkum shan a marin marit ai lam tai nga ai. Shanhte gaw kaya kahpa lam hta gumrawng shara shatai ma ai hte ndai dinghta ga na arai hpe hkrai sha myit tsang nga ma ai.

TARA AGYI 5:15

Yisahka hta na ningbaw ni Debora hta lawm nna; rai sa, Yisahka zawn Barak mung dan dawng nga ai, shanhte gaw wora kadit de shi kaw hkan ma ai. Rai ti mung Rubin amyu bawsang ni karan mat nna; shanhte n lu daw dan hparan la nga masai.