TARA AGYI 3:8 - Jinghpaw Common Language Bible 2009

⁸ Dai Madu gaw Israela ni hpe pawt sindawng wu ai rai nna Mesopotamia Hkawhkam Hkushan Rishahtim a lata de shanhte hpe ap ya ma ai; Shi gaw shanhte hpe matsat ning tup up hkang lai wa nu ai.

Jinghpaw Hanson Version Bible

⁸ Dai majaw Yehowa Israela kashu kasha ni hpe pawt bu ai hte, Mesopotami hkawhkam Hkushan-re-shahtim a lata hta shanhte hpe dut kau mu ai rai nna, Israela kashu kasha ni gaw matsat ning tup Hkushan-re-shahtim kaw yamnga ma ai.

TARA AGYI 3:8 ပူးပေါင်းရင်းမြစ်များ

NINGPAWT NINGHPANG 24:10

Abraham a sut rai hpe up ai shangun ma wa gaw shi madu a gawla-uk ni hpe byau la nna Nahora shanu nga ai Mesopotamia mung a dingdung maga na mare de sa wa wu ai.

SHAKAWN KUNGDAWN 106:41

Shi shanhte hpe masha amyu baw ni a n-gun atsam de ap kau nna; shanhte a gumlau hpyen ni shanhte hpe up hkang nga ma ai.

SHAKAWN KUNGDAWN 129:1

Israela e, nang gaw naw kaji nga ai aten kaw nna, na a gumlau hpyen ni nang hpe kaning rai zingri zingrat di lai wa sai lam, anhte hpe tsun dan mi.

SHAKAWN KUNGDAWN 44:12

Na a amyu masha ni gaw manu kachyi mi sha dan nga ai ni hpe zawn nang shanhte hpe manu kachyi mi hte sha dut kau nga nit dai.

SHAKAWN KUNGDAWN 6:1

Madu e, masin pawt ai hte ngai hpe hkum daru et! Na masin kahtet ai hte ngai hpe ari hkum jaw et!

SHAKAWN KUNGDAWN 85:3

Shanhte hpe masin pawt ai lam nang jahkring kau nna; na a masin kahtet ai hpe mung shakawp kau nga ndai.

PRU MAT 22:24

ngai masin pawt wa ai hte nanhte hpe majan e sat kau na we ai. Nanhte a madu jan ni gaida jan ni tai mat nna nanhte a kashu kasha ni mung chyahkrai tai mat na mara ai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

JAW JAU 26:17

Ngai gaw nanhte hpe myi man kayin kau da na made ai, shaloi nanhte sum mat na marin dai. Nanhte hpe n dawng n yawt ai ni mahtang nanhte a ntsa e up na mara ai; nanhte hpe kadai n hkan shachyut ti mung hprawng nna grai hkrit gari mat na rai myit dai.

HABAKU 3:7

Ngai gaw Hkusha masha ni hkrit nga ma ai hpe mung, Midian masha ni hkrit gari nga ma ai hpe mung mu nngai.

ROMA 7:14

Dai hta kaga jep ai Tara gaw Wenyi lam hte seng nga ai hpe anhte chye ga ai; ngai mahtang si chye ai masha langai mi zawn rai nna yubak de dut kau hkrum ai mayam zawn rai nga nngai.

TARA JAHPRANG 29:20

Dai Madu gaw dai zawn re ai wa hpe mara dat ya na wu ai n rai; shing rai na malai, dai Madu a hkru nga ai pawt sindawng ai gaw shi a ntsa e grung nga nhtawm dai Madu shi hpe tsep kawp shamyit kau ai aten du hkra, ndai laika hta ka matsing da ai tsin-yam tsindam yawng mayawng shi a ntsa e ru bun na wu ai.

TARA JAHPRANG 32:30

Marai langai sha masha hkying mi hpe, marai lahkawng e sha mun mi hpe hpa majaw dang kau lu a ta? Dai Madu shanhte a Karai Kasang shanhte hpe kau da nu ai; chyalai n-gun hte hpring ai shanhte a Karai Kasang shanhte hpe ap kau nu ai.

TARA AGYI 2:14

Shing rai dai Madu gaw Israela hpe masin yu kahtet wu ai majaw shanhte hpe htim gasat nna kashun kashe di nhtawm hpya kau na ni a lata hta ap ya kau wu ai. Shi gaw shanhte hpe grup yin na masha hpyen ni a lata de ap kau ya wu ai majaw Israela masha ni shanhte hkum hpe loi mi pyi n makawp maga la lu na rai ma ai.

TARA AGYI 2:20

Shaloi dai Madu gaw Israela hpe pawt sindawng nna, “Ndai amyu masha ni gaw shanhte a kaji kawa ni hkan shatup na, ngai hkang da ai ga shaka hpe jahten sharun kau manu ai.

TARA AGYI 3:10

Dai Madu a wenyi mung shi a ntsa e dung nga ai rai nna shi gaw Israela a ningbaw tai wa nga sai. Otniela majan rawt wu yang, dai Madu gaw Mesopotamia hkawhkam hpe gasat dang kau lu ai awng padang shi hpe jaw wu ai.

TARA AGYI 3:7

Israela amyu masha ni gaw dai Madu shanhte a Karai Kasang hpe yubak galaw shut kau nhtawm malap kau manu ai rai nna Bala hte Ashera hpara sumla ni hpe nawku nga ma ai.

TARA AGYI 3:9

Dai hpang Israela amyu masha ni mahtang dai Madu hpe jahtau ma ai rai nna shanhte hpe shalawt dat na masha langai shangun dat ya wu ai. Dai wa gaw Hkaleb a kanau Kena a kasha Otniela rai nga ai.

TARA AGYI 4:9

Shi mung, “Rai sa, ngai nang hte rau sa wa na nngai; rai ti mung dai Madu gaw numsha a lata hta mahtang Sisera hpe ap ya na rai wu ai majaw dai awng padang a matu nang arawng lu na ndai n rai,” ngu nna htan wu ai. Dai rai nna Debora rawt nna Barak hte rau Kedesha de sa wa ma ai.

1 SAMUELA 12:9

Rai ti mung amyu masha ni mahtang dai Madushanhte a Karai Kasang hpe malap kau mu ai; dai rai nna shi gaw Hpilisti masha ni a lata de mung, Moba hkawhkam a lata de mung, Hazora mare na hpyen luksuk ni a dap hpe up hkang ai Sisera a lata de mung ap kau shangun ai majaw, nanhte a kaji kawa ni hpe htim gasat ai hte shanhte hpe dang kau mu ai.