TARA AGYI 4:3 - Jinghpaw Common Language Bible 2009

³ Yabin gaw hpri leng jahku tsa lu ai rai nna, Israela amyu masha ni hpe hkun ning tup gumshem nna kashun kashe du daw sai hkaw hte up hkang wu ai. Shaloi Israela amyu masha ni mung karum la na matu dai Madu hpe hpyi jahtau ma ai.

Jinghpaw Hanson Version Bible

³ Dai wa gaw hpri hpyen leng jahku tsa lu nna, Israela kashu kasha ni hpe hkun ning tup zingri zingrat wu ai majaw, Israela kashu kasha ni Yehowa hpe hpyi jahtau mu ai.

TARA AGYI 4:3 ပူးပေါင်းရင်းမြစ်များ

SHAKAWN KUNGDAWN 106:42

Shanhte gaw shanhte a gumlau hpyen ni a dip gamyet zingri ai hpe hkrum sha nga ma ai; gumlau hpyen ni a npu hta tsep kawp shanhte taw nga ma ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 78:34

Shanhte kaw na n kau mi hpe shi sat kau ai aten shagu hta, ngam ai ni gaw shi hpang de kayin wa ma ai; shanhte myit malai wa nna, Madu kaw akroi anoi akyu hpyi nga ma ai.

PRU MAT 2:23

Shaning tsawmra mi na jang, Egutu hkawhkam si mat sai, rai ti mung Israela amyu masha ni chyawm gaw shanhte a mayam lit kata hta naw madai nga ai hte karum la na matu hkrap sharung nga ma ai. Shanhte a jahtau hkrap ai nsen gaw Karai Kasang hpang de hkrang lung wa nna,

TARA JAHPRANG 28:29

Nanhte gaw myi amam ai wa zawn shani chyingtung e pyi lamawm hkawm na rai myit dai; nanhte gaw nanhte hkawm sa na lam hpe pyi mu tam lu na n rai; nanhte galaw ai hpa lam mung ngamu ngamai shangun lu na n rai. Nanhte gaw dip gamyet sha hkrum nna zingri zingrat kashun kashe du daw sai hkaw sha ahkrum na marin dai; nanhte hpe kadai mung karum la na myit dai n rai.

TARA JAHPRANG 28:33

Nang hki ba let galaw shatut da ai nsi naisi yawng hpe maigan masha amyu baw ni htawm la kau ya na ra ai. Nang chyawm gaw dip gamyet sha hkrum ai hte zingri zingrat ahkrum nga na ra ai.

YAWSHU 17:16

Shanhte gaw, “Dai bum ga gaw anhte a matu n kaba nga mali ai; rai ti mung Bet Shan hte de a grup yin na mare ni hte Yezrela Kadit pa hkan nga ai Hkanani masha ni chyawm gaw hpri leng lu ai ni rai nga ma ai,” ngu nna htan ma ai.

TARA AGYI 10:10

Dai hpang Israela masha ni gaw dai Madu hpe, “Anhte a Karai Kasang hpe kau da nna Bala hpara ni hpe nawku kau saga ai majaw nang hpe yubak galaw shut kau saga ai,” ngu nna jahtau tsun ma ai.

TARA AGYI 10:16

Dai rai nna maigan hpara ni hpe shanhte kau tawn da nhtawm dai Madu hpe nawku ma ai; shi gaw Israela masha ni hkrum sha ai tsin-yam tsindam hpe masin yu machyi da wu ai.

TARA AGYI 3:15

Dai hpang Israela amyu masha ni dai Madu hpe hpyi jahtau ma ai rai nna shanhte hpe shalawt dat na masha shangun dat ya wu ai. Dai wa gaw Benyamin amyu bawsang hta na Gera a kasha, lata lapai ai Ehud rai nga ai. Shaloi Israela amyu masha ni mung Ehud hpe Moba Hkawhkam Eglon hpang de shi a matu kumhpaw kumhpa ni hte hpawn shangun dat mu ai.

TARA AGYI 3:9

Dai hpang Israela amyu masha ni mahtang dai Madu hpe jahtau ma ai rai nna shanhte hpe shalawt dat na masha langai shangun dat ya wu ai. Dai wa gaw Hkaleb a kanau Kena a kasha Otniela rai nga ai.

TARA AGYI 4:13

shi a hpri leng jahku tsa hte masha yawng hpe shaga shapraw la nhtawm maigan amyu ni a Haroshet shara kaw nna Kishon hka du hkra hpawng da shangun wu ai.

TARA AGYI 4:4

Ya chyawm gaw Lapidot a madu jan Debora gaw myihtoi num langai rai nga ai hte dai aten e Israela amyu masha ni a matu tara agyi amu galaw ya nga ai.

TARA AGYI 5:8

Israela masha ni hpara nnan lata la ma ai shaloi, mungdan kata majan pru nga ai; Israela mun mali hta ninggang langai hpai lu a ni? Nri langai hpai lu a ni?

TARA AGYI 6:6

Israela gaw shanhte a majaw matsan hkrum nga sai.

1 SAMUELA 7:8

Samuela hpe, “Hpilisti masha ni a lata kaw na anhte hpe hkye la na matu dai Madu anhte a Karai Kasang kaw tut e akyu hpyi ya nga mi law,” ngu nna tsun ma ai.