TARA AGYI 20:42 - Jinghpaw Common Language Bible 2009

⁴² Shanhte mung Israela masha ni kaw na htingnut mat wa nhtawm nam mali de kagat hprawng mat wa ma ai; rai ti mung shanhte hprawng lawt lu nga ma ai n rai. Shanhte gaw dap dung luksuk hte ya mare kata na pru wa ai masha ni a lapran e matep rim hkrum ma ai rai nna shamyit jahten kau ai hkrum nga ma ai.

Jinghpaw Hanson Version Bible

⁴² Israela masha ni a man na nam mali de hprawng ma ai: rai timung, hkan shachyut ai ni dep lu ai hte mare kahtawng hkan na ni mung shanhte hpe hkap sat ma ai.

TARA AGYI 20:42 ပူးပေါင်းရင်းမြစ်များ

SHARUNG SHAYAWT 1:3

Yuda amyu masha ni gaw matsan mayan hkrum ai mayam ni rai nna, nta kaw na maja e gawt shapraw kau hkrum ma ai, Shanhte gaw shanhte a lamu ga ngu nna tsun na shara hpa mung n nga ai, Gumlau hpyen ni wang da hkrum nna hprawng lawt lam n nga ai tsasam mungdan ni hkan nga nga ma ai.

HOSEA 10:9

Dai Madu gaw, “Israela amyu masha ni gaw Gibea mare hta shanhte yubak galaw shut ai aten kaw nna, ngai hpe shut hpyit ai lam n jahkring da ma ai. Gibea mare hta byin ai majan gaw shanhte hpe hkan dep nang na ra ai.

HOSEA 9:9

Shanhte gaw Gibea mare e naw nga nga yang na zawn, shanhte galaw ai amu hta myit mada shara n nga mat hkra, shanhte n hkru n kaja nga ma ai. Karai Kasang gaw shanhte a yubak hpe dum nga ai rai nna, de a matu shanhte hpe ari jaw na ra ai.

YAWSHU 8:15

Yawshu hte shi a masha ni mahtang htingnut wa masu let prang yang de hprawng mat wa ma ai.

YAWSHU 8:24

Israela amyu masha ni gaw shanhte hpe prang yang hkan hkan shachyut ai gumlau hpyen shagu hpe sat kau ma ai. Shanhte Ai mare de bai nhtang gasat nna dai yang na masha shagu hte hpe sat kau ma ai.