TARA AGYI 2:2 - Jinghpaw Common Language Bible 2009

² Nanhte mung ndai mung e nga ai masha amyu ni hte ga shaka hpa mung tawn da lu na myit dai n rai. Nanhte gaw shanhte a tawn hkungri ni hpe hpya kadawng kau ya na rai myit dai,’ ngu nna tsun wu ai. Rai ti mung nanhte gaw ngai tsun matsun ai hku n galaw nga myit dai. Nanhte mahtang nhtan shai ai hku sha agalaw nga myit dai!

Jinghpaw Hanson Version Bible

² nanhte mung, ndai mung na masha ni hte ga shaka tawn da lu na n rai; shanhte a tawn hkungri ni hpe nanhte hpya kadawng kau ya na rai myit dai, ngu nna ngai tsun masade ai. Rai timung, nanhte nye a ga n madat myit dai; hpa majaw shing rai galaw myit ta?

TARA AGYI 2:2 ပူးပေါင်းရင်းမြစ်များ

NINGPAWT NINGHPANG 12:18

Dai hpang hkawhkam wa gaw Abram hpe shaga la nna, “Nang ngai hpe hpa galaw kau nit ni? Ndai numsha na a madu jan rai nga ai gaw nang ngai hpe hpa majaw n tsun dan n ni?

NINGPAWT NINGHPANG 4:10

Dai hpang dai Madu gaw, “Nang hpa rai ndai hkrit hpa amu hpe galaw kau nu ni? Na a kanau a asai gaw matai htang ya na matu shaga ai nsen zawn aga kaw nna ngai hpang de jahtau nga ai.

PRU MAT 32:21

Shi gaw Arun hpe, “Nang shanhte hpe ndai daram hkrit tsang ra ai yubak galaw shapraw shangun na gaw, dai amyu masha ni nang hpe kaning di kau ma ta?,” ngu nna san wu ai.

YEREMIA 2:18

Nang gaw Nila hka lu na matu Egutu mung de sa ai gaw hpa baw akyu lu la na re ngu, myit nawn da wu ni? Uhprat hka lu lu na matu Asuri mung de sa ai gaw hpa baw akyu lu la na re ngu, myit nawn da wu ni?

YEREMIA 2:36

Nang gaw kaga masha amyu baw ni a karai ni hpang de kayin mat wa ai hku nna na a hkum hpe manu shayawm kau nga ndai. Nang gaw Asuri a majaw myit daw mat ai zawn Egutu a majaw myit daw mat ai hkrum na rai ndai.

YEREMIA 2:5

Dai Madu gaw ning nga tsun ai: “Na a nji nwa ni gaw kaning re ai mara hte ngai hpe mara shagun ma ta? Hpa lam a majaw shanhte hpe ngai kaw na kayin kau shangun nga a ta? Shanhte gaw akyu n jaw ai hpara sumla ni hpe nawku nna shanhte nan manu n dan ai ni tai wa masai.

TARA JAHPRANG 7:16

Dai Madu nanhte a Karai Kasang nanhte a lata hta ap ya ai masha, amyu baw shagu hpe shamyit kau lu na rai myit dai. Shanhte hpe matsan yu dum ai myit loi mi mung madun dan lu na myit dai n rai. Shanhte a karai ni hpe hkum nawku myit, dai gaw si ging ai amu rai nga ai.

YAWSHU 9:7

Rai ti mung Israela amyu masha ni mahtang, “Nanhte hte anhte hpa lam ni a majaw ga shaka tawn da na rai nga ga ni? Nanhte ndai ani sha hkan nga sam ang nga myit dai,” ngu nna tsun mu ai.

1 PETRU 4:17

Tara jeyang hpang na aten du ra ai rai nna Karai Kasang a nta masha ni hpe shawng jeyang daw dan ai hkrum na mara ai. Lama rai nna anhte dai tara jeyang daw dan ai hpe shawng hkrum ga yang gaw Karai Kasang a kabu gara shiga hpe n kam n sham ai ni a jahtum ai gaw kaning rai na rai ai kun?

TARA AGYI 2:20

Shaloi dai Madu gaw Israela hpe pawt sindawng nna, “Ndai amyu masha ni gaw shanhte a kaji kawa ni hkan shatup na, ngai hkang da ai ga shaka hpe jahten sharun kau manu ai.

TARA AGYI 6:10

Ngai gaw dai Madu nanhte a Karai Kasang rai nga nngai; ya nanhte nga nga ai mungdan hta Amori masha ni a hpara ni hpe nanhte nawku lu na myit dai n rai; rai ti mung nanhte gaw nye a ga n madat nga myit dai ngu ngai nanhte hpe tsun ni ai.”

TARA AGYI 6:8

Dai Madu Israela a Karai Kasang gaw shanhte hpang de ndai mungga ning ngu tsun na matu myihtoi langai shangun dat wu ai: “Ngai gaw nanhte hpe Egutu mung e mayam tai nga myit dai kaw nna woi wa ma sade ai.

TARA AGYI 8:27

Gidon gaw aja arai hte hpara sumla galaw nhtawm shi a daidaw bu ga Ohpra mare e dai hpe tawn da wu ai. Israela masha ni gaw Karai Kasang hpe kau da nhtawm dai yang na hpara sumla hpe sa nawku ma ai. Dai gaw Gidon hte shi a dinghku masha ni a matu mahkam tai nga malu ai.