TARA AGYI 2:3 - Jinghpaw Common Language Bible 2009

³ Dai rai nna nanhte rawt lung wa myit yang, dai masha amyu ni hpe ngai n gawt shapraw kau ya sana, ngu ya nanhte hpe ngai tsun made ai. Shing rai shanhte gaw nanhte a gumlau hpyen tai nhtawm, shanhte a hpara ni hpe nawku wa hkra mahkam hkam hkrum na rai myit dai,” ngu nna tsun wu ai.

Jinghpaw Hanson Version Bible

³ Dai rai nna, ngai tsun made ga, ndai mung na masha ni hpe, ngai nanhte kaw na shachyut kau ya sa na n rai; shanhte gaw nanhte a garep hta aju, shanhte a Hpara ni mung nanhte a mahkam tai na mara ai” ngu nna tsun wu ai.

TARA AGYI 2:3 ပူးပေါင်းရင်းမြစ်များ

SHAKAWN KUNGDAWN 106:36

Karai Kasang a amyu masha ni gaw hpara sumla ni hpe nawku daw jau mu ai, dai gaw shanhte byak ai lam hpe shabyin ya nga sai.

PRU MAT 23:33

Na a mung hta dai masha amyu ni hpe nga shangun lu na n rai; nang nga shangun ai rai yang, ngai hte nhtan shai ai yubak shanhte nang hpe galaw shangun na mara ai. Shanhte a hpara ni hpe nang nawku ai rai yang, dai gaw na a matu si shangun lu ai mahkam tai na ra ai,” ngu nna tsun wu ai.

PRU MAT 34:12

Nang sa du na mung na masha ni hte jinghku ga shaka hpa mung hkum tawn et; hpa majaw nga yang, dai gaw na a matu si shangun lu ai mahkam tai na ra ai.

BU HKAWM 33:55

Rai ti mung dai mung hta nga ai masha ni hpe nanhte n gawt shapraw kau ai rai yang, naw ngam nga ai ni mahtang nanhte a myi ni hta maza mala zawn, nanhte a garep ni hta ju shingna zawn sharu shatsang ai hte nhtang gasat na mara ai.

TARA JAHPRANG 7:16

Dai Madu nanhte a Karai Kasang nanhte a lata hta ap ya ai masha, amyu baw shagu hpe shamyit kau lu na rai myit dai. Shanhte hpe matsan yu dum ai myit loi mi mung madun dan lu na myit dai n rai. Shanhte a karai ni hpe hkum nawku myit, dai gaw si ging ai amu rai nga ai.

YAWSHU 23:13

nanhte rawt lung wa myit ti mung, dai Madu nanhte a Karai Kasang gaw dai masha amyu baw ni hpe teng teng shaden kau na wu ai n rai nga ai hpe nanhte chye da mu. Shanhte gaw nanhte a matu mahkam dawnggawng, nsung hku, shingma kayat ai shingna hte myi hta rawng ai aju ni zawn ram ram hkrit hpa shara tai na mara ai. Dai sha n-ga, dai Madu nanhte a Karai Kasang nanhte hpe jaw manit dai ndai mai kaja ai mungdan hta nanhte langai mi mung n nga mat wa ai aten du hkra ndai amu hpe shabyin na ra ai.

TARA AGYI 2:21

Shanhte gaw nye a ga n madat ai hte n hkan n sa nga manu ai majaw, Yawshu si mat ai shaloi mungdan e naw ngam nga ai masha amyu baw kadai hpe mung ngai loi mi mung n gawt shapraw na ni ai.

TARA AGYI 2:4

Lamu kasa gaw dai lam tsun wu ai shaloi, Israela amyu masha ni yawng jahtau hkrap hpang wa ma ai;

TARA AGYI 3:6

Shanhte gaw dai ni hte num jaw num ya hkat ai hte dinghku rawn sha nhtawm, dai ni a hpara ni hpe nawku nga ma ai.

TARA AGYI 8:27

Gidon gaw aja arai hte hpara sumla galaw nhtawm shi a daidaw bu ga Ohpra mare e dai hpe tawn da wu ai. Israela masha ni gaw Karai Kasang hpe kau da nhtawm dai yang na hpara sumla hpe sa nawku ma ai. Dai gaw Gidon hte shi a dinghku masha ni a matu mahkam tai nga malu ai.