TARA AGYI 2:19 - Jinghpaw Common Language Bible 2009

¹⁹ Rai ti mung dai ningbaw wa si mat jang, dai amyu masha ni mi na lam dingsa de bai hkan mat wa nhtawm lai sai ban masha ni galaw ai amu hta grau sawng ai hku hkan galaw ma ai. Shanhte gaw hpara shaje ni hpe nawku nhtawm shanhte hta nan rawng nga ai n hkru n shawp lam ni hpe du ja ai hte matut galaw nga ma ai.

Jinghpaw Hanson Version Bible

¹⁹ Bai, tara agyi wa si mat ai hpang rai jang, shanhte bai yit nna, kaji kawa ni hta grau n shawp ai hku galaw let, Hpara shaje ni hpang de hkan mat wa nna, dai ni hpe jaw jau ai hte nawku dagup ma ai: tinang a n shawp ai arawn alai hte tinang a myit ja ai lam hpe kau hkraw ma ai n rai.

TARA AGYI 2:19 ပူးပေါင်းရင်းမြစ်များ

NINGPAWT NINGHPANG 6:11

Rai ti mung shinggyim masha shagu gaw Karai Kasang a man e n hkru nga ma ai hte kashun kashe du daw sai hkaw amu gaw shara shagu hkan chyam bra nga ai.

NEHEMIA 9:28

Ngwi pyaw sim sa lam bai lu la ai shaloi, shanhte yubak bai galaw ma ai, nang gaw shanhte a gumlau hpyen ni hpe bai awng dang shangun nga ndai. Ti mung shanhte myit malai nna shanhte hpe hkye hkrang la na matu nang kaw hpyi shaga ai shaloi, sumsing lamu hta nang na ya nna, ten mi hte ten mi na a galu kaba ai matsan dum myit hte shanhte hpe hkye mawai la nga ndai.

SHAKAWN KUNGDAWN 78:8

Shanhte gaw gumlau ai ni hte n madat n mara ai ni, Karai Kasang hpe kam hpa ai lam hta galoi mung n ngang ai ni hte shi hta sadi sahka myit n dung ai shanhte a kaji kawa ni zawn rai nga na ma ai n rai.

PRU MAT 32:7

Dai Madu gaw Mawshe hpe, “Egutu mung kaw na nang woi wa ai na a amyu masha ni yubak galaw nna ngai hpe nyet kau masai majaw tin tin nhtang yu wa su.

YEREMIA 16:12

Rai ti mung, nang gaw na a nji nwa ni hta grau nna pyi n hkru ai amu galaw manit dai. Nanhte yawng hte gaw adu ja ai hte n hkru nga myit dai; nye a ga hpe mung n madat nga myit dai.

YEREMIA 23:17

Ngai tsun ai ga hpe madat hkam la na matu lale ai amyu masha ni hpang de shanhte hte rau hkawm sa ai rai yang, lam shagu hta mai kaja wa na ra ai nga nna shanhte matut tsun ma ai. Dai zawn adu ja nga ai ni langai hte langai hpe tsin-yam tsindam hkra lu na ra ai n rai, nga nna shanhte hkaw tsun na mara ai,” ngu nna tsun wu ai.

YEREMIA 3:17

Dai aten du ai shaloi, Yerusalem gaw ‘Dai Madu a Tingnyang,’ ngu nna shamying na mara ai; Masha amyu baw ni yawng mung ngai hpe nawku na matu sa zup wa na mara ai. Shanhte gaw du ja ai hte n hkru ai myit masin hte maw mawn ai lam hpe galoi mung hkan galaw na ma ai n rai.

EZEKELA 20:30

Nanhte gaw nanhte a kaji kawa ni galaw shut hpyit ai yubak hte maren shanhte a hpara sumla hpang de hpa majaw hkan nang mayu nga myit ni?, ngu nna ngai san nga ai ga, dai Israela amyu masha ni hpe ya jang tsun dan u.

MAHTE 23:32

Dai rai nna nanhte mung, nji nwa ni tawt lai hpang da sai mara a hpunda hpe dep hkra matut galaw sa wa masu!

TARA JAHPRANG 31:29

Ngai si mat ai hpang, amyu masha ni n hkru n shawp wa nhtawm ngai shanhte hpe sharin ya sai lam ni hpe shanhte ningdang kau na ma ai. Dai Madu hkum pat da ai amu galaw let shanhte shi hpe masin pawt shangun nga ma ai majaw htawm hpang prat e ru yak tsin-yam tsindam hte hkrum kadup na rai ma ai,” ngu nna tsun dan wu ai.

YAWSHU 24:31

Yawshu ahkrung nga dingsa Israela amyu masha ni mung dai Madu hpe nawku daw jau ma ai; shi n nga mat wa ai hpang e mung, dai Madu gaw Israela a matu galaw dan nu ai lam magup hpe ningbaw ni ahkrung nga dingsa shanhte hkum nan matut galaw nga ma ai.

TARA AGYI 10:13

Rai ti mung nanhte ngai hpe kau da nna kaga hpara ni hpe nawku myit dai majaw ngai nanhte hpe bai hkye mawai la na made ai n rai.

TARA AGYI 2:18

Dai Madu gaw Israela hpe ningbaw jaw ai shaloi, dai Madu gaw dai ningbaw wa a prat tup hta shi hpe karum la nhtawm gumlau hpyen ni a lata kaw nna amyu masha ni hpe hkye hkrang la wu ai. Shanhte hkrum sha ai nni nkri hte dip gamyet sha hkrum ai madai sharung nsen ni a majaw dai Madu shanhte hpe matsan dum la wu ai.

TARA AGYI 2:20

Shaloi dai Madu gaw Israela hpe pawt sindawng nna, “Ndai amyu masha ni gaw shanhte a kaji kawa ni hkan shatup na, ngai hkang da ai ga shaka hpe jahten sharun kau manu ai.

TARA AGYI 2:7

Israela amyu masha ni gaw dai Madu hpe Yawshu a prat tup hta nawku daw jau ma ai; shi n nga mat wa ai hpang e mung Israela a matu dai Madu galaw dan nu ai galu kaba ai amu ni yawng hpe mu dep dat ai ningbaw ni a prat hta mung dai Madu hpe matut nna nawku daw jau ma ai.

TARA AGYI 4:1

Ehud si mat ai hpang, Israela amyu masha ni gaw dai Madu hpe yubak bai galaw ma ai.

TARA AGYI 8:33

Gidon si mat ai hpang Israela amyu masha ni gaw Karai Kasang hpe bai n kam n sham ai hte Bala hpara ni hpe nawku mat ma ai. Shanhte mahtang Bala ga shaka hpe shanhte a hpara zawn shatai da mu ai rai nna,

1 SAMUELA 15:23

Shi hpe gumlau ai lam gaw hpyi shung shung ai zawn n kaja nga ai; myit tsaw myit dap rawng ai gaw hpara sumla hpe nawku ai htung lai zawn yubak lu nga ai. Dai Madu a hkang da ai ga hpe nang ningdang kau nit dai majaw shi mung nang hpe hkawhkam aya kaw nna jahkrat kau nu ai,” ngu nna htan wu ai.