TARA AGYI 20:29 - Jinghpaw Common Language Bible 2009

²⁹ Dai rai nna Israela masha ni gaw Gibea mare grup yin hkan e hpyenla nkau mi hpe lagyim up da nga ma ai.

Jinghpaw Hanson Version Bible

²⁹ Ya Israela amyu masha ni Gibea mare grup yin e hpyen lagyim up da manu ai.

TARA AGYI 20:29 ပူးပေါင်းရင်းမြစ်များ

2 SAMUELA 5:23

Dawi gaw kalang mi bai dai Madu hpe san yu wu yang, “Ndai yang kaw nna shanhte hpe hkum gasat; rai ti mung shinggrup da nhtawm balsam hpun ni tu nga ai makau htep kaga maga hku nna shanhte hpe htim gasat na shajin da u.

YAWSHU 8:2

Yerihko mare hte de a hkawhkam hpe nang shagrawt kau ndai zawn Ai mare hte de a hkawhkam hpe mung shagrawt kau lu na rai ndai; rai ti mung ndai lang chyawm gaw dai mare na arung arai hte yam nga ni, nanhte a matu madu la mai na rai myit dai. Dai rai nna mare shingdu hku akajawng sha htim gasat la na hkyen tawn u,” ngu nna tsun wu ai.

YAWSHU 8:4

“Dai mare a maga mi de sa gawp nga na rai myit dai, rai ti mung mare hte nau wa hkum tsan myit, htim gasat na jin jin rai nga mu.

TARA AGYI 20:30

Dai hpang masum ya ngu na shani e, Israela masha ni gaw Benyamin a hpyen luksuk hpang de rawt lung wa nhtawm shawng e shanhte galaw yu manu ai zawn Gibea mare de man yawng ai shara e shanhte a hpyenla ni hpe jahkrat tawn da ma ai.

TARA AGYI 20:34

Israela masha ni yawng hta na laksan lata shaw la ai hpyenla mun mi hte Gibea mare hpe htim gasat nga ai rai nna dai gasat gala ai gaw laja lana rai nga ai. Benyamin amyu matu ni mahtang shamyit kau ai hkrum na hpe n chye nga ma ai.