TARA AGYI 5:14 - Jinghpaw Common Language Bible 2009

¹⁴ Shanhte gaw Ehprim kaw nna kadit de yu sa nhtawm, Benyamin amyu bawsang hte de a amyu masha ni a hpang ningdim e hkan ma ai. Mahkira kaw na hpyen du ni pru nhtawm; Zebulun kaw na du salang ni yu wa nga ai.

Jinghpaw Hanson Version Bible

¹⁴ Ehprim hta na, Amalek htingra manat ai ni du ma ai, Hpang ningdim pat ai gaw, Ben-yamin rai nga ai; Mahkira lakung na du agyi pru wa nna, Zebulun kaw na sumdoi lang ai ni yu ma ai.

TARA AGYI 5:14 ပူးပေါင်းရင်းမြစ်များ

NINGPAWT NINGHPANG 35:22

Yaku dai mung hta nga nga yang, Rubin mahtang shi kawa a lashi num Bila kaw shang nna kanawn kau wu ai; dai lam hpe Yaku na wu ai rai nna sindawng kahtet wu ai. Yaku hta shadang sha ni shi lahkawng nga ma ai.

NINGPAWT NINGHPANG 35:23

Lea a shadang sha ni gaw, Rubin (Yaku a shadang sha alat), Simun, Lewi, Yuda, Yisahka hte Zebulun hte rai ma ai.

NINGPAWT NINGHPANG 35:24

Rahkela a shadang sha ni gaw Yosep hte Benyamin yan rai ma ai.

SHAKAWN KUNGDAWN 68:27

Hpungdim rai nga ai Benyamin amyu bawsang ni shawng sa nna; dai hpang, Yuda ningbaw ningla ni hte shanhte a u hpung ni, Zebulun hte Naphtali yan a ningbaw ningla ni matut nna hkan nang na rai ma ai.

HOSEA 5:8

Gibea hta majan pahke dum dat mu! Rama hta majan nsen kajawng shadum dat mu! Betawen e majan nsen jahtau garu mu! Benyamin masha ni e, majan gasat mu!

TARA AGYI 12:15

Dai hpang shi si mat nna Ehprim lamu ga, Amalek bum ga na Pirahton shara e shi hpe lup makoi da ma ai.

TARA AGYI 3:13

Eglon gaw Amon hte Amalek masha ni hte matut la nhtawm, namhtan hpun mare ngu ai Yerihko mare hpe gasat nna Israela hpe dang kau ma ai.

TARA AGYI 3:27

Shi gaw dai yang na Ehprim bum ga de du wa yang, hpyen majan rawt na Israela amyu masha ni hpe shaga dat na nga, pahke dum dat wu ai. Dai hpang shi gaw shanhte hpe bum ga kaw na woi yu wa wu ai.

TARA AGYI 4:10

Barak gaw Zebulun hte Naphtali amyu bawsang ni hpe Kedesha de shaga la nna masha mun mi mung shi kaw hkan nang ma ai. Debora mung shi hte rau sa wa nga ai.

TARA AGYI 4:14

Dai hpang Debora gaw Barak hpe, “Sa su! Dai Madu gaw nang hpe woi awn na ra ai! Dai ni na nhtoi hta Sisera hpe gasat dang kau na awng padang shi nang hpe jaw da nit dai,” ngu nna tsun wu ai. Dai rai nna Barak gaw shi a masha mun mi hte rau Tabora Bum kaw nna yu wa wu ai.

TARA AGYI 5:13

Shaloi kam ging ai ni shanhte a ningbaw ni hpang de yu sa nna; dai Madu a amyu masha ni gaw shi hpang de du sa nna htim gasat na jin jin rai ma ai.