TARA AGYI 20:10 - Jinghpaw Common Language Bible 2009

¹⁰ Israela masha ni gaw marai shi hta langai ngai hku hpyen gasat ai luksuk ni a matu lusha jarit htawk karum nna, kaga ni chyawm gaw Israela hta shanhte shut hpyit kau manu ai ndai zawn matsat shabat re ai arawn alai galaw shapraw ai Gibea masha ni hpe ari sa jaw na rai nga ai,” ngu nna tsun mu ai.

Jinghpaw Hanson Version Bible

¹⁰ Ben-yamin ga Gibea masha ni Israela amyu hta di ai n shawp ai amu hte maren, masha mahkra dai de sa nna, matai htang lu hkra, dai ni hpe sa jarit sa jaw na matu, Israela amyu shagu hta na masha latsa hta na marai shi, hkying mi hta na latsa, mun mi hta na hkying mi lata san da na rai ga ai.

TARA AGYI 20:10 ပူးပေါင်းရင်းမြစ်များ

JAW JAU 18:24

Nanhte a shawng e dai Madu gawt kau nna nanhte shang shanu nga lu ai ndai mung hta shanu nga yu masai tara maigan masha ni gaw shing re ai lam ni a majaw matsat shabat di kau mu ai zawn nanhte a hkum ni hpe matsat shabat re ai arawn alai hte awu asin hkum di kau nga myit.

TARA JAHPRANG 22:21

numsha dai hpe kawa a nta chyinghka de woi wa nna dai mare na lasha nlang shi hpe nlung hte kabai sat kau na rai ma ai. Shi gaw num garai n wa ai sha, kawa a nta e naw nga ai aten kaw nna anhte a amyu masha ni hte kanawn let, kaya kahpa amu galaw shapraw nu ai. Ndai hku nna dai n shawp n kap ai amu hpe nanhte yeng seng kau lu na rai myit dai.

YAWSHU 7:15

Dai hpang lata shaw la hkrum ai wa hpe majai kau sai arai hte hpawn mu hkrup ai wa gaw nye a ga shaka hpe run kau nhtawm Israela hpe hkrit kaya ai baw amu woi jahkrum nu ai majaw shi mung, shi a dinghku mung, shi madu da ai arai shagu hte hpe mung nat kau na rai myit dai,” ngu nna tsun wu ai.

TARA AGYI 20:11

Dai rai nna Israela masha ni yawng gaw mare hpe htim gasat na matu yaw shada ai lam langai sha hte jawm zup hpawng nga ma ai.

TARA AGYI 20:6

Ngai gaw shi a si mang hpe la nhtawm dai hpe kahtam daw nna Israela amyu bawsang shi lahkawng hpang de langai hpra hpra shagun dat ya nngai. Dai masha ni gaw ndai n hkru n shawp nna matsat shabat re ai amu anhte hta shut hpyit kau manu ai.

TARA AGYI 20:9

Da ndai gaw anhte kaning rai galaw sa wa na lam rai nga mali ai; hpaida da nna Gibea hpe gasat na masha nkau mi hpe lata la ga.

TARA AGYI 21:1

Israela masha ni gaw Mizpa mare e zup hpawng nga ma yang, dai Madu hpe dagam ga sadi shaka tawn da ma ai: “Anhte a shayi sha langai mi hpe pyi Benyamin masha hte hkungran la shangun na ahkang kadai hpe mung n jaw na saga ai.”