TARA AGYI 3:16 - Jinghpaw Common Language Bible 2009

¹⁶ Ehud gaw shi a matu dawng mi galu nna nshan lahkawng maga dai ai nhtu galaw nhtawm, hkra maga na shi a hpun palawng kata hta bang da wu ai.

Jinghpaw Hanson Version Bible

¹⁶ Ehud gaw dawng mi galu nna, nshan lahkawng dai ai nhtu galaw nna, hkra magyi na labu kata e tsat tawn mu ai.

TARA AGYI 3:16 ပူးပေါင်းရင်းမြစ်များ

2 SAMUELA 20:8

Shanhte gaw Gibeon mare na lunghtawn kaba de du jang, Amasa sa tau la wu ai. Yoab chyawm gaw hpyen majan rawt na matu hpyen palawng sumraw la nna n-ga hta nhtu bang nhtawm dai hpe shingkyit hta noi da wu ai. Shing rai shawng de sit sa wa yang nhtu hkrat mat lu ai.

SHAKAWN KUNGDAWN 149:6

Masha amyu baw ni hpe awng dang kau na matu hte amyu masha ni hpe ari jaw na matu mung,

SHAKAWN KUNGDAWN 45:3

N-gun chyalai rawng ai hkawhkam wa e, na a nhtu hpye u; nang gaw hpung shingkang hte daru magam hpring nga ai wa rai nga ndai.

Shawlumon A Mahkawn Ga 3:8

Shanhte yawng gaw nhtu hta kungkyang ma ai; shanhte gaw majan htat ai shara de shawng majen je ai salang ni rai ma ai. Shanhte langai hte langai gaw tinang nhtu hpye let, shana e htim gasat na hpe hkap nga ma ai.

HEBRE 4:12

Hpa majaw nga yang, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ntawng nhtu hta mung grau dai nga ai. Dai gaw wenyi hte myit masin hpe mung, nra hkrihkraw hte laswi hpe mung, yawng dinghkren ginhka chye nna masha a kraw lawang kata na maw mawn ai lam ni hte myit mamyit hte hpe jeyang hparan ya nga ai.

SHINGRAN 1:16

Shi a lata hta shagan sanit lang da wu ai; shi a n-gup kaw na nshan lahkawng maga dai ai ntawng nhtu pru nga ai. Shi a myi man gaw htoi kang ai shani chyingtung na jan zawn tu ala nga ai.

SHINGRAN 2:12

“Pergamu mare na hpung a lamu kasa hpe ning ngu ka dat u: “Ndai gaw nshan lahkawng maga dai ai ntawng nhtu lang ai wa kaw na mungga rai nga ai.

TARA AGYI 3:15

Dai hpang Israela amyu masha ni dai Madu hpe hpyi jahtau ma ai rai nna shanhte hpe shalawt dat na masha shangun dat ya wu ai. Dai wa gaw Benyamin amyu bawsang hta na Gera a kasha, lata lapai ai Ehud rai nga ai. Shaloi Israela amyu masha ni mung Ehud hpe Moba Hkawhkam Eglon hpang de shi a matu kumhpaw kumhpa ni hte hpawn shangun dat mu ai.

TARA AGYI 3:17

Dai hpang grai hpum ai Eglon hpang de kumhpaw kumhpa ni la sa ya wu ai.

TARA AGYI 3:21

Ehud mung shi a pai lata hte hkra maga de bang da ai nhtu shaw la nhtawm hkawhkam wa a kan galun baw ya wu ai.