TARA AGYI 2:14 - Jinghpaw Common Language Bible 2009

¹⁴ Shing rai dai Madu gaw Israela hpe masin yu kahtet wu ai majaw shanhte hpe htim gasat nna kashun kashe di nhtawm hpya kau na ni a lata hta ap ya kau wu ai. Shi gaw shanhte hpe grup yin na masha hpyen ni a lata de ap kau ya wu ai majaw Israela masha ni shanhte hkum hpe loi mi pyi n makawp maga la lu na rai ma ai.

Jinghpaw Hanson Version Bible

¹⁴ Dai majaw Yehowa a pawt bu ai sindawng Israela hta du nna, shi shanhte hpe hpya sha na kashun kashe ai ni a lata de ap kau mu ai: shing rai grup yin na masha hpyen ni kaw dut kau mu ai rai nna, dai hpyen ni a man e shanhte bai n rawt lu ma ai.

TARA AGYI 2:14 ပူးပေါင်းရင်းမြစ်များ

2 SAMUELA 24:1

Dai Madu gaw Israela amyu hpe kalang mi bai masin pawt bu nga ai rai nna, shanhte hpe sharu shatsang shangun na matu, dai Madu gaw Dawi hpe, “Israela hte Yuda masha ni hpe sa hti yu su,” ngu nna tsun wu ai.

2 HKAWHKAM 13:3

Dai rai nna, dai Madu gaw Israela hpe masin pawt wu ai rai nna Suri Hkawhkam Hazaela hte shi a kasha Benhadad a lata hta lang hte lang Israela masha ni hpe gasat dang kau lu na ahkang jaw wu ai.

2 HKAWHKAM 17:20

Dai Madu gaw Israela amyu masha ni yawng hpe ningdang kau wu ai rai nna hpang jahtum shi a man kaw nna shanhte hpe gawt shapraw kau ai aten du hkra shanhte hpe ari jaw nna mazut ai gumlau hpyen ni a lata de shanhte hpe ap kau nga wu ai.

2 HKAWHKAM LABAU 15:5

Dai nhtoi hte yang mungdan shagu hta ru yak tsin-yam tsindam hte kashuk kashak rai nga ai majaw kadai mung shim lum ai hte pru wa, shang wa lu ma ai n rai.

2 HKAWHKAM LABAU 28:5

Hkawhkam Ahaza yubak galaw wu ai majaw dai Madu shi a Karai Kasang gaw Suri hkawhkam hpe gasat dang shangun wu ai. Yuda bawng masha law law ni hpe Damasku mare de woi wa ma ai. Dai Madu mung Remalia a kasha Israela Hkawhkam Peka hpe Ahaza a ntsa awng dang shangun wu ai rai nna lani jan e sha magrau grang htum ai Yuda hpyenla 120,000 sat kau ma ai. Dai Madu shanhte a kaji kawa ni a Karai Kasang gaw ndai zawn byin shangun wu ai; hpa majaw nga yang, Yuda masha ni shi hpe kabai kau ai majaw rai nga ai.

2 HKAWHKAM LABAU 36:16

Rai ti mung shanhte gaw Karai Kasang a kasa ni hpe asawng asang di nhtawm Karai Kasang a mungga hpe n kaw n law di nna shi a myihtoi ni hpe mani asawng kau mu ai majaw hpang jahtum dai Madu gaw shi a amyu masha ni hpe lawt lam htum mat hkra masin kahtet bu nga ai.

NEHEMIA 9:27

dai rai nna nang gaw shanhte a gumlau hpyen ni hpe up hkang shangun nga ndai. Shanhte a tsin-yam tsindam a majaw karum la na matu shanhte nang kaw hpyi jahtau ma ai, nang gaw shanhte hpe sumsing lamu kaw na htan ya nga ndai. Na a galu kaba ai matsan dum myit a majaw hpyen ni a lata na hkye mawai la na ningbaw ni hpe nang shangun dat ya ndai.

SHAKAWN KUNGDAWN 44:11

Sagu ni hpe zawn anhte hpe sat kau na matu, nang ahkang jaw kau nit dai; nang gaw anhte hpe maigan mungdan ni de shabra kau nit dai.

SHAKAWN KUNGDAWN 44:12

Na a amyu masha ni gaw manu kachyi mi sha dan nga ai ni hpe zawn nang shanhte hpe manu kachyi mi hte sha dut kau nga nit dai.

ESAIA 42:24

Kadai wa Israela hpe hpya lu hpya sha ai ni a lata de ap ya nga a ni? Dai gaw anhte yubak galaw shut kau ai dai Madu shi nan rai nga a hka! Shi anhte hpe asak hkrung shangun na ra sharawng ai zawn anhte hkrung ga ai n rai, shi anhte hpe jaw sai sharin shaga ga ni hpe madat ga ai n rai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

YEREMIA 37:10

Nang gaw Babelon hpyen luksuk ting hpe gasat dang kau nna hkala nba hkrum ai ni chyu sha ngam nga ai hte shanhte a sum ni hta taw nga ma ti mung, dai masha ni rawt wa nna ndai mare hpe dap byin mat hkra nat kau na mara ai,” ngu nna tsun wu ai.

