TARA AGYI 20:1 - Jinghpaw Common Language Bible 2009

¹ Dingdung maga Dan mare kaw nna dingda maga Berasheba du hkra nga ai Israela amyu masha ni yawng hte, sinpraw hkran Gilead mung na ni mung saw shaga ai ga htan ya ma ai. Shanhte gaw Mizpa mare e hkum langai hku dai Madu a man e zup hpawng ma ai.

Jinghpaw Hanson Version Bible

¹ Dai re ai majaw, Israela amyu masha ni nlang hte gaw, Gilead mung na ni hte rau lang lata rawt nna, Dan mare kaw nna Berasheba du hkra shawa masha nlang langai hkum sha zawn Mizpa mare e Yehowa man e zuphpawng nga ma ai.

TARA AGYI 20:1 ပူးပေါင်းရင်းမြစ်များ

2 SAMUELA 19:14

Dawi htet dat ai ga ni gaw Yuda masha ni yawng a sadi dung ai lam, shi hpang de tsep kawp myit kayin la lu wu ai rai nna shanhte mung shi a du salang ni yawng hte rau nhtang wa na matu, shi hpang de shangun dat ma ai.

2 SAMUELA 2:9

Abna gaw Ishboshet hpe Gilead mung, Ashera mung, Yezrela mung ga, Ehprim a lamu ga, Benyamin a lamu ga hte Israela mung ting a hkawhkam shatai ya wu ai.

2 SAMUELA 24:2

Dai re ai majaw Dawi gaw shi a hpyen luksuk hpe up hkang ai Yoab hpe ning ngu hkang dat wu ai: “Na a du salang ni hte rau mungdan a jahtum jut shara mi kaw nna kaga shara mi de du hkra nga ai Israela amyu bawsang ni yawng hpang de sa wa nhtawm amyu masha ni hpe hti yu su. Dai hkan e gade wa law nga ma ai hpe ngai chye mayu nngai.”

1 HKAWHKAM 5:5

Dai Madu gaw nye a kawa Dawi hpe, “Na a hpang ngai hkawhkam dang da na nsha mahtang nye a matu ngu na Nawku Htingnu langai gap da na ra ai,’ ngu nna ga sadi jaw da nga ai. Dai rai nna dai Madu nye a Karai Kasang hpe nawku na matu Htingnu gaw gap na, ya ngai myit daw dan da ni ai.

2 HKAWHKAM 25:23

Yuda du salang ni hte asum garai n jaw ai hpyenla ni gaw dai shiga hpe na ai shaloi, shanhte gaw Mizpa mare e nga ai Gedalia hpang de sa zup ma ai. Dai du salang ni gaw Nehtania a kasha Ishmaela, Karea a kasha Yohanan, Netohpa mare na Tanhumet a kasha Seraia hte Mahka mare na Yezania hte rai ma ai.

1 HKAWHKAM LABAU 21:2

Dawi gaw Yoab hte kaga du salang ni hpe, “Mungdan a jahtum jut shara mi kaw nna kaga shara mi de du hkra nga ai amyu masha ni hpang de sa nhtawm amyu masha ni hpe hti yu su. Dai hkan e gade wa law nga ma ai hpe ngai chye mayu nngai,” ngu nna hkang dat wu ai.

2 HKAWHKAM LABAU 30:5

shanhte gaw dingdung maga Dan mare kaw nna dingda maga Berasheba du hkra nga ai Israela masha ni yawng Yerusalem mare de sa zup nna shawng de na hta grau law ai masha wunawng wuwa gaw Tara hte maren, Shalai Wa Ai Poi galaw na matu saw shaga dat ma ai.

EZRA 3:1

Israela amyu masha ni gaw shata sanit hta shanhte a kahtawng ni hkan yawng nga nga ma ai. Dai hpang shanhte yawng Yerusalem hta zup hpawng nga ma ai.

NEHEMIA 11:27

Hazarashuala, Berasheba hte dai mare ni a makau kahtawng ni hkan mung nga nga ma ai.

NEHEMIA 8:1

Shata sanit ngu na hta, Israela amyu masha ni yawng shanhte a mare ni hkan nga nga ma ai. Dai shata a shawng shani e, shanhte yawng gaw Yerusalem mare na Hka Chyinghka kata maga de na dam lada shara hta sa hpawng nga ma ai. Shanhte gaw dai Madu gaw Israela hpe Mawshe a lata hku jaw da sai Tara Laika buk hpe Tara sara ninghkrin hkinjawng Ezra kaw hpyi ma ai.

YEREMIA 40:6

Ngai gaw Mizpa mare hta nga ai Gedalia hpang de wa nna, dai mungdan hta naw ngam nga ai amyu masha ni hte rau nga nga nngai.

BU HKAWM 32:1

Rubin hte Gad yan a amyu bawsang ni yam nga hpung law law lu ma ai. Dai rai nna Yazera mung hte Gilead mung hta yam nga a matu udat shara kade wa kaja nga ai hpe shanhte mu ma yang,

BU HKAWM 32:40

Mawshe mung Mahkira a lakung lama ni hpe Gilead mung jaw wu ai rai nna dai yang e, shanhte nga nga ma ai.

