TARA AGYI 21:5 - Jinghpaw Common Language Bible 2009

⁵ Shanhte gaw, “Mizpa hta dai Madu a man e n sa hpawng lawm ai Israela amyu bawsang ni yawng hta na kadai naw nga nga a ta?,” ngu nna san ma ai. (Mizpa de n sa ai wa kadai mung sat kau ai hkrum na rai wu ai, ngu nna ga shaka hte dagam kau manu ai.)

Jinghpaw Hanson Version Bible

⁵ Bai, Israela masha ni gaw, Israela amyu lakung yawng hta na, Mizpa e Yehowa a man de n sa ai wa gaw, gaja wa teng teng sat kau ai hkrum u ga nga nna ga kaba hte dagam kau manu ai majaw, Ya, Israela amyu yawng hta na Yehowa a shawa hpawng de n sa lawm ai kadai naw nga a ta? nga nna gawn ma ai.

TARA AGYI 21:5 ပူးပေါင်းရင်းမြစ်များ

YEREMIA 48:10

(Dai Madu a amu hpe myit masin mahkra hte n galaw ai wa hpe dagam kau u! Nhtu hte masha n sat hkraw ai wa gaw dagam dala hkrum u ga!)

TARA AGYI 21:1

Israela masha ni gaw Mizpa mare e zup hpawng nga ma yang, dai Madu hpe dagam ga sadi shaka tawn da ma ai: “Anhte a shayi sha langai mi hpe pyi Benyamin masha hte hkungran la shangun na ahkang kadai hpe mung n jaw na saga ai.”

TARA AGYI 21:18

rai ti mung anhte a shayi sha ni hta na langai ngai hte Benyamin masha hkungran na ahkang jaw ai kadai hta mung dagam dala hkrum u ga ngu nna anhte tsun kau saga ai majaw shanhte hpe anhte a shayi sha ni hte hkungran la lu na ahkang n jaw lu ga ai,” ngu nna tsun ma ai.

TARA AGYI 21:6

Israela amyu masha ni gaw shanhte a kanau Benyamin amyu matu mara ni a matu yawn hkyen ai hte hkam sha nga ma ai rai nna, “Dai ni Israela hta amyu bawsang langai mi mat mat sahka.

TARA AGYI 5:23

Dai Madu a lamu kasa gaw, “Meroza mare gaw dagam kau ai hkrum nu ga, dai yang e nga ai ni dagam dala, hkrum mu ga, Shanhte gaw shi a matu majan gasat na hpyenla ni hte rau dai Madu hpe n sa karum la ma ai,” ngu nna tsun ai.

1 SAMUELA 11:7

Shi gaw dumsu utang lahkawng hpe sat kahtum nhtawm kasa ni hpe dai shan tawng jahpai nna Israela mung ting de ndai shadum jahprang dat ai ga hte hpawn shangun dat wu ai. Shawlu, Samuela ni hte rau majan pa de n hkan sa ai ni kadai mung ndai dumsu utang yan hpe di kau ai zawn hkrup sha na rai nga ai!” Shaloi, Israela amyu masha ni gaw dai Madu kaning rai galaw wa na hpe hkrit ma ai rai nna, langai mi mung n hti ngam ai sha shanhte yawng rau sha pru sa wa ma ai.

1 SAMUELA 14:24

“Nye a gumlau hpyen ni hpe ngai matai garai n htang lu yang, dai ni na nhtoi hta lusha sha ai wa kadai mung dagam dala hkrum u ga,” ngu nna Shawlu dagam shaka nna hkang da nu ai majaw dai shani e Israela amyu masha ni kawsi hpang gara hkrum nna n-gun kya nga ma ai. Kadai mung dai shani tup hpa mung n lu n sha nga ma ai.