TARA AGYI 2:15 - Jinghpaw Common Language Bible 2009

¹⁵ Shanhte majan pa de rawt ai aten shagu dai Madu gara hku galaw na hpe tsun da nu ai hte maren, shanhte hpe ninghkap wu ai. Shanhte gaw tsin-yam tsindam kaba hkrum sha nga ma ai.

Jinghpaw Hanson Version Bible

¹⁵ Shanhte hkawm sa wa ai lam magup hta, Yehowa tsun nna shanhte hpe dagam kau sai hte maren, Yehowa a lata ban dim ai hte katut nna, nachying matsan mayan hkrum mat ma ai.

TARA AGYI 2:15 ပူးပေါင်းရင်းမြစ်များ

2 HKAWHKAM LABAU 12:1

Rehoboam gaw shi a hkawhkam ahkang aya hpe shagrin da lu ai shaloi jang, shi hte shi a amyu masha ni yawng dai Madu a tara kau da ma ai.

YEREMIA 18:8

ngai lakap nna tsun ai amyu baw gaw shi a n hkru ai amu kaw na kayin wa ai rai yang, ari jaw na matu ngai tsun da ni ai rai tim, dai hpe ngai galaw na n rai.

YEREMIA 21:10

Ngai gaw ndai mare hpe n shangam da na matu nye a myit hpe daw dan ni ai; ndai mare hpe jahten shabyak kau na we ai. Dai mare gaw Babelon Hkawhkam a lata de ap kau ai hkrum na ra ai; shi gaw dai hpe ga du hkra nat kau na ra ai. Dai Madu ngai nan tsun ni ai.”

YEREMIA 44:11

Dai rai nna, Chyahtum Chyalai N-gun Rawng ai dai Madu Israela a Karai Kasang ngai gaw nanhte hpe kayin ninghkap nna Yuda amyu ting hpe jahten kau na nngai.

YEREMIA 44:27

Nanhte gaw ngamu ngamai na myit dai n rai, rai ti mung, shamyit kau hkrum na myit dai. Nanhte kaw na langai mi mung n ngam mat ai aten du hkra, nanhte yawng gaw hpyen majan hte ana zinli hta si htum mat na marin dai.

MIHKA 2:3

Dai rai nna dai Madu gaw, “Ngai gaw nanhte a ntsa e tsin-yam tsindam shabyin dat na matu yaw lajang da nga nngai; dai kaw na nanhte hprawng lawt lu na myit dai n rai. Nanhte gaw nanhte hkum nan ru yak jamjau ai hpe tam la nga myit dai, shaloi nanhte gaw grai gumrawng ai hte loi mi mung hkawm sa lu na myit dai ai n rai.

2 KORINHTU 4:8

Anhte gaw ya sha ya sha ru yak jam jau hkrum ga ai. rai ti mung agrawp kau hkrum ga ai n rai; kalang lang ung ang mat ga ai, rai ti mung myit htum mat ga ai n rai;

TARA JAHPRANG 18:20

Rai ti mung ngai n hkang da ai hku nye a mying ningsang gang let mungga tsun gwi ai myihtoi kadai mung, hpara shaje ni a mying gang nna tsun ai myihtoi kadai mung, shing re ai lam a majaw shi si lu na rai nga ai,’ ngu nna tsun wu ai.

TARA AGYI 10:9

Amon masha ni gaw Yawdan hka rap nna Yuda, Benyamin hte Ehprim amyu bawsang ni hpe hkap gasat ma ai rai nna Israela masha ni tsin-yam tsindam kaba hkrum kau ma ai.

RUHTA 1:13

shanhte kaba wa ai aten du hkra, nan la lu na myit ni? Kaga ni kaw num n wa hkra, dai ni hpe myit mada nga lu na rai myit ni? N rai na re, ngai nam yan e, dai lam hku n mai byin ai mung nan chye nga myit dai. Dai Madu gaw ngai hpe ari jaw ai hte ngai nan a matu grai myit yu machyi nga nngai,” ngu nna tsun wu ai.

1 SAMUELA 12:15

Rai ti mung nanhte gaw dai Madu a hkang da ai ga hpe lale nhtawm shi a ga hpe n madat myit dai rai yang, nanhte hpe mung, nanhte a hkawhkam wa hpe mung shi numdaw numdan tai na ra ai.

1 SAMUELA 13:6

Dai hpang, shanhte gaw Israela amyu masha ni hpe n-gun hte maja htim gasat ma ai majaw shanhte hpe myit chyum myit htum di shangun ma ai. Dai rai nna Israela amyu masha nkau mi mahtang lungpu hku ni, lunggrawp lungwawp ni, lunghkrung lungbra ni, nhkun ni hte hka htung ni hkan e makoi nga ma ai;

1 SAMUELA 14:24

“Nye a gumlau hpyen ni hpe ngai matai garai n htang lu yang, dai ni na nhtoi hta lusha sha ai wa kadai mung dagam dala hkrum u ga,” ngu nna Shawlu dagam shaka nna hkang da nu ai majaw dai shani e Israela amyu masha ni kawsi hpang gara hkrum nna n-gun kya nga ma ai. Kadai mung dai shani tup hpa mung n lu n sha nga ma ai.

1 SAMUELA 30:6

Dawi a masha ni gaw shanhte a kashu kasha ni mat mat nna shanhte yawng ahkup ahka nga ai hte shi hpe nlung hte kabai sat na nga jahkrit sharim ma ai majaw, dai aten hta Dawi gaw ru tsang kaba hkrum sha nga wu ai; rai ti mung dai Madu shi a Karai Kasang mung shi hpe nden marai jaw ya wu ai.