TARA AGYI 3:20 - Jinghpaw Common Language Bible 2009

²⁰ Dai hpang hkawhkam wa shi chyu nga nga re ai ntsa htap na katsi pyaw ai gawk hta dung nga yang, Ehud gaw shi kaw sit sa nna, “Na a matu Karai Kasang kaw na ga ngai lu nngai,” ngu nna tsun wu ai. Shaloi hkawhkam wa rawt tsap wa wu yang,

Jinghpaw Hanson Version Bible

²⁰ Ya hkawhkam wa gaw shi chyu nga nga re ai katsi ai ntsa kawk hta dung nga yang, Ehud gaw shi hpang de sit sa nna, “Karai Kasang kaw na nang hte seng ai ga ngai gun nngai,” ngu wu ai. Shaloi shi rawt tsap wa jang,

TARA AGYI 3:20 ပူးပေါင်းရင်းမြစ်များ

NEHEMIA 8:5

Ezra gaw amyu masha ni hta grau tsaw ai pinra ntsa hta tsap nga ai rai nna, shanhte yawng shi hpe azi yu lu ma ai. Shing rai shi gaw laika buk hpaw dat wu ai hte rau shanhte yawng mung rawt tsap ma ai.

SHAKAWN KUNGDAWN 29:1

Sumsing lamu na lamu kasa ni yawng hte e, dai Madu hpe shakawn kungdawn mu; shi a hpung shingkang hte daru magam n-gun hpe shakawn mu.

YEREMIA 10:7

Masha amyu baw ni yawng a hkawhkam wa e, nang hpe kadai n shagrau sha-a na rai ta? Nang gaw shagrau sha-a na ging nga ndai. Masha amyu baw ni a hpaji rawng ai masha ni yawng hta mung, hkawhkam ni kadai hta rai tim, nang hte bung ai wa langai mi mung n nga nga ai.

YEREMIA 36:22

Ya dai byin ai gaw nshung ta hta rai nga ai hte hkawhkam wa gaw nshung ta hta rawng ai htingnu kata hta shi dung nga ai; shi a man e wan kra na wan htung mung nga nga wu ai.

AMO LAIKA (AMOS) 3:15

Ngai gaw nshung ta na nta ni hte nlum ta na nta ni hpe jahten kau ya na nngai. Magwi kawng hte mawn sumli da ai nta ni hten run mat wa nna, kaba dam lada ai nta shagu jahten kau hkrum na mara ai,” nga nna tsun ai.

MIHKA 6:9

Dai Madu hpe hkrit hkungga ai gaw hpaji byeng-ya rai nga ai. Shi gaw dai mare hpe jahtau tsun nna, “Mare kata hta hpawng nga ai amyu masha ni hte dai hpe san da ai ni e, madat mu!

BU HKAWM 23:18

Shaloi Balam gaw ndai myihtoi ga hpe tsun shapraw dat wu ai: “Sa rit, Zipora a kasha Balak e, Ngai tsun na ga, madat la u.

TARA AGYI 3:19

Rai ti mung, Ehud shi nan chyawm gaw Gilgala makau na nlung tawk ai shara du ai shaloi, Eglon hpang de nhtang sa nhtawm, “Madu hkawhkam wa e, nang hpe lagyim tsun na ga lu nngai,” ngu nna tsun wu ai. Dai rai nna, hkawhkam wa gaw shi a shangun ma ni hpe, “Nanhte naw pru mat wa masit!,” ngu wu yang shanhte yawng pru mat wa ma ai.

TARA AGYI 3:21

Ehud mung shi a pai lata hte hkra maga de bang da ai nhtu shaw la nhtawm hkawhkam wa a kan galun baw ya wu ai.