JAW JAU 26:17

Ngai gaw nanhte hpe myi man kayin kau da na made ai, shaloi nanhte sum mat na marin dai. Nanhte hpe n dawng n yawt ai ni mahtang nanhte a ntsa e up na mara ai; nanhte hpe kadai n hkan shachyut ti mung hprawng nna grai hkrit gari mat na rai myit dai.

JAW JAU 26:28

nanhte hpe ngai pawt sindawng ai hte nhtan shai ai hku galaw nna shawng na hta grau sawng ai yubak ari htam sanit bai jaw na made ai.

JAW JAU 26:37

Nanhte hpe kadai n shachyut tim langai hte langai a ntsa e ahtu kataw na rai myit dai. Kaning re ai gumlau hpyen hpe mung nanhte gasat ninghkap lu na myit dai n rai.

BU HKAWM 32:13

Dai Madu gaw amyu masha ni hpe pawt bu ai rai nna shi hpe ka-un shangun ai ban masha ni yawng si htum mat ai aten du hkra, shanhte hpe nam mali hkan e mali shi ning tup brak hkawm shangun wu ai.

BU HKAWM 32:14

Ya mung dai Madu a masin kahtet ai gaw Israela a ntsa e jin jin bai shagrung dat na, dai n shawp n kap ai ban nnan masha nanhte gaw nanhte a kawa ni a malai rai nga manit dai.

TARA JAHPRANG 28:20

“Nanhte gaw dai Madu hpe ningdang kau nhtawm n hkru ai amu galaw myit dai rai yang, nanhte tsep kawp hten byak mat nna alawan hten run mat ai aten du hkra, nanhte galaw ai lam magup hta tsin-yam tsindam, kaming kamawng kashuk kashak hte ru yak shoihpa shoirang amu, nanhte a ntsa e du shangun na ru ai.

TARA JAHPRANG 28:25

“Nanhte hpe hpyen ai gumlau hpyen ni hpe dai Madu gaw awng padang jaw kau ya na ra ai. Nanhte gaw man maga langai hku sha shanhte hpang de htim sa wa lu myit ti mung, nanhte gaw shanhte kaw na lam maga sanit hku hprawng htaw mat wa na rai myit dai. Ga ntsa na masha amyu baw ni yawng nanhte hta byin ai lam ni hpe yu nna hkrit gari mat na mara ai.

TARA JAHPRANG 28:58

“Ndai laika hta ka da ai Karai Kasang a sharin shaga ai ga yawng hpe sadi sahka hte nanhte n madat ai sha, dai Madu nanhte a Karai Kasang a mauhpa hte hkrit hpa mying ningsang hpe n shagrau n sha-a myit dai rai yang,

TARA JAHPRANG 32:30

Marai langai sha masha hkying mi hpe, marai lahkawng e sha mun mi hpe hpa majaw dang kau lu a ta? Dai Madu shanhte a Karai Kasang shanhte hpe kau da nu ai; chyalai n-gun hte hpring ai shanhte a Karai Kasang shanhte hpe ap kau nu ai.

YAWSHU 23:16

Dai Madu nanhte a Karai Kasang gaw nanhte hkan shatup na matu hkang da ai ga shaka hpe nanhte tawt lai nna, kaga hpara shaje hpe nawku daw jau myit dai rai yang, shi pawt sindawng ai a majaw nanhte hpe ari jaw na ra ai; shi nanhte hpe jaw da ai ndai kaja ai mungdan hta na kade n na yang, nanhte htum mat na rai myit dai,” ngu nna tsun mu ai.

TARA AGYI 1:34

Amori masha ni gaw Dan a masha ni hpe bum ga de nga nga shangun nna pa ga de n yu wa shangun ma ai.

TARA AGYI 10:7

Dai rai nna Israela masha ni hpe dai Madu masin pawt wu ai rai nna Hpilisti hte Amon ni a lata de shanhte hpe ap kau wu ai.

TARA AGYI 2:20

Shaloi dai Madu gaw Israela hpe pawt sindawng nna, “Ndai amyu masha ni gaw shanhte a kaji kawa ni hkan shatup na, ngai hkang da ai ga shaka hpe jahten sharun kau manu ai.

TARA AGYI 3:12

Israela amyu masha ni gaw dai Madu hpe yubak galaw shut kau manu ai. Dai lam a majaw dai Madu gaw Moba Hkawhkam Eglon hpe Israela ni hta grau n-gun shaja ya wu ai.

TARA AGYI 4:2

Dai rai nna dai Madu gaw shanhte hpe Hazora e hkaw dung ai Hkanani Hkawhkam Yabin a lata de ap kau wu ai. Shi a luksuk hpyen du gaw maigan amyu ni a Haroshet mare hta nga ai Sisera rai nga ai.