TARA AGYI 3:3 - Jinghpaw Common Language Bible 2009

³ Dai mung hta ngam nga ai ni gaw Hpilisti mare manga hte hte, Hkanani amyu ni yawng, Sidon masha ni, bai Bela Hermon Bum kaw nna Hamat mare uhkan du hkra nga ai Lebanon Bum hkan na Hiwi masha ni rai nga ai.

Jinghpaw Hanson Version Bible

³ dai ni gaw, Hpilisti du manga hte hte, Hkanani amyu ni yawng; Sidon masha ni, Bala-hermon bum kaw nna Hamat mare ringhpung du hkra nga ai Lebanon bum na Hiwi masha ni rai nga ma ai.

TARA AGYI 3:3 ပူးပေါင်းရင်းမြစ်များ

NINGPAWT NINGHPANG 49:13

“Zebulun gaw panglai makau e nga na ra ai. Shi a hka kau gaw sanghpaw li ni a matu daru tai na ra ai. Shi a lamu ga jarit mung Sidon du hkra maden na ra ai.

2 SAMUELA 24:7

Dai hpang dingda maga bunghku kum ai Turu mare, Hiwi hte Hkanani masha ni nga ai mare ni hte hpang jahtum Yuda mung a dingda maga de nga ai Berasheba mare de du hkawm nga ma ai.

1 HKAWHKAM 8:65

Shawlumon hte Israela amyu masha ni yawng gaw Nawku Htingnu e sanit ya tup Sum Poi galaw ma ai. Dai yang e dingdung maga Hamat uhkan kaw nna dingda maga Egutu lamu ga jarit du hkra na amyu masha wunawng wuwa ni sa du shajang ma ai.

1 HKAWHKAM 9:20

Shawlumon gaw Israela masha ni Hkanan mung hpe madu la ai shaloi shanhte n sat kau ai Hkanan masha ni a amyu matu ni hpe magam bungli galaw shangun ai hta lang da wu ai. Shing re ai amyu matu ni hta Amori, Hiti, Perizi, Hiwi hte Yebusi masha ni lawm nga ma ai rai nna dai ni du hkra de a amyu matu ni hpe mayam shatai da wu ai.

EZEKELA 47:20

“Sinna maga de na lamu ga jarit gaw Ka-ang Panglai hte dingdung de Hamat Uhkan a sinna jut du hkra rai nga ai.

BU HKAWM 13:29

Amalek masha ni mahtang dai mung a dingda maga de nga nga ma ai. Hiti, Yebusi, Amori masha ni mung bum ga hkan e nga nga ma ai. Hkanan masha ni gaw Ka-ang Panglai makau hte Yawdan hka mayan hku nga nga ma ai,” ngu nna tsun dan ma ai.

BU HKAWM 34:8

dai kaw na Hamat uhkan hku hkrawn, Zedad shara e byawn;

TARA JAHPRANG 1:7

Dai re ai majaw dap run kau nhtawm hkawm sa wa manu. Amori masha ni nga ai bum ga hte de a makau grup yin na ginwang ni de du hkra mung, Yawdan Kadit e mung, bum ga hte layang ga de mung, dingda ginwang daw hte Ka-ang Panglai de du hkra sa wa manu. Dai de sha n-ga, Uhprat hka nu du hkra dam ai Hkanan mung hte Lebanon bum lai hkra pru sa wa manu.

TARA JAHPRANG 3:9

(Hermon Bum hpe Sidon masha ni gaw Sirion, Amori masha ni gaw Senira ngu nna shamying ma ai.)

YAWSHU 11:19

Israela amyu masha ni hte ngwi pyaw sim sa lam galaw da ai mare gaw Gibeon chyu sha rai nna dai mare hta Hiwi masha nkau mi nga nga ma ai. Kaga mare ni yawng hpe chyawm gaw gasat dip la lu nga ai.

YAWSHU 11:3

Shi gaw Yawdan hka a lahkawng maga hkran de nga ai Hkanani masha ni, Amori masha ni, Hiti masha ni, Perizi masha ni hte bum ga hkan nga ai Yebusi masha ni, Mizpa mung na Hermon bum lagaw hkan e nga ai Hiwi masha ni hpe mung shiga shana dat wu ai.

YAWSHU 13:3

dingda maga de Awim lamu ga yawng ngu na (Egutu lamu ga jarit htep rai nga ai Shihora hka kaw na Hkanani mung hta lawm ai dingdung man de na Ekron mare du hkra nga ai Hpilisti hkawhkam ni nga ai Gaza, Ashdod, Ashkelon, Gat, hte Ekron ni rai nga ai.)

YAWSHU 13:5

Gebali masha ni a lamu ga; sinpraw maga de nga ai Lebanon lamu ga yawng, Hermon Bum a dingda maga nga ai Balagad kaw na Hamat uhkan du hkra naw nga nga ai.

