TARA AGYI 4:5 - Jinghpaw Common Language Bible 2009

⁵ Shi gaw Ehprim bum ga Rama hte Behtela lapran na namhtan hpun nhpang e dung chye chye rai nga ai. Israela amyu masha ni mung shi a daw dan hparan ai amu ni hpe hkam la na nga, dai de sa wa wa rai ma ai.

Jinghpaw Hanson Version Bible

⁵ Shi gaw Ehprim bum ga na, Rama hte Betela lapran na, Debora ngu ai namhtan hpun nhpang e dung nga ai: Israela kashu kasha ni mung, myihtoi num dai kaw amu tsun na sa sa rai ma ai.

TARA AGYI 4:5 ပူးပေါင်းရင်းမြစ်များ

NINGPAWT NINGHPANG 35:8

Rebeka hpe yu lajang ai Debora si mat nna, Behtela a dingda maga na wamyi hpun nhpang e lup makoi kau mu ai. Dai rai nna dai hpun hpe, “Hkrap Ai Wamyi Hpun,” ngu nna shamying mu ai.

PRU MAT 18:13

Hpang shani e, Mawshe gaw amyu masha ni a lapran na ndang kalang lam ni hpe hparan ya wu ai rai nna, jahpawt kaw na shana du hkra bungli law nga wu ai.

PRU MAT 18:16

Marai lahkawng hta ndang kalang ai lam pru wa ai shaloi, shanhte ngai kaw sa ma ai rai nna shan hta na marai langai ngai jaw nga ai hpe ngai daw dan hparan ya nngai; shan hpe mung Karai Kasang a hkang da ai ga hte tara ni hpe tsun dan we ai,” ngu nna htan wu ai.

PRU MAT 18:19

Ya chyawm gaw ngai nang hpe mai kaja ai hpaji ga nkau mi jaw de ga; Karai Kasang mung nang hte rau rai nga u ga. Karai Kasang a man e amyu masha ni hpe shapraw nna shanhte a ndang kalang lam ni hpe jashawn ai gaw na a matu jaw hkrak sai.

PRU MAT 18:26

Shanhte gaw amyu masha ni a matu dinggrin tara agyi ni zawn daw dan hparan ya na ma ai; yak ai amu ni hpe Mawshe kaw jashawn ma ti mung, kaji ai ndang kalang lam hpe chyawm gaw shanhte nan daw dan ya nga ma ai.

YEREMIA 31:15

Dai Madu gaw, “Rama shara hta nsen langai na lu nga ai, dai nsen gaw ja ja hkrap agru ai nsen rai nga ai. Rahkela gaw shi a kashu kasha ni a matu hkrap shabam nga ai; shanhte n nga mat masai, shi gaw shalan shabran na hpe ningdang nga ai.

YAWSHU 16:2

Behtela kaw nna Luza hku hprang, Arhki masha ni nga ai Ahtarot Adara e byawn rai nga ai.

YAWSHU 18:22

Bet Araba, Zemarim, Behtela,

YAWSHU 18:25

Bai Gibeon, Rama, Berot,

TARA AGYI 4:4

Ya chyawm gaw Lapidot a madu jan Debora gaw myihtoi num langai rai nga ai hte dai aten e Israela amyu masha ni a matu tara agyi amu galaw ya nga ai.

1 SAMUELA 1:1

Ehprim amyu bawsang hta na Elakana mying ai wa langai mi gaw Ehprim bum ga na Rama mare hta nga nga ai. Shi gaw Zuhpa lakung lama na Tohu a dinghku hte seng ai Elihu a kashu, Yeroham a kasha rai nga ai.

1 SAMUELA 1:19

Hpang jahpawt e, Elakana hte shi a dinghku masha ni jau jau rawt nna, dai Madu hpe nawku ngut jang, Rama mare na nta de bai wa mat ma ai. Elakana mung shi a madu jan Hana hte kanawn wu ai rai nna dai Madu gaw shi a akyu hpyi ga hte maren htan ya wu ai.

1 SAMUELA 22:6

Lani mi na aten hta Shawlu gaw Gibea mare na kawng e tu ai ubyap hpun npu e, shi a lata hta nri lang da nhtawm dung nga wu ai; shi a du salang ni yawng mung shi a grup yin e tsap nga ma ai; shaloi Dawi hte shi a masha ni hpe mu tam tawn da sai lam tsun shana dan ma ai;

1 SAMUELA 25:1

Samuela si mat sai rai nna, Israela amyu masha ni yawng zup hpawng nna shi a matu sharung shayawt nga ma ai. Dai hpang shi hpe Rama shara na shi a nta e makoi mayang ma ai. Dai amu ngut ai hpang, Dawi gaw Paran nam mali de rawt sa mat wa wu ai.

1 SAMUELA 7:17

Dai hpang, Rama mare na shi a dum nta de nhtang wa nhtawm dai kaw mung tara agyi amu wa galaw ya nga ai. Shi gaw dai Madu a matu tawn hkungri langai Rama mare e gaw da nga ai.