YAWSHU 15:38

Dilean, Mizpa, Yokhtela,

YAWSHU 17:1

Yosep a kasha alat Manashe a amyu matu hta na lakung lama nkau mi hpe masat ya ai lamu ga sali gaw Yawdan hka a sinna maga nga ai lamu ga chyen mi rai nga ai. Manashe a kasha alat Gilead a kawa Mahkira chyawm gaw hpyen amu hta share shagan lu ai wa rai nna, Yawdan hka a sinpraw maga de na Gilead hte Bashan shi hpe masat ya ma ai.

YAWSHU 18:26

Mizpa, Hkehpira, Moza,

YAWSHU 22:12

Israela amyu masha ni dai lam hpe na ma ai shaloi, sinpraw hkran na amyu bawsang ni hpe sa gasat na nga shawa hpung ting Shilo mare de sa hpawng nga ma ai.

YAWSHU 22:9

dai rai nna, Rubin, Gad hte sinpraw hkran na Manashe amyu bawsang ni dum nta de nhtang wa na nga, Hkanan mung Shilo mare e naw nga ai Israela amyu masha ni kaw na shanhte a mung ga ngu na Gilead mung de dai Madu Mawshe hpe hkang da nu ai hte maren pru mat wa ma ai.

YAWSHU 4:13

Majan gasat na matu dai Madu a man e jin jin rai nga ai gaw mun mali dang rai nna, Yerihko mare makau na pa de rap sa wa ma ai.

TARA AGYI 10:17

Dai hpang Amon hpyen luksuk gaw majan a matu ra ai amu ni hpe shajin shachyip da nhtawm Gilead mung e dap jung nga ma ai. Israela masha ni mung sa hpawng nna Gilead mung Mizpa e dap jung da ma ai.

TARA AGYI 11:11

Yephta mung Gilead ningbaw ni hte rau wa wu ai; mung masha ni mung shi hpe shanhte a du hte ningbaw tai shangun ma ai. Yephta mung shi a lam nlang Mizpa shara, dai Madu a man e tsun dan wu ai.

TARA AGYI 11:34

Yephta gaw shi a dum nta nga ai Mizpa mare de nhtang wa wu yang, dai yang e shi a shayi sha shup sheng dum let ka manawt nhtawm shi hpe hkap tau la na nga, pru sa wa nga ai. Dai numsha gaw shayi sha shingtai rai nga ai.

TARA AGYI 18:29

Laisha mare dai hpe shanhte a kaji daju Yaku a kasha Dan a mying hkan nna Dan ngu nna shanhte galai shamying da ma ai.

TARA AGYI 20:11

Dai rai nna Israela masha ni yawng gaw mare hpe htim gasat na matu yaw shada ai lam langai sha hte jawm zup hpawng nga ma ai.

TARA AGYI 20:18

Israela masha ni gaw Behtela mare na nawku ai shara de lung wa nhtawm, “Benyamin amyu masha ni hpe gara amyu bawsang mahtang shawng gasat ang na rai ga ta?,” ngu nna dai yang e Karai Kasang hpe san ma ai. Dai Madu gaw, “Yuda amyu bawsang ni shawng rai u ga,” ngu nna htan wu ai.

TARA AGYI 20:2

Israela amyu bawsang ni yawng a ningbaw ni gaw Karai Kasang a masha ni hte rau hpawng nga ma ai rai nna lagaw dap hta shang lawm ai hpyenla hkrai 400,000 rai nga ai.

TARA AGYI 20:26

Dai hpang amyu masha ni yawng Behtela mare de lung wa nhtawm sharung shayawt nga ma ai. Shanhte gaw dai yang na dai Madu a man e dung nga let shana de du hkra n lu n sha rai ma ai. Shanhte gaw dai Madu a man e mahku hkungga ni hte hkum ting nat nawng ai shagu hkungga nkau mi nawng jau ma ai.

TARA AGYI 20:8

Amyu masha ni yawng rau sha rawt tsap let, “Anhte kadai mung tinang sum, tinang nta de n wa saga.

TARA AGYI 21:5

Shanhte gaw, “Mizpa hta dai Madu a man e n sa hpawng lawm ai Israela amyu bawsang ni yawng hta na kadai naw nga nga a ta?,” ngu nna san ma ai. (Mizpa de n sa ai wa kadai mung sat kau ai hkrum na rai wu ai, ngu nna ga shaka hte dagam kau manu ai.)

1 SAMUELA 10:17

Samuela gaw Mizpa shara e nawku htung hte seng ai zup hpawng a matu amyu masha ni hpe shaga shinggyin da wu ai;

1 SAMUELA 3:20

Dai rai nna, Samuela gaw teng teng dai Madu a myihtoi rai nga ai hpe mungdan a jahtum shara mi kaw nna kaga shara mi de du hkra nga nga ai Israela amyu masha ni yawng chye ma ai.