TARA AGYI 3:29 - Jinghpaw Common Language Bible 2009

²⁹ Shanhte gaw dai shani e kaja htum ai Moba hpyenla mun mi daram hpe sat kau ma ai; shanhte hta na kadai mung hprawng lawt lu ma ai n rai.

Jinghpaw Hanson Version Bible

²⁹ Dai shaloi, n-gun ja ai Moba share mun mi hpe, langai mi mung n lawt hkra, sat kau mu ai.

TARA AGYI 3:29 ပူးပေါင်းရင်းမြစ်များ

SHAKAWN KUNGDAWN 17:10

Shanhte gaw matsan dum ai myit n rawng ma ai hte gumrawng gumtawng ai myit hte tsun ma ai.

TARA JAHPRANG 3:18

“Dai aten hta ngai shanhte hpe hkan sa na ga matsun ni hpe jaw ya ni ai: “Dai Madu anhte a Karai Kasang gaw nanhte hpe dai Yawdan Hka sinpraw maga na lamu ga hpe madu la na matu jaw ya manit dai. Ya chyawm gaw hpyen rai lang nna gasat gala ai masha ni hpe kaga Israela amyu bawsang ni a shawng e Yawdan hka rap di shangun nhtawm lamu ga madu la lu hkra shanhte hpe karum na rai myit dai.

TARA JAHPRANG 32:15

“Dai Madu a amyu masha ni sut su wa ti mung, gumlau hpyen she nhtang tai; mu mai ai lusha hte shanhte hpum sau ma ai. Shanhte a hpan Madu Karai Kasang hpe kabai kau ma ai; chyalai n-gun hte hpring ai hkye madu hpe ningdang kau ma ai.

TARA AGYI 3:17

Dai hpang grai hpum ai Eglon hpang de kumhpaw kumhpa ni la sa ya wu ai.

TARA AGYI 3:28

Shi gaw shanhte hpe, “Nye a hpang hkan nang marit! Dai Madu gaw nanhte a gumlau hpyen rai nga ai Moba masha ni hpe gasat dang kau na awng padang nanhte hpe jaw manit dai,” ngu nna tsun wu ai. Shanhte mung Ehud kaw hkan nang yu wa nhtawm Moba masha ni Yawdan hka rap ai uhkan shara hpe hkap madu la ma ai. Shanhte gaw langai mi hpe mung n rap di shangun nga ma ai.

TARA AGYI 3:30

Israela amyu masha ni gaw dai shani e Moba masha ni hpe gasat dang kau ma ai rai nna, matsat shi ning tup mungdan hta ngwi pyaw sim sa mat nga ai.