TARA AGYI 3:10 - Jinghpaw Common Language Bible 2009

¹⁰ Dai Madu a wenyi mung shi a ntsa e dung nga ai rai nna shi gaw Israela a ningbaw tai wa nga sai. Otniela majan rawt wu yang, dai Madu gaw Mesopotamia hkawhkam hpe gasat dang kau lu ai awng padang shi hpe jaw wu ai.

Jinghpaw Hanson Version Bible

¹⁰ Yehowa a Wenyi shi hta dung nga ai rai nna, shi gaw Israela masha ni hta tara dara ya nga ai: hpyen gasat mung shi woi awn nna, Yehowa gaw Mesopotami hkawhkam Hkushan-re-shahtim hpe shi a lata de ap kau wu ai: shi a lata hte dai hkawhkam hpe dang kau wu ai.

TARA AGYI 3:10 ပူးပေါင်းရင်းမြစ်များ

1 HKAWHKAM LABAU 12:18

Karai Kasang a wenyi gaw shanhte hta na langai mi rai nga ai Amasai hpe hkang shading nna “Marai sumshi” up hkang ai wa tai wa nga ai. Shi gaw, “Yese a kasha Dawi e, anhte gaw Na a maga de na ni rai nga ga ai! Nang hpe karum ai ni na a majaw awng dang ai lam lu la mu ga. Karai Kasang gaw na a maga de nga nga ai,” ngu nna tsun shapraw wu ai. Dawi gaw shanhte hpe hkalum la nhtawm shi a hpyen luksuk hta shanhte hpe du shatai da nga ai.

2 HKAWHKAM LABAU 15:1

Karai Kasang a wenyi gaw Oded a kasha Azaria a ntsa e yu sa ai rai nna,

2 HKAWHKAM LABAU 20:14

Dai Madu a wenyi gaw shawa hpawng hta lawm nga ai Lewi masha langai mi kaw du sa nga ai. Shi a mying gaw Zehkaria a kasha Yahaziela rai nga ai; shi gaw Asap amyu lakung na rai nna Matania, Yeiela hte Benaia amyu matu hku yu wa ai wa rai nga ai.

SHAKAWN KUNGDAWN 51:11

Na a myi man kaw nna ngai hpe hkum shaden kau et; na a chyoi pra ai wenyi ngai kaw na hkum dawm la kau ya e.

BU HKAWM 11:17

Dai yang e ngai yu sa nna nang hte ga shaka na we ai; nang hpe ngai jaw tawn da ai wenyi hta na nkau mi hpe ngai la nhtawm shanhte hpe jaw na we ai. Shanhte gaw ndai amyu masha ni hte seng ai lit nang hpe gun hpai karum lu na mara ai; nang chyu sha gun hpai nga lu na ndai n rai.

BU HKAWM 11:25

Dai Madu gaw sumwi hta yu hkrat wa nhtawm shi hpe ga shaga wu ai. Shi gaw Mawshe hpe jaw ya ai wenyi nkau mi hpe la nhtawm ningbaw sanit shi hte hpe jaw wu ai. Dai wenyi shanhte hta du jang, myihtoi ni zawn aten kadun mi hta marawn jahtau hpang wa ma ai.

BU HKAWM 11:29

Mawshe gaw, “Ngai hte seng ai amu hta myit hkan tsang nga n ni? Dai Madu gaw shi a amyu masha ni yawng hpe wenyi jaw ya nna myihtoi ni zawn shanhte yawng hpe marawn jahtau shangun na, ngai ra sharawng nga nngai!,” ngu nna htan wu ai.

BU HKAWM 24:2

Israela amyu masha ni amyu dap hku hkan nna but nga ma ai hpe mu wu ai. Karai Kasang a wenyi gaw shi hpe

BU HKAWM 27:18

Dai Madu gaw Mawshe hpe, “Atsam ningja hte hpring ai Nun a kasha Yawshu hpe woi la nna shi a baw ntsa hta na a lata mara u;

HEBRE 6:4

Hpa majaw nga yang, dai makam masham kaw na htak mat wa sai ni hpe myit malai kalang mi bai lu shangun na lam kaning rai mai byin na kun? Shanhte gaw Karai Kasang a nhtoi hta kalang mi nga yu sai rai nna sumsing na chyeju kumhpa hpe chyim yu sai hte dai Chyoi Pra ai Wenyi hpe jawm hkam la yu sai ni rai ma ai.

