TARA AGYI 4:15 - Jinghpaw Common Language Bible 2009

¹⁵ Barak gaw shi a hpyen luksuk ni hte htim gasat wu yang, dai Madu mung Sisera hte shi a hpyen leng ni hte masha ni yawng hpe kashuk kashak, shengmawng shenghkang hte shamak kau ya wu ai majaw Sisera mahtang shi a leng kaw nna yu nhtawm lagaw hte hprawng mat wa wu ai.

Jinghpaw Hanson Version Bible

¹⁵ Yehowa mung, Sisera hte shi a hpyen leng ni, hpyen laba hpung ni nlang hte hpe, Barak a nhtu hte shama kau mu ai majaw, Sisera gaw shi a leng na yu nna lagaw hte hprawng wu ai.

TARA AGYI 4:15 ပူးပေါင်းရင်းမြစ်များ

2 HKAWHKAM 7:6

Dai Madu gaw luksuk kaba hta gumra ni, hpyen leng ni hte htim lung wa ai zawn nga ai nsen Suri masha ni hpe na shangun ai rai nna, Israela hkawhkam gaw shanhte hpe htim gasat na matu Hiti hte Egutu hkawhkam yan hte shanhte a hpyen luksuk ni hpe karum hpyi saw shaga nu ai, ngu nna myit nawn la mu ai.

TARA JAHPRANG 7:23

Dai Madu gaw nanhte a lata hta gumlau hpyen ni hpe ap ya nhtawm shanhte shamyit kau hkrum ai aten du hkra shanhte hpe hkrit kajawng shangun na wu ai.

HEBRE 11:32

Ngai naw matut tsun ra na rai ni? Hpa majaw nga yang, Gidon, Barak, Samson, Yephta, Dawi, Samuela hte myihtoi ni a lam hkai dan na nga yang, nye a aten n dang law nga li ai.

YAWSHU 10:10

Dai Madu mung Amori masha ni hpe dai Israela hpyen luksuk ni a man e kajawng kaja byin shangun nhtawm Israela amyu masha ni mung shanhte hpe Gibeon e sat kau ma ai; shanhte gaw Bet Horon de lung wa ai uhkan hku hkan nna Azeka hte Makeda du hkra shachyut gasat kau ma ai.

1 SAMUELA 7:10

Samuela gaw dai shagu hkungga hpe nawng nga yang, Hpilisti masha ni mahtang htim gasat na matu shawng de sit lung wa ma ai; rai ti mung hkring mi rai jang dai Madu gaw sumsing lamu kaw na mu gadu shangoi dat wu ai. Shing rai shanhte gaw tsep kawp kashuk kashak byin mat ai hte hkrit kajawng nna hprawng htaw mat wa ma ai.