TARA AGYI 21:1 - Jinghpaw Common Language Bible 2009

¹ Israela masha ni gaw Mizpa mare e zup hpawng nga ma yang, dai Madu hpe dagam ga sadi shaka tawn da ma ai: “Anhte a shayi sha langai mi hpe pyi Benyamin masha hte hkungran la shangun na ahkang kadai hpe mung n jaw na saga ai.”

Jinghpaw Hanson Version Bible

¹ Ya Israela masha ni gaw, Kadai mung tinang shayi sha Ben-yamin amyu masha ni hpe n jaw ya sha sa na, nga nna Mizpa mare e dagam kau manu ai.

TARA AGYI 21:1 ပူးပေါင်းရင်းမြစ်များ

HPAJI NINGLI 5:2

Nang garai n shaga yang, shawng myit yu u. Karai Kasang hpe tin shapun ga sadi hkum jaw et. Shi gaw sumsing lamu e nga nga nna, nang mahtang ginding aga ntsa e nga nga ndai, dai re ai majaw nang shaga ang ai hta jan nna hkum shaga et.

YEREMIA 4:2

dai gaw nye a mying gang let dagam ai gaw, na a matu ding man ai amu tai na ra ai. Masha amyu baw ni yawng mung shanhte hpe shaman ya na matu ngai kaw hpyi na mara ai, shanhte gaw ngai hpe shakawn kungdawn na mara ai,” ngu nna tsun ai.

YEREMIA 40:6

Ngai gaw Mizpa mare hta nga ai Gedalia hpang de wa nna, dai mungdan hta naw ngam nga ai amyu masha ni hte rau nga nga nngai.

MARKU 6:23

Dai hta n-ga, “Nang ngai kaw hpyi mahpyi, nye a mungdan ka-ang hkup du hkra pyi ngai nang hpe jaw na de ai,” ngu nna law law dagam tsun wu ai.

KASA 23:12

Hpang jahpawt Yuda masha ni jawm hpawng nna, Pawlu hpe garai n sat lu dingsa gaw hpa mung n lu n sha na ga ai, ngu nna dagam shaka ma ai.

ROMA 10:2

Hpa majaw nga yang, shanhte gaw Karai Kasang hta grai myit maju jung ai ni rai nga ma ai hpe ngai sakse hkam nga lu nngai. Rai ti mung shanhte a myit maju jung ai lam gaw teng man ai machye machyang hte n rai nga ma lu ai.

TARA AGYI 20:1

Dingdung maga Dan mare kaw nna dingda maga Berasheba du hkra nga ai Israela amyu masha ni yawng hte, sinpraw hkran Gilead mung na ni mung saw shaga ai ga htan ya ma ai. Shanhte gaw Mizpa mare e hkum langai hku dai Madu a man e zup hpawng ma ai.

TARA AGYI 20:10

Israela masha ni gaw marai shi hta langai ngai hku hpyen gasat ai luksuk ni a matu lusha jarit htawk karum nna, kaga ni chyawm gaw Israela hta shanhte shut hpyit kau manu ai ndai zawn matsat shabat re ai arawn alai galaw shapraw ai Gibea masha ni hpe ari sa jaw na rai nga ai,” ngu nna tsun mu ai.

TARA AGYI 20:48

Israela masha ni gaw naw ngam nga ai Benyamin amyu matu ni hpang de nhtang kayin wa nhtawm numsha lasha, ma kaji hte yam nga yawng hte hpe mung sat kau ma ai. Shanhte gaw dai shara hkan nga ai mare shagu hpe nat kau ma ai.

TARA AGYI 20:8

Amyu masha ni yawng rau sha rawt tsap let, “Anhte kadai mung tinang sum, tinang nta de n wa saga.

TARA AGYI 21:18

rai ti mung anhte a shayi sha ni hta na langai ngai hte Benyamin masha hkungran na ahkang jaw ai kadai hta mung dagam dala hkrum u ga ngu nna anhte tsun kau saga ai majaw shanhte hpe anhte a shayi sha ni hte hkungran la lu na ahkang n jaw lu ga ai,” ngu nna tsun ma ai.

TARA AGYI 21:22

Shanhte a kawa shing n rai kahpu kanau ni anhte hpe sa jawat ai shaloi, ‘Anhte a madu jan ni shatai na matu majan ginra kaw na shanhte hpe anhte n woi la na ga ai majaw chyeju hte shanhte a matu myit shakawp ya na ga ai. Anhte hpe nanhte n jaw ya myit dai majaw nanhte gaw nanhte a ga sadi hpe jahten kau ai mara lu nga myit dai n rai,’” ngu nna nanhte tsun lu na rai myit dai.

TARA AGYI 21:5

Shanhte gaw, “Mizpa hta dai Madu a man e n sa hpawng lawm ai Israela amyu bawsang ni yawng hta na kadai naw nga nga a ta?,” ngu nna san ma ai. (Mizpa de n sa ai wa kadai mung sat kau ai hkrum na rai wu ai, ngu nna ga shaka hte dagam kau manu ai.)

TARA AGYI 21:7

Naw ngam nga ai Benyamin lasha ni a matu madu jan tai ya na ni hpe anhte kaning rai jaw ya lu na rai nga ga ta? Anhte a shayi sha ni kadai hpe mung shanhte hpe n ya sha na lam mung, dai Madu hta anhte dagam let ga sadi tawn kau saga ai,” ngu nna tsun ma ai.

1 SAMUELA 14:24

“Nye a gumlau hpyen ni hpe ngai matai garai n htang lu yang, dai ni na nhtoi hta lusha sha ai wa kadai mung dagam dala hkrum u ga,” ngu nna Shawlu dagam shaka nna hkang da nu ai majaw dai shani e Israela amyu masha ni kawsi hpang gara hkrum nna n-gun kya nga ma ai. Kadai mung dai shani tup hpa mung n lu n sha nga ma ai.