YAWSHU 19:28

Dai kaw nna Ebron, Rehob, Hamon, Kana hku hkan nna Sidon du hkra rai nga ai.

YAWSHU 9:7

Rai ti mung Israela amyu masha ni mahtang, “Nanhte hte anhte hpa lam ni a majaw ga shaka tawn da na rai nga ga ni? Nanhte ndai ani sha hkan nga sam ang nga myit dai,” ngu nna tsun mu ai.

TARA AGYI 10:12

Sidon masha ni, Amalek masha ni hte Mao masha ni nanhte hpe dip gamyet sha lai wa manit dai majaw, nanhte ngai kaw hpyi jahtau yu manit dai. Shing re ai aten hta shanhte a lata kaw na ngai nanhte hpe n hkye hkrang la yu nga a ni?

TARA AGYI 10:7

Dai rai nna Israela masha ni hpe dai Madu masin pawt wu ai rai nna Hpilisti hte Amon ni a lata de shanhte hpe ap kau wu ai.

TARA AGYI 14:4

Dai Madu gaw Hpilisti masha ni hpe gasat kau na lam tam nga ai hpe kanu yan kawa n chye ma ai; Dai amu hpe Samson galaw na matu, dai Madu woi awn nga ai. Ndai aten hta Hpilisti masha ni Israela hpe up nga ma ai.

TARA AGYI 18:7

Dai marai manga hte gaw pru mat wa nhtawm Laisha mare de sa wa ma ai. Dai yang e nga ai masha ni gaw Sidon masha ni zawn kade sha shim ai hte nga nga ma ai hpe shanhte sa mu ma ai. Shanhte gaw kadai hte mung ga li ga law, ndang kalang n nga ai sha, ngwi pyaw sim sa ai hte nga nga ai masha ni rai nga ma ai; shanhte hta ra kadawn ai lam hpa mung n nga ma ai. Shanhte gaw Sidon masha ni hte tsan gang ai shara hta nga nga ma ai rai nna kaga masha kadai hte mung makyit mahkai ai lam n nga ma ai.

TARA AGYI 3:2

Shawng de galoi mung majan amu hta laksan n hkrum kadup yu ai majaw mung, Israela amyu masha ni majan a lam ban hte ban sharin hkam la lu na matu mung, ndai amu hpe shi galaw wu ai.

TARA AGYI 4:2

Dai rai nna dai Madu gaw shanhte hpe Hazora e hkaw dung ai Hkanani Hkawhkam Yabin a lata de ap kau wu ai. Shi a luksuk hpyen du gaw maigan amyu ni a Haroshet mare hta nga ai Sisera rai nga ai.

1 SAMUELA 13:5

Hpilisti masha ni mung Israela ni hpe htim gasat na matu zup hpawng ma ai; shanhte hta hpyen leng mun masum, gumra jawn ai masha hkying kru hte panglai hkin-gau hkan na zaibru zawn law ai hpyenla ni nga nga ai. Shanhte gaw Betawen a sinpraw maga Mikmasha de sa wa nhtawm dai yang e dap jung ma ai.

1 SAMUELA 29:2

Hpilisti hkawhkam manga hte gaw shanhte a latsa dap, hkying dap hku garan da ai hte maren rau rawt sa wa ma ai; Dawi hte shi a masha ni chyawm gaw hpang e Hkawhkam Ahkisha hte rau hkan nang ma ai.

1 SAMUELA 6:16

Hpilisti hkawhkam manga hte mung dai amu galaw ai lam hpe azi yu kau da nna, dai shani jang Ekron mare de bai wa mat wa ma ai.

1 SAMUELA 6:18

Shanhte gaw aja hte galaw ai yu sumla ni hpe mung bunghku kum ai mare ni hte bunghku n kum ai kahtawng ningchyawng lahkawng yan hpe up hkang nga ai Hpilisti hkawhkam manga ni a mare shagu a matu langai hpra hpra shagun dat ya ma ai. Dai Madu a Ga Shaka Sumpu hpe Bet Sheme mare na Yawshu a yi hta nga ai lunghtawn ntsa e shanhte tawn da nga ai rai nna, dai yang e hpa byin lai wa sai lam ya du hkra sakse langai zawn naw nga nga ai.

1 SAMUELA 6:4

Masha ni gaw, “Shanhte hpe anhte kaning re ai kumhpa jaw dat na rai nga ga ta?,” ngu nna san ma ai. Shanhte gaw, “Ja hte galaw ai mu shakrwi kasi manga, ja hte galaw ai yu sumla manga, dai ni hta na langai ngai gaw Hpilisti hkawhkam shagu a matu rai na rai nga ai. Nanhte yawng hte nanhte a hkawhkam manga hte hta dat dat ai ana zinli mung maren sha rai nga ai.