TARA AGYI 3:31 - Jinghpaw Common Language Bible 2009

³¹ Hpang na ningbaw wa gaw Anat a kasha Shamga rai nga ai. Shi mung Hpilisti masha marai kru tsa hpe majawn hte sat kau nna Israela masha ni hpe hkye la wu ai.

Jinghpaw Hanson Version Bible

³¹ Ehud a hpang e Anat a kasha Shamga paw pru nna, majawn hte Hpilisti masha marai kru tsa hpe sat kau nna, Israela masha ni hpe hkye la wu ai.

TARA AGYI 3:31 ပူးပေါင်းရင်းမြစ်များ

1 KORINHTU 1:17

Hpa majaw nga yang, Hkristu ngai hpe shangun dat ai gaw hka lup jaw na matu n rai. Dai Kabu Gara Shiga hkaw tsun dan na matu she, Hkristu gaw ngai hpe shangun dat ni ai: rai ti mung, Hkristu a wudang ntsa e si hkam ai lam a n-gun atsam gaw kaman lila n rai mat u ga, masha a n-gup hpaji atsam hpe n lang ai sha hkaw tsun dan nngai.

TARA AGYI 10:11

Dai Madu chyawm gaw shanhte hpe ning ngu nna mahtai jaw ma ai: “Lai sai aten ni hta Egutu masha ni, Amori masha ni, Amon masha ni, Hpilisti masha ni,

TARA AGYI 10:17

Dai hpang Amon hpyen luksuk gaw majan a matu ra ai amu ni hpe shajin shachyip da nhtawm Gilead mung e dap jung nga ma ai. Israela masha ni mung sa hpawng nna Gilead mung Mizpa e dap jung da ma ai.

TARA AGYI 10:7

Dai rai nna Israela masha ni hpe dai Madu masin pawt wu ai rai nna Hpilisti hte Amon ni a lata de shanhte hpe ap kau wu ai.

TARA AGYI 15:15

Dai hpang mi sha si mat sai lawze langai a shakap nra hpe shi mu hkrup wu ai. Shi gaw dai hpe gum let hta la nhtawm masha hkying mi hpe dai hte sat kau wu ai.

TARA AGYI 2:16

Shaloi dai Madu gaw shanhte hpe hpya lu hpya sha ai ni a lata na hkye la nhtawm Israela ningbaw ni hpe jaw ya wu ai.

TARA AGYI 3:30

Israela amyu masha ni gaw dai shani e Moba masha ni hpe gasat dang kau ma ai rai nna, matsat shi ning tup mungdan hta ngwi pyaw sim sa mat nga ai.

TARA AGYI 4:1

Ehud si mat ai hpang, Israela amyu masha ni gaw dai Madu hpe yubak bai galaw ma ai.

TARA AGYI 5:6

Anat a shadang sha Shamga a lak htak hte Yaela a aprat hte hta, hpaga nmaw lam katsi mat nna, bu hkawm ai ni masun lam ni hpe she lang mat masai.

TARA AGYI 5:8

Israela masha ni hpara nnan lata la ma ai shaloi, mungdan kata majan pru nga ai; Israela mun mali hta ninggang langai hpai lu a ni? Nri langai hpai lu a ni?

1 SAMUELA 12:9

Rai ti mung amyu masha ni mahtang dai Madushanhte a Karai Kasang hpe malap kau mu ai; dai rai nna shi gaw Hpilisti masha ni a lata de mung, Moba hkawhkam a lata de mung, Hazora mare na hpyen luksuk ni a dap hpe up hkang ai Sisera a lata de mung ap kau shangun ai majaw, nanhte a kaji kawa ni hpe htim gasat ai hte shanhte hpe dang kau mu ai.

1 SAMUELA 17:47

dai Madu gaw shi a amyu masha ni hpe ri nhtu n lang ra ai sha, hkye la lu nga ai hpe ndai yang na masha shagu hte mung mu lu na mara ai. Shi gaw majan hta awng dang ai wa rai nga ai; nanhte yawng hpe nye a lata de shi hpe ap ya na rai wu ai,” ngu nna htan wu ai.

1 SAMUELA 17:50

Dawi gaw nhtu n lawm ai sha lakli hte nlung langai e sha Goliat hpe gasat dang kau nhtawm sat kau wu ai.

1 SAMUELA 4:1

Dai aten hta Hpilisti masha ni gaw Israela amyu masha ni hpe gasat na nga, hpawng shinggyin nga ma ai; Israela amyu masha ni mung shanhte hpe htim gasat na nga, pru sa wa ma ai. Israela amyu masha ni gaw Ebeneza shara e shanhte a dap jung nhtawm, Hpilisti masha ni gaw Ahpek shara e dap jung ma ai.