TARA AGYI 3:7 - Jinghpaw Common Language Bible 2009

⁷ Israela amyu masha ni gaw dai Madu shanhte a Karai Kasang hpe yubak galaw shut kau nhtawm malap kau manu ai rai nna Bala hte Ashera hpara sumla ni hpe nawku nga ma ai.

Jinghpaw Hanson Version Bible

⁷ Ya Israela kashu kasha ni gaw, Yehowa man e n shawp ai amu galaw let, shanhte a Karai Kasang Yehowa hpe malap kau nna Bala hpara ni hte Asherot hpe jaw jau ma ai.

TARA AGYI 3:7 ပူးပေါင်းရင်းမြစ်များ

1 HKAWHKAM 16:33

Shi gaw Ashera karai num a gawkngu sumla langai mi hpe mung shadun da wu ai. Shi gaw shi a shawng na Israela hkawhkam ni yawng hta dai Madu Israela a Karai Kasang hpe pawt bu shangun nga ai.

1 HKAWHKAM 18:19

Hkarmela Bum e ngai hte hkrum na matu Israela amyu masha ni yawng hpe ya hkang dat u. Bala myihtoi 450 hte hpawn hkawhkam jan Yezebela e karum da ai Ashera karai num a myihtoi 400 hpe mung woi sa wa u,” ngu nna htan wu ai.

2 HKAWHKAM 23:14

Yoshia gaw nlung shadaw ni hpe ayun ayaw di agrawp jahten kau nna, Ashera karai num a hkrang sumla ni hpe kran daw kau nhtawm dai ni hpe shadun da ai lamu ga hta si sai masha a nrut nra ni hte jahpring da nga ai.

2 HKAWHKAM 23:6

Shi gaw Nawku Htingnu kata na Ashera karai num a sumla shaw la nna mare shinggan Kidron Kadit e dai hpe nat kau nna ga nhpu zawn adup mani la nhtawm shawa lupwa e gat ayai kau wu ai.

2 HKAWHKAM LABAU 15:16

Hkawhkam Asa a kawoi Mahka mahtang mayat maya ai Ashera karai num a matsat shabat re ai hpara sumla galaw nu ai majaw shi hpe hkawhkam jan a kanu aya kaw nna la kau wu ai. Asa gaw dai hpara sumla hpe kran daw kau nhtawm dai hpe achye ga kau nna Kidron Kadit e adaw atang di nat kau wu ai.

2 HKAWHKAM LABAU 24:18

Dai rai nna amyu masha ni gaw dai Madu shanhte a kaji kawa ni a Karai Kasang a Nawku Htingnu hta nawku nga ai hpe jahkring kau nhtawm hpara sumla ni hte Ashera karai num a gawkngu sumla ni hpe nawku hpang wa ma ai.

2 HKAWHKAM LABAU 33:19

Hkawhkam wa a akyu hpyi ga hte dai hte seng ai Karai Kasang a mahtai, shi myit malai garai n lu yang, n hkru ai amu galaw nna shi shut hpyit kau ai yubak mara ni a lam, tara maigan masha ni nawku ai shara ni, shi tawk galaw ai Ashera karai num a hkrang sumla ni hte shi nawku ai hpara sumla ni yawng a lam hpe Myihtoi ni a Labau Laika hta ka matsing da nga ai.

2 HKAWHKAM LABAU 33:3

Shi a kawa Hezekia e jahten sharun kau nu ai tara maigan masha ni a nawku shara ni hta nawku na tawn hkungri ni hpe mung, Ashera karai num a hkrang sumla ni hpe mung shi galaw nna shagan ni hpe nawku wu ai.

2 HKAWHKAM LABAU 34:3

Yoshia hkawhkam tai wa ai matsat ning ngu na shi shabrang naw rai nga yang, shi a kaji kawa Hkawhkam Dawi a Karai Kasang hpe nawku hpang wa wu ai. Mali ning na ai hpang, shi gaw tara maigan masha ni a nawku shara ni, Ashera karai num a hkrang sumla ni hte kaga hpara ni yawng hpe jahten sharun hpang wa wu ai.

2 HKAWHKAM LABAU 34:7

Shi gaw Dingdung Mungdan ting de du hkra nga ai tawn hkungri ni hpe mung, Ashera hpara sumla hkrang ni hpe mung hpara sumla ni hpe mung ayun ayaw di nna agrawp mani kau nhtawm manam pyaw ai baw nat nawng ya ai tawn hkungri ni yawng hpe mung agrawp mani kau wu ai. Dai hpang Yerusalem de shi bai nhtang mat wa wu ai.

SHAKAWN KUNGDAWN 106:35

maigan amyu masha ni hte shanhte dinghku de ma ai hte maigan htung tara ni hpe shanhte hkap la nga mu ai.

SHAKAWN KUNGDAWN 106:36

Karai Kasang a amyu masha ni gaw hpara sumla ni hpe nawku daw jau mu ai, dai gaw shanhte byak ai lam hpe shabyin ya nga sai.

