TARA AGYI 4:16 - Jinghpaw Common Language Bible 2009

¹⁶ Barak chyawm gaw dai leng ni hte hpyen masha ni hpe, maigan amyu ni a Haroshet shara de du hkra hkan shachyut ma ai rai nna, Sisera a hpyen masha ni nlang langai mi hpe mung n ngam hkra sat kau ai hkrum ma ai.

Jinghpaw Hanson Version Bible

¹⁶ Barak chyawm gaw dai leng ni hte hpyen masha ni hpe, maigan amyu ni a Haroshet du hkra hkan shachyut mu ai rai nna, Sisera hpyen masha ni nlang, langai mi muk n ngam hkra, nhtu hte si mat ma ai.

TARA AGYI 4:16 ပူးပေါင်းရင်းမြစ်များ

SHAKAWN KUNGDAWN 104:35

Yubak kap ai ni dinghta ga kaw nna shamyit kau ai hkrum nga mu ga; tara n lang ai ni hkoi mat mu ga. Nye a wenyi e, dai Madu hpe shakawn u! Dai Madu hpe shakawn nga u law!

SHAKAWN KUNGDAWN 83:10

Nang shanhte hpe Endora e dang kau ai hte shanhte a moi mang ni gaw ga ntsa e, yat taw mat mu ai.

SHAKAWN KUNGDAWN 83:9

Shanhte hpe Midian masha ni hte Kishon hka nu makau e, Sisera hte Yabin yan hpe di ai zawn di kau u.

PRU MAT 14:28

Dai hka gaw bai lwi wa nna Israela masha ni hpe hkan shachyut nang ai hpyen leng ni, hkang ai ni hte Egutu hpyen hpung ni yawng hpe ka-up kau nga ai rai nna shanhte hta na langai mi mung n lawt lu nga ai.

ESAIA 43:17

Shi gaw n-gun ja ai hpyen luksuk hpe woi nna jahten sharun kau na matu, hpyen leng ni hte gumra luksuk hpung mi hpe woi awn nga ai. Shanhte yawng kadawng taw nna, galoi mung n rawt lu masai, wan kawk hta shachyi ai wan shinglet hpe zawn sat shamyit kau nga ai.

ROMA 2:12

Mawshe a Tara hpe garai n chye ai maigan masha ni yubak mara galaw ma ai shaloi jep ai Tara hte n re ai sha sum hkrum na mara ai, rai ti mung Yuda ni gaw Tara lu ma ai majaw shanhte yubak galaw nna Tara hte tara dara ai hkrum na mara ai.

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.

YAWSHU 10:10

Dai Madu mung Amori masha ni hpe dai Israela hpyen luksuk ni a man e kajawng kaja byin shangun nhtawm Israela amyu masha ni mung shanhte hpe Gibeon e sat kau ma ai; shanhte gaw Bet Horon de lung wa ai uhkan hku hkan nna Azeka hte Makeda du hkra shachyut gasat kau ma ai.

YAWSHU 11:8

Dai Madu mung shanhte hpe Israela masha ni a lata de ap ya nna awng padang jaw ya wu ai rai nna, Israela ni mung shanhte hpe dingdung maga Misrehpot Ma-in hte Sidon du hkra mung, sinpraw maga Mizpa Kadit du hkra mung hkan shachyut gasat ma ai. Gumlau hpyen langai mung n ngam mat hkra matut gasat nga ai.

TARA AGYI 4:17

Sisera gaw Keni masha Hebera a madu jan Yaela a sum de hprawng shang mat wa wu ai; hpa majaw nga yang, Hazora Hkawhkam Yabin gaw Hebera dinghku masha ni hte ngwi pyaw sim sa lam tawn da nga ai.

TARA AGYI 4:2

Dai rai nna dai Madu gaw shanhte hpe Hazora e hkaw dung ai Hkanani Hkawhkam Yabin a lata de ap kau wu ai. Shi a luksuk hpyen du gaw maigan amyu ni a Haroshet mare hta nga ai Sisera rai nga ai.