TARA AGYI 4:4 - Jinghpaw Common Language Bible 2009

⁴ Ya chyawm gaw Lapidot a madu jan Debora gaw myihtoi num langai rai nga ai hte dai aten e Israela amyu masha ni a matu tara agyi amu galaw ya nga ai.

Jinghpaw Hanson Version Bible

⁴ Dai prat e, Lapidat a madu jan, myihtoi num Debora gaw Israela masha ni hpe tara dara ya nga ai.

TARA AGYI 4:4 ပူးပေါင်းရင်းမြစ်များ

2 HKAWHKAM 22:14

Hilkia, Ahikam, Akbora, Shahpan hte Asaia hte gaw Yerusalem nnan daw hta nga ai Hulda mying ai myihtoi numsha hpang de sa san ma ai. (Shi a madu wa Shalum ngu na, Hara a kashu, Tikwa a kasha, gaw Nawku Htingnu na palawng galu ni hpe woi hpareng ai wa rai nga ai.) Shanhte mung dai numsha hpang de byin ai lam sa tsun dan mu ai shaloi,

NEHEMIA 6:14

Ngai gaw, “Karai Kasang e, Tobia hte Sanbalat yan hpa galaw kau masai hpe dum let shan hpe ari jaw u. Ngai hpe jahkrit mayu nga ai Nodia numsha hte kaga myihtoi ni yawng hpe mung adum nga u law,” ngu nna hpyi we ai.

PRU MAT 15:20

Arun a kana, myihtoi num Miriam gaw shi a chying la nna, numsha ni yawng mung shi a hpang hkan let chying ni hpe dum nhtawm ka ma ai.

EZEKELA 13:17

Dai Madu gaw, “Ya chyawm gaw, si chye ai masha wa e, na a amyu masha ni hta e shanhte a myit ra ai hku hkan nna myihtoi htoi ai num ni hpe yu yu u. Shanhte hpe ninghkap let daru u,

MIHKA 6:4

Ngai gaw nang hpe Egutu mung kaw na woi shapraw wa nhtawm nang hpe mayam prat kaw na mawai la ni ai. Mawshe, Arun hte Miriam ni nang hpe woi awn na matu ngai dat dat ni ai.

LUKA 2:36

Dai hta n-ga, Ashe amyu lakung hta na Hpanuela ngu ai wa a shayi sha, asak grai kaba sai gaida jan Anna ngu ai num myihtoi langai mi nga ai. Shi gaw hkungran ai kaw nna, sanit ning du hkra sha madu wa hte nga nhtawm, matsat shi mali ning tup gaida nga ai.

KASA 21:9

Dai wa gaw dinghku garai n shang ai hkawn jet mali lu ai. Dai shayi sha ni gaw Karai Kasang a mungga hkaw tsun shabra ai ni rai nga ma ai.

1 KORINHTU 11:5

Kadai numsha mung akyu hpyi yang, shing n rai shawa nawku hpawng kaw mungga htawn tsun nga ai shaloi, baw n magap a yang gaw, madu wa a arawng hpe jahpoi nga ai; shi gaw baw shangun shakrin kau ai num langai mi hte hpa n shai nga ai.

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.

TARA AGYI 4:3

Yabin gaw hpri leng jahku tsa lu ai rai nna, Israela amyu masha ni hpe hkun ning tup gumshem nna kashun kashe du daw sai hkaw hte up hkang wu ai. Shaloi Israela amyu masha ni mung karum la na matu dai Madu hpe hpyi jahtau ma ai.

TARA AGYI 4:5

Shi gaw Ehprim bum ga Rama hte Behtela lapran na namhtan hpun nhpang e dung chye chye rai nga ai. Israela amyu masha ni mung shi a daw dan hparan ai amu ni hpe hkam la na nga, dai de sa wa wa rai ma ai.

TARA AGYI 5:1

Dai shani e Debora hte Abinoam a kasha Barak yan gaw ning ngu nna mahkawn hkawn ma ai: