TARA AGYI 3:27 - Jinghpaw Common Language Bible 2009

²⁷ Shi gaw dai yang na Ehprim bum ga de du wa yang, hpyen majan rawt na Israela amyu masha ni hpe shaga dat na nga, pahke dum dat wu ai. Dai hpang shi gaw shanhte hpe bum ga kaw na woi yu wa wu ai.

Jinghpaw Hanson Version Bible

²⁷ Shaloi shi du wa jang Ehprim bum ga e, shi pahtau dum dat wu ai rai nna, Israela kashu kasha ni mung shi kaw hkan nang let bum ga de na yu wa ma ai.

TARA AGYI 3:27 ပူးပေါင်းရင်းမြစ်များ

2 SAMUELA 20:22

Dai hpang numsha gaw mare masha ni hpang de wa nhtawm shi maw mawn ai lam tsun dan wu ai rai nna, Sheba a baw daw la nhtawm Yoab hpang de bunghku ntsa hku kabai jahkrat ya wu ai. Shaloi Yoab pahtau dum dat let, shi a masha ni dai mare kaw na pru mat wa na kumla madun dat wu ai majaw, tinang nang a nta de wa shajang mat ma ai. Yoab mung Yerusalem mare de hkawhkam wa hpang de bai nhtang mat wa wu ai.

2 HKAWHKAM 9:13

Yehu a du manang ni gaw kalang lata shanhte a palawng galu ni hpe raw la nna Yehu wa tsap na matu lakang baw e nep da nhtawm pahtau ni hpe dum let, “Yehu gaw hkawhkam rai nga sai law!,” ngu nna jahtau tsun ma ai.

NEHEMIA 4:14

Ngai gaw amyu masha ni myit ru myit tsang hkrum nga ma ai hpe mu ai rai nna, shanhte hpe, “Anhte a gumlau hpyen ni hpe hkum hkrit nga myit. Kade sha galu kaba nna hkrit mai nga ai dai Madu hpe dum nga mu; nanhte a kahpu kanau ni, ma kaji ni, madu jan ni hte nanhte a dum nta ni a matu gasat mu,” ngu nna tsun nngai.

YAWSHU 17:15

Yawshu gaw, “Nanhte law htam nna Ehprim a bum ga nanhte a matu nau wa kaji dum myit yang, Perizi hte Rehpim masha ni a lamu ga na maling ga de lung wa nhtawm nanhte a matu hkyen lajang la mu,” ngu nna htan dat wu ai.

YAWSHU 17:18

Dai bum ga gaw nanhte a matu rai na myit dai, dai majaw nam maling mi rai nga ti mung, dai nam maling ni hpe hkyen jasan nna, maga mi kaw nna maga mi de htum hkra kaba ai lamu ga hpe madu la na rai myit dai. Hkanani masha ni hpri leng lu nna n-gun ja ai masha ni rai nga ti mung, shanhte hpe gawt shapraw kau na rai myit dai,” ngu nna tsun wu ai.

TARA AGYI 10:1

Abimelek si mat ai hpang, Dodo a kashu, Pua a kasha Tola gaw Israela hpe shalawt dat na matu du sa wa wu ai. Shi gaw Yisahka amyu bawsang hta na rai nhtawm Ehprim a bum ga na Shamira shara e nga nga wu ai.

TARA AGYI 17:1

Lang mi, Ehprim bum ga e Mihka mying ai masha langai mi nga ai.

TARA AGYI 19:1

Israela amyu hta hkawhkam garai n nga ai aprat e, Ehprim bum ga hte tsawmra mi tsan ai shara hta Lewi masha langai mi nga nga ai. Shi gaw Yuda mung Betlehem mare na numsha langai mi hpe shi a lashi num shatai la wu ai.

TARA AGYI 3:26

Shanhte naw la nga ai laman, Ehud mahtang hprawng lawt mat wa nhtawm, tawk ai nlung shadaw lai kau da nna Seira de du mat wa wu ai.

TARA AGYI 5:14

Shanhte gaw Ehprim kaw nna kadit de yu sa nhtawm, Benyamin amyu bawsang hte de a amyu masha ni a hpang ningdim e hkan ma ai. Mahkira kaw na hpyen du ni pru nhtawm; Zebulun kaw na du salang ni yu wa nga ai.

TARA AGYI 6:34

Madu a wenyi chyawm gaw Gidon hpe hkang nga ai rai nna Abieza a lakung lama ni hta na masha ni shi a hpang hkan na matu shi pahtau dum let shaga dat wu ai.

TARA AGYI 7:24

Gidon mung Ehprim Bum ga ting de kasa ni hpe shangun dat nhtawm, “Midian masha ni hpe hka n lu rap lu hkra hkap shadang na matu, Yawdan hka hte Betbara hka shi lwi nga ai shara du hkra hkap magang nna shanhte hpe yu gasat mu,” ngu nna htet shana dat wu ai. Ehprim a masha ni gaw shaga jahpawng la ai hkrum nhtawm Yawdan hka hte Betbara hka shi ni nga ai shara du hkra sin hkap nga ma ai.

1 SAMUELA 13:3

Ya, Geba e nga ai Hpilisti dap up wa hpe Yonahtan sat kau wu ai lam hpe Hpilisti masha ni yawng na ma ai. Dai hpang Shawlu mung Hebre masha ni majan de shang na matu mungdan ting de pahtau dum na, kasa ni hpe shangun dat wu ai.