TARA AGYI 4:7 - Jinghpaw Common Language Bible 2009

⁷ Kishon hka makau e nanhte hpe gasat na matu, ngai gaw Yabin a hpyen luksuk na hpyen du Sisera hpe woi sa wa na nngai. Shi gaw hpyen leng ni hte hpyenla ni lu nga ti mung, ngai gaw shi hpe dang kau lu na awng padang nanhte hpe jaw na we ai,’” ngu nna tsun wu ai.

Jinghpaw Hanson Version Bible

⁷ ngai mung, Yabin hkawhkam hpyen du Sisera hte shi a hpri leng, hpyen laba ni hpe Kishon hka de nang hpang de shadut dat nna, na a lata hta ap kau na we ai, nga nna Israela Karai Kasang Yehowa tsun sai, n rai ni?” ngu nna shi hpe tsun wu ai.

TARA AGYI 4:7 ပူးပေါင်းရင်းမြစ်များ

1 HKAWHKAM 18:40

Elia gaw, “Bala myihtoi ni hpe rim la mu; shanhte hta na langai mi hpe mung hkum shalawt kau mu!,” ngu nna hkang dat wu ai. Amyu masha ni mung shanhte yawng hpe rim la nna Kishon hka de shanhte hpe woi sa nhtawm sat kau mu ai.

PRU MAT 14:17

Ngai gaw Egutu masha ni hpe masin shaja ya ai hte shanhte mung dai ni a hpang e hkan shang nang na mara ai; hkawhkam wa hte shi a hpyen luksuk ni, shi a gumra leng ni hte hpyen leng hkang ai ni a ntsa e nye a awng padang hpe shagrau sha-a hkam la na we ai.

PRU MAT 14:4

Ngai mung shi hpe masin shaja ya ai hte shi mung nanhte hpe hkan shachyut na ra ai; shaloi hkawhkam wa hte shi a hpyen luksuk ni mahkra nye a awng padang hpe shagrau sha-a na mara ai. Shaloi Ngai nan dai Madu rai nga nngai hpe Egutu masha ni chye lu na mara ai,” ngu nna tsun wu ai. Israela amyu masha ni mung tsun matsun ai hte maren galaw ma ai.

PRU MAT 14:8

Dai Madu mung hkawhkam wa hpe myit shaja ya wu ai rai nna shi gaw awng padang hte pru mat wa nga ai Israela masha ni hpe hkan shachyut wu ai.

PRU MAT 21:13

Rai ti mung, dai wa hpe sat na matu dingsa n di ai sha byin wa ai rai yang, shi hprawng lawt lu na shim ai shara langai shi a matu ngai san da ya na we ai.

YAWSHU 10:8

Dai Madu gaw Yawshu hpe, “Shanhte hpe hkum hkrit et; ngai nang hpe awng padang jaw ya sade ai. Shanhte hta na kadai mung nang hpe hkap daw lu na ma ai n rai,” ngu nna tsun wu ai.

YAWSHU 11:20

Israela amyu masha ni hpe hkap gasat gwi hkra dai Madu shanhte hpe daw dan shangun wu ai. Shaloi shanhte mahtang atsai awai jahten sharun kau na matu daw dan ai hkrum nna matsan dum myit n rawng ai sha shanhte yawng sat kau ai hkrum na rai ma ai. Ndai gaw dai Madu Mawshe hpe hkang da ai hte maren rai nga ai.

YAWSHU 11:6

Dai Madu gaw Yawshu hpe, “Shanhte hpe hkum hkrit et. Hpawt ni ndai ahkying hta Israela a matu shanhte yawng hpe ngai sat kau na we ai. Nang mung shanhte a gumra lahkap dan kau nna, leng ni nat kau na rai ndai,” ngu nna tsun wu ai.

YAWSHU 8:7

Dai hpang, nanhte gaw up nga ai kaw na pru wa nhtawm dai mare hpe gasat dip la na rai myit dai. Dai Madu nanhte a Karai Kasang gaw nanhte a lata hta dai mare ap ya na ra ai.

TARA AGYI 4:14

Dai hpang Debora gaw Barak hpe, “Sa su! Dai Madu gaw nang hpe woi awn na ra ai! Dai ni na nhtoi hta Sisera hpe gasat dang kau na awng padang shi nang hpe jaw da nit dai,” ngu nna tsun wu ai. Dai rai nna Barak gaw shi a masha mun mi hte rau Tabora Bum kaw nna yu wa wu ai.

TARA AGYI 4:8

Shaloi Barak gaw, “Nang ngai hte rau sa na rai yang chyawm gaw ngai sa na nngai; rai ti mung nang ngai hte rau n sa ai rai yang, ngai mung n pru sa na nngai,” ngu nna htan wu ai.

TARA AGYI 5:21

Kishon mawru hka ngu ai agre lwi ai Kishon hka nu gaw shanhte hpe shayawng kau sai. Ngai rawt lung wa na nngai, n-gun hte rawt shanang sa wa na nngai!

1 SAMUELA 24:10

Ya sha, dai Madu gaw nang hpe nye a lata hta lungpu hku e ap ya sai hpe nang hkum nan mu lu na rai ndai. Nye a masha nkau mi mahtang nang hpe sat kau na matu tsun ma ai, rai ti mung nang gaw hkawhkam tai na matu dai Madu lata san da sai wa rai nga ndai majaw ngai nang hpe kachyi mi mung machyi n jahkrum n-ga law, ngu na a matu myit yawn let hkam sha nga nngai.

1 SAMUELA 24:18

Dai Madu gaw ngai hpe na a lata e ap ya tim nang ngai hpe n sat kau nit dai majaw, nye a ntsa e nang kade wa mai kaja nga ndai hpe dai ni nang madun dan nga nit dai.