TARA AGYI 21:2 - Jinghpaw Common Language Bible 2009

² Dai rai nna ya Israela amyu masha ni gaw Behtela mare de sa nna Karai Kasang a man e shana de du hkra dung nga let nsen ja ja hte ahkup ahka nga hkra, sharung shayawt nhtawm,

Jinghpaw Hanson Version Bible

² Shaloi amyu masha ni gaw, Betela shara de sa du nna, Karai Kasang a man e shana de du hkra dung nga let, ja ja jahtau hkrap ma ai gaw,

TARA AGYI 21:2 ပူးပေါင်းရင်းမြစ်များ

NINGPAWT NINGHPANG 27:38

Rai ti mung, Esaw mahtang shi a kawa hpe, “Wa e, nang gaw shaman chyeju langai sha lu n ni? Wa e, ngai hpe mung shaman ya e!,” ngu nna jahtau hkrap let matut hpyi lajin wu ai.

YAWSHU 18:1

Shanhte gaw mungdan hpe gasat dang la ngut ai hpang, Israela shawa hpung ting Shilo mare e zup hpawng nna, dai Madu a hpung shingkang shanu nga ai Sum hpe sharawt ma ai.

TARA AGYI 2:4

Lamu kasa gaw dai lam tsun wu ai shaloi, Israela amyu masha ni yawng jahtau hkrap hpang wa ma ai;

TARA AGYI 20:18

Israela masha ni gaw Behtela mare na nawku ai shara de lung wa nhtawm, “Benyamin amyu masha ni hpe gara amyu bawsang mahtang shawng gasat ang na rai ga ta?,” ngu nna dai yang e Karai Kasang hpe san ma ai. Dai Madu gaw, “Yuda amyu bawsang ni shawng rai u ga,” ngu nna htan wu ai.

TARA AGYI 20:26

Dai hpang amyu masha ni yawng Behtela mare de lung wa nhtawm sharung shayawt nga ma ai. Shanhte gaw dai yang na dai Madu a man e dung nga let shana de du hkra n lu n sha rai ma ai. Shanhte gaw dai Madu a man e mahku hkungga ni hte hkum ting nat nawng ai shagu hkungga nkau mi nawng jau ma ai.

TARA AGYI 21:12

Yabesha mare hta nga ai masha ni hta hkawn jet mali tsa hpe shanhte mu tam ma ai rai nna Hkanan mung Shilo mare na dap de shanhte hpe woi wa ma ai.

TARA AGYI 21:3

“Madu Israela a Karai Kasang e, ndai zawn hpa majaw byin mat sani? Israela hta na Benyamin amyu bawsang gaw hpa lam a majaw htum mat na hkyen nga a ni?,” ngu nna tsun ma ai.

1 SAMUELA 11:4

Shaloi kasa ni gaw Shawlu nga ai Gibea mare de du nna dai shiga tsun dat mu yang, amyu masha ni myit htum mat ai hte hkrap shajang ma ai.

1 SAMUELA 30:4

Shaloi Dawi hte shi a masha ni gaw jahtau hkrap hpang wa ai hte shanhte grai ba kalawp mat hkra, ahkrap nga ma ai.