TARA AGYI 4:11 - Jinghpaw Common Language Bible 2009

¹¹ Dai aten hta Mawshe a kahkau Hoba a amyu matu hta na Keni masha Hebera gaw Keni masha gale hte hka nna Kedesha makau na Zananim shara na wamyi hpun nhpang e sum gap nna nga nga sai.

Jinghpaw Hanson Version Bible

¹¹ Dai hte yang, Mawshe a katsa Hoba a amyu matu hta na, Keni masha Hebera gaw, Keni masha gale hte hka nna, Kedesha makau, Zananim masha ni a shara na wamyi hpun nhpang e, sum gap nna nga nga sai.

TARA AGYI 4:11 ပူးပေါင်းရင်းမြစ်များ

PRU MAT 18:1

Mawshe a katsa Midian hkinjawng Yehtru gaw Karai Kasang Mawshe hte shi a amyu Israela a matu galaw ai lam magup hpe mung, shi gaw shanhte hpe Egutu mung kaw nna woi wa ai lam hpe mung na wu ai.

PRU MAT 2:18

Shanhte gaw shanhte a kawa hpang de nhtang wa ma ai shaloi shi gaw, “Nanhte hpa majaw dai ni e jau jau nhtang wa lu myit ni?,” ngu nna hkap san wu ai.

PRU MAT 3:1

Lana mi na nhtoi hta, Mawshe gaw shi a katsa Midian hkinjawng Yehtru a sagu bainam ni hpe rem nga yang, shi gaw dai yam nga hpung ni hpe zaibru jang kaw nna gawt shalai nhtawm Sina ngu ai chyoi pra ai bum de sa wa wu ai.

BU HKAWM 10:29

Mawshe gaw Midian masha Yehtru a kasha, shi a kahkau Hoba hpe, “Dai Madu anhte hpe jaw na ngu ai shara de pru sa wa nga saga ai; Israela amyu masha ni hpe ngamu ngamai shangun na lam shi ga sadi jaw da mani ai rai nna nang mung anhte hte rau sa wa saga; anhte nang hpe sut gan karan ya na ga ai,” ngu nna tsun wu ai.

BU HKAWM 10:32

Nang anhte hte rau sa ndai rai yang gaw dai Madu anhte hpe jaw ya ai shaman chyeju yawng hta na nang hpe karan jaw na ga ai,” ngu nna tsun wu ai.

BU HKAWM 24:21

Shi gaw shi a shingran hta Keni masha ni hpe mu wu ai rai nna ndai myihtoi ga tsun shapraw wu ai: “Nanhte shanu nga ai shara gaw shim nga myit dai; Ninggam ntsa e u tsip tsip da lu ai zawn shim nga myit dai.

YAWSHU 19:33

Dai lamu ga jarit gaw Helep kaw nna Zananim shara na wamyi hpun hku hkrawn, Adaminekab, Yebnela hte Lakum hku hprang, Yawdan hka e htuk rai nga ai.

YAWSHU 19:37

Kedesha, Edrai, Enhazora,

TARA AGYI 1:16

Mawshe a katsa a matu mara rai nga ai Keni masha ni mung Yuda amyu matu ni hte rau Yerihko ngu ai Namhtan hpun mare kaw nna Arad shara a dingda maga na Yuda nam mali de sa nhtawm, dai yang e nga ai Amalek masha ni hte rau nga nga ma ai.

TARA AGYI 4:12

Barak mahtang Tabora Bum de lung wa sai hpe Sisera chye ai shaloi,

TARA AGYI 4:6

Lani mi na aten hta, Debora gaw Naphtali a sali ga Kedesha mare na Abinoam a kasha Barak hpe shaga shangun dat nhtawm shi hpe, “Dai Madu Israela a Karai Kasang gaw ndai hkang da ai ga nang hpe jaw nit dai: ‘Naphtali hte Zebulun amyu bawsang hta na masha mun mi woi nhtawm shanhte hpe Tabora Bum de woi lung wa su.

1 SAMUELA 15:6

Ya shi gaw Keni masha ni hpe shadum jahprang ga shana dat wu ai gaw, Israela masha ni Egutu mung kaw nna pru wa ma ai shaloi, nanhte a kaji kawa ni shanhte hpe matsan yu dum la manit dai majaw, “Amalek masha ni hte hpawn nanhte hpe n sat kau hkrup myit ga, shanhte kaw na hkawm pru mat wa mu.” Shaloi, Keni masha ni mung pru mat wa ma ai.

1 SAMUELA 27:10

“Ndai aten hta nang gara hkan e hkan hpya hkawm nga n ni?,” ngu nna shi hpe san ai shaloi, Dawi gaw shi hpe Yuda mung a dingda daw shing n rai Yeramela lakung lama ni nga ai lamu ga, shing n rai Keni masha ni nga ai lamu ga de du hkra sa gasat ga ai, ngu nna tsun na mu ai.