SHAKAWN KUNGDAWN 106:7

Egutu mung hta shanu nga ai anhte a kaji kawa ni gaw Karai Kasang a mauhpa magam amu ni hpe n chye na kau mu ai; shanhte hpe law law lang shi madun dan sai shi a tsaw ra myit hpe shanhte malap kau nna, shanhte gaw, dai Chyahtum Chyalai n-gun rawng ai Madu hpe pyi, dai Nawng Hkyen e gumlau ma ai.

PRU MAT 34:13

Shing rai na malai, shanhte a tawn hkungri ni hpe run kau ya nna, chyoi pra ai shadaw ni hpe mung agrawp jahten kau ai hte shanhte a Ashera hpara num a hkrang sumla ni hpe kran daw kau ya na rai ndai.

YEREMIA 23:27

Shanhte a kaji kawa ni gaw ngai hpe malap kau ai hte Bala hpara hpang de myi man yawng mat wa ma ai zawn, shanhte tsun hkai ai yup mang shingran ni a majaw nye a amyu masha ni ngai hpe malap kau shangun na shanhte myit nawn ma ai.

TARA JAHPRANG 16:21

“Dai Madu nanhte a Karai Kasang a matu nanhte galaw da ai tawn hkungri makau e hpun hte galaw ai Ashera karai num a sumla hpe jung da lu na myit dai n rai.

TARA JAHPRANG 4:9

Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.

TARA JAHPRANG 8:11

“Dai ni ngai nanhte hpe jaw ya ai shi a hkang da ai tara hpa hpe mung n hkan kau nna, dai Madu nanhte a Karai Kasang hpe malap kau ai kaw n du myit ga, sadi nga mu.

TARA JAHPRANG 8:14

nanhte mayam sa tai nga ai Egutu mung kaw na nanhte hpe hkye hkrang la ai wa, nanhte a Madu Karai Kasang hpe malap kau nna gumrawng ai myit n rawng nga myit ga, sadi nga mu.

TARA JAHPRANG 8:18

Dai Madu nanhte a Karai Kasang gaw sut gan lu su chye ai atsam nanhte hpe jaw ya nu ai hpe adum nga mu. Nanhte a nji nwa ni hte tawn da ai ga shaka hpe dai ni du hkra shi naw sadi dung nga ai majaw ndai amu hpe shi galaw wu ai.

TARA AGYI 3:12

Israela amyu masha ni gaw dai Madu hpe yubak galaw shut kau manu ai. Dai lam a majaw dai Madu gaw Moba Hkawhkam Eglon hpe Israela ni hta grau n-gun shaja ya wu ai.

TARA AGYI 3:8

Dai Madu gaw Israela ni hpe pawt sindawng wu ai rai nna Mesopotamia Hkawhkam Hkushan Rishahtim a lata de shanhte hpe ap ya ma ai; Shi gaw shanhte hpe matsat ning tup up hkang lai wa nu ai.

TARA AGYI 6:25

Dai shana e dai Madu gaw Gidon hpe, “Na nwa a usu hte kaga sanit ning du ai usu hpe la nhtawm na nwa a Bala tawn hkungri hpe run kau nna, de a makau na Ashera hpara num a masat kumla kran daw kau u.

TARA AGYI 8:33

Gidon si mat ai hpang Israela amyu masha ni gaw Karai Kasang hpe bai n kam n sham ai hte Bala hpara ni hpe nawku mat ma ai. Shanhte mahtang Bala ga shaka hpe shanhte a hpara zawn shatai da mu ai rai nna,

TARA AGYI 8:34

shanhte hpe wang shinggrup da ai gumlau hpyen ni yawng a lata kaw na hkye hkrang la ai dai Madu shanhte a Karai Kasang hpe loi mi mung n daw jau mat ma ai.

1 SAMUELA 12:10

Shaloi shanhte gaw karum la na matu dai Madu kaw akyu hpyi jahtau mu ai rai nna, “Madu e, anhte gaw nang hpe shingdu kayin kau saga ai hte Bala hte Astarte hpara sumla ni hpe nawku kau saga ai majaw anhte shut kau saga ai. Anhte hpe anhte a gumlau hpyen ni a lata kaw na hkye mawai la mi law, anhte gaw nang hpe chyu sha nawku na ga ai!,’ ngu nna tsun ma ai.

1 SAMUELA 12:9

Rai ti mung amyu masha ni mahtang dai Madushanhte a Karai Kasang hpe malap kau mu ai; dai rai nna shi gaw Hpilisti masha ni a lata de mung, Moba hkawhkam a lata de mung, Hazora mare na hpyen luksuk ni a dap hpe up hkang ai Sisera a lata de mung ap kau shangun ai majaw, nanhte a kaji kawa ni hpe htim gasat ai hte shanhte hpe dang kau mu ai.