TARA AGYI 4:21 - Jinghpaw Common Language Bible 2009

²¹ Sisera mahtang grai ba nna yup pyaw mat wa wu ai shaloi, Yaela gaw sumdu langai hte sum mailak langai mi la nhtawm dai mailak hpe ga de hkrang mat hkra shi a sha galawp kaw n shai hkra kayat jung ya wu ai.

Jinghpaw Hanson Version Bible

²¹ Shaloi Hebera madu jan Yaela gaw, Sisera ba nna yup pyaw nga jang, sum mailak langai mi hte batbau la nna, shi hpang de asim sha sit sa nhtawm, dai mailak hpe ga de hkrang hkra, shi a baw sha galawp e kayat jung ya wu ai: dai rai nna shi htan nna si mat ai.

TARA AGYI 4:21 ပူးပေါင်းရင်းမြစ်များ

SHAKAWN KUNGDAWN 3:7

Madu e, sa rit! Nye a Karai Kasang e, ngai hpe hkye hkrang la e! Nang gaw nye a gumlau hpyen ni yawng hpe ari jaw ndai, ngai hpe machyi shangun lu ai shanhte a n-gun atsam hpe nang shadaw kau ya nga ndai.

1 KORINHTU 1:19

Hpa majaw nga yang, dai Chyum Laika hta, “Hpaji rawng ai ni a hpaji hpe ngai jahten kau na nngai, hpaji ninghkrin ni a chye na ai lam hpe ngai yeng seng kau ya na mawe ai,” nga nna ka da nga ai.

1 KORINHTU 1:27

Rai ti mung Karai Kasang gaw, dingsang di ai hku nna hpaji byeng-ya rawng ai ni hpe kaya kahpa jahkrum na matu, mungkan e angawk angak re ai ni ngu nna sawn nawn ai ni hpe lata la wu ai; n-gun ja ai ni hpe kaya kahpa jahkrum na matu mungkan ga e n-gun kya ai ni ngu nna sawn nawn ai ni hpe lata la wu ai.

TARA AGYI 15:15

Dai hpang mi sha si mat sai lawze langai a shakap nra hpe shi mu hkrup wu ai. Shi gaw dai hpe gum let hta la nhtawm masha hkying mi hpe dai hte sat kau wu ai.

TARA AGYI 3:21

Ehud mung shi a pai lata hte hkra maga de bang da ai nhtu shaw la nhtawm hkawhkam wa a kan galun baw ya wu ai.

TARA AGYI 3:31

Hpang na ningbaw wa gaw Anat a kasha Shamga rai nga ai. Shi mung Hpilisti masha marai kru tsa hpe majawn hte sat kau nna Israela masha ni hpe hkye la wu ai.

TARA AGYI 4:20

Shing rai Sisera gaw shi hpe, “Dai sum chyinghka lam e tsap nga u, marai langai ngai ndai yang e masha langai n nga a ni?, nga nna nang hpe san yang, n nga ai ngu u,” ngu nna tsun wu ai.

TARA AGYI 4:22

Barak gaw Sisera hpe hkan tam hkawm wu yang, Yaela gaw shi hpe sa hkrum nhtawm, “Nang de sa wa rit! Nang hkan tam nga ai wa hpe ngai madun dan na we ai,” ngu nna tsun wu ai. Dai rai nna shi hte rau shang wa wu yang, sum mailak hte baw hkren hkra htinggrang ya nna ga e si taw nga ai Sisera hpe sa mu wu ai.

TARA AGYI 4:9

Shi mung, “Rai sa, ngai nang hte rau sa wa na nngai; rai ti mung dai Madu gaw numsha a lata hta mahtang Sisera hpe ap ya na rai wu ai majaw dai awng padang a matu nang arawng lu na ndai n rai,” ngu nna htan wu ai. Dai rai nna Debora rawt nna Barak hte rau Kedesha de sa wa ma ai.

1 SAMUELA 17:43

Shi gaw Dawi hpe, “Dai dawhkrawng gaw hpa baw a matu rai lit ni? Ngai hpe gwi zawn nawn da nu ni?,” ngu nna tsun wu ai. Shi gaw shi a hpara mying gang let Dawi hpe dagam wu ai.