TARA AGYI 3:19 - Jinghpaw Common Language Bible 2009

¹⁹ Rai ti mung, Ehud shi nan chyawm gaw Gilgala makau na nlung tawk ai shara du ai shaloi, Eglon hpang de nhtang sa nhtawm, “Madu hkawhkam wa e, nang hpe lagyim tsun na ga lu nngai,” ngu nna tsun wu ai. Dai rai nna, hkawhkam wa gaw shi a shangun ma ni hpe, “Nanhte naw pru mat wa masit!,” ngu wu yang shanhte yawng pru mat wa ma ai.

Jinghpaw Hanson Version Bible

¹⁹ Shi chyawm gaw Gilgala shara makau na nlung mahtan du jang, bai nhtang sa nhtawm, hkawhkam hpe, “Hkawhkam wa e, ngai nang hpe lagyim tsun na ga lu nngai,” ngu wu ai. Hkawhkam wa gaw, “Naw tsin u,” ngu wu yang, shi kaw tsap nga ai ni nlang pru mat wa ma ai.

TARA AGYI 3:19 ပူးပေါင်းရင်းမြစ်များ

NINGPAWT NINGHPANG 45:1

Yosep mung shi a hkam sha ai lam, shi a shangun ma ni a man e n sharang da lu nu ai rai nna, shanhte yawng hpe gawk kaw na pru mat wa na matu hkang dat wu ai. Yosep gaw shi a kahpu kanau ni hpe shi kadai rai nga ai lam tsun dan wu ai shaloi, masha kaga kadai mung shi kaw n nga ma ai.

2 SAMUELA 13:9

shi sha na matu ndi na ru htawk ya wu ti mung n sha hkraw nga ai. Shaloi shi gaw, “Masha shagu pru mat wa mu,” ngu nna tsun dat wu yang, shanhte yawng mung pru mat wa shajang ma ai.

SHAKAWN KUNGDAWN 78:58

Shanhte gaw maigan hpara ni a nawku ai shara ni hte shanhte a hpara sumla ni hte shi hpe sindawng kahtet shangun nga masai.

YAWSHU 4:20

Dai shara e nan, Yawdan hka na shaw la ai nlung shi lahkawng hpe mung Yawshu jung da wu ai.

TARA AGYI 3:18

Ehud gaw shi hpe kumhpaw kumhpa sak jaw ngut jang, kumhpaw kumhpa gun sa ai ni hpe nta de nhtang wa na lam shanhte hpe tsun wu ai.

TARA AGYI 3:20

Dai hpang hkawhkam wa shi chyu nga nga re ai ntsa htap na katsi pyaw ai gawk hta dung nga yang, Ehud gaw shi kaw sit sa nna, “Na a matu Karai Kasang kaw na ga ngai lu nngai,” ngu nna tsun wu ai. Shaloi hkawhkam wa rawt tsap wa wu yang,