TARA AGYI 2:7 - Jinghpaw Common Language Bible 2009

⁷ Israela amyu masha ni gaw dai Madu hpe Yawshu a prat tup hta nawku daw jau ma ai; shi n nga mat wa ai hpang e mung Israela a matu dai Madu galaw dan nu ai galu kaba ai amu ni yawng hpe mu dep dat ai ningbaw ni a prat hta mung dai Madu hpe matut nna nawku daw jau ma ai.

Jinghpaw Hanson Version Bible

⁷ Yawshu a prat tup hta mung, Israela masha ni a matu Yehowa galaw ai lam kaba yawng hpe mu mada nna, Yawshu a hpang e shi hpe mu dep ai salang ni a prat tup hta mung, amyu masha ni Yehowa hpe jaw jau ma ai.

TARA AGYI 2:7 ပူးပေါင်းရင်းမြစ်များ

2 HKAWHKAM 12:2

Hkinjawng Yehoiada shi hpe matsun madun la ai a majaw shi a asak hkrun lam tup hta dai Madu awng sharawng ai hku galaw nga ai.

2 HKAWHKAM LABAU 24:2

Hkinjawng Yehoiada hkrung nga dingsa dai Madu awng sharawng ai hku shi galaw nga ai.

HPILIPI 2:12

Dai re ai majaw ngai tsaw ra nga ai ni e nanhte hte ngai rau nga ai aten hta nanhte galoi mung nye a ga hpe madat mara myit dai zawn ya mung nanhte hte tsan gang nga ai ten hta nye a ga madat mara na gaw grau nna pyi ra ahkyak nga ai. Dai rai nna nanhte gaw hkye hkrang la ai lam hpe hpring tsup hkra lu la mu ga hkrit gari ai hte shachyen shatsup nga mu.

YAWSHU 24:31

Yawshu ahkrung nga dingsa Israela amyu masha ni mung dai Madu hpe nawku daw jau ma ai; shi n nga mat wa ai hpang e mung, dai Madu gaw Israela a matu galaw dan nu ai lam magup hpe ningbaw ni ahkrung nga dingsa shanhte hkum nan matut galaw nga ma ai.

TARA AGYI 2:17

Rai ti mung Israela masha ni gaw shanhte a ningbaw ni a ga hpe n madat hkraw nga ma ai. Israela gaw dai Madu hta sadi sahka myit n rawng nga manu ai majaw kaga hpara ni hpe nawku ma ai. Dai Madu a hkang da ai ga ni hpe shanhte a kawa ni madat mara hkan sa nga ma ti mung, ndai ban prat nnan amyu masha ni mahtang n hkan n sa mat ma ai.

TARA AGYI 2:6

Yawshu gaw Israela amyu masha ni hpe dat dat wu yang, langai hte langai gaw tinang lu la ang ai sali ga hpe madu la na nga, lam ang ai hku pru sa wa ma ai.

TARA AGYI 2:8

Nun a kasha dai Madu a shangun kasa Yawshu gaw asak latsa e shi ning hta si mat wa sai.