TARA AGYI 11:29

Shaloi dai Madu a wenyi gaw Yephta a ntsa e du nna Gilead hte Manashe mung hku ga lai mat wa nhtawm Gilead mung na Mizpa mare de nhtang wa let Amon mung de sa wa wu ai.

TARA AGYI 11:32

Dai rai nna Yephta mung Amon masha ni hpe gasat na matu hka rap sa wa wu ai. Madu mung shi hpe awng padang jaw ya wu ai.

TARA AGYI 13:25

Zoara hte Eshtola na Dan amyu dap hta shi nga nga yang, dai Madu a daru magam n-gun shi hpe jaw hpang wu ai.

TARA AGYI 14:19

Dai Madua daru magam n-gun gaw shi hpe akajawng sha n-gun shaja ya ai rai nna, shi gaw Ashkelon mare de yu wa nhtawm lasha sumshi hte hpe sat kau wu ai. Shanhte a mani tsawm ai hpun palawng ni hpe raw sharun la nhtawm gumwai ga htai lu ai lasha ni hpe jaw kau wu ai. Dai hpang byin lai wa sai lam a majaw masin kahtet ai hte nta de nhtang mat wa wu ai;

TARA AGYI 14:6

Dai Madu a daru magam n-gun gaw Samson hpe akajawng sha n-gun shaja dat ya ai rai nna bainam kasha langai hpe zawn shi a lata kaman hte dai hkanghkyi hpe gang je kau wu ai. Rai ti mung shi gaw shi hpa galaw kau nu ai lam shi a kanu yan kawa hpe n tsun dan wu ai.

TARA AGYI 15:14

Shi gaw Lehi mare de du ai shaloi, Hpilisti masha ni shi hpang de kagat sa wa nhtawm shi hpe jahtau ma ai. Dai Madu a daru magam n-gun gaw shi hpe akajawng sha n-gun shaja ya ai rai nna saman ri hkru mat ai zawn shi a lata lahpum ni hpe gyit gumbat da ai sumri ni hpe shadi kau wu ai.

TARA AGYI 3:11

Dai mung hta shaning mali shi ning tup ngwi pyaw sim sa nga ai, dai hpang Otniela si mat sai.

TARA AGYI 3:8

Dai Madu gaw Israela ni hpe pawt sindawng wu ai rai nna Mesopotamia Hkawhkam Hkushan Rishahtim a lata de shanhte hpe ap ya ma ai; Shi gaw shanhte hpe matsat ning tup up hkang lai wa nu ai.

TARA AGYI 6:34

Madu a wenyi chyawm gaw Gidon hpe hkang nga ai rai nna Abieza a lakung lama ni hta na masha ni shi a hpang hkan na matu shi pahtau dum let shaga dat wu ai.

1 SAMUELA 10:10

Shawlu hte shi a shangun ma shan gaw Gibea shara e du jang, myihtoi hpung mi hte shi hkrum wu ai. Shaloi Karai Kasang a wenyi gaw shi hpe up hkang let shi mung shanhte a kabu gara ka manawt ai hte jahtau garu ai hta shang lawm wu ai.

1 SAMUELA 10:6

Shaloi dai Madu a wenyi gaw akajawng sha nang hpe up hkang nna nawku htung hte seng ai ka manawt ai hte jahtau garu ai hta nang shang lawm nhtawm laklai ai masha tai wa na rin dai.

1 SAMUELA 11:6

Shawlu gaw dai shiga na ai shaloi, Karai Kasang a wenyi shi hpe up hkang nga ai rai nna shi masin ja ja kahtet nga ai.

1 SAMUELA 16:13

Samuela gaw tsanlun sau la nhtawm kahpu ni a man e Dawi hpe namman jaw ya wu ai. Dai shaloi jang, dai Madu a wenyi gaw Dawi hpe up hkang wu ai; dai shani kaw nna shi hte rau arai nga sai. Dai hpang Samuela mung Rama mare de nhtang mat wa